Bütün dövlət strukturları sel və daşqın fəlakətinə qarşı koordinasiyalı fəaliyyət göstərir

Bakı:

19 °C

72 %

7 m/s

Əlaqə

AZ RU EN

Ana səhifə / Siyasət / Bütün dövlət strukturları sel və daşqın fəlakətinə qarşı koordinasiyalı fəaliyyət göstərir

Bütün dövlət strukturları sel və daşqın fəlakətinə qarşı koordinasiyalı fəaliyyət göstərir

20.05.2010 [10:09]

Məhz bu birgə fəaliyyət problemdən minimum itkilərlə xilas olmağa şərait yaradıb
Kür çayında suyun səviyyəsinin artması ölkənin bəzi rayonlarını təbii fəlakət-sel və daşqınlarla üz-üzə qoydu. Azərbaycanın bir neçə rayonu-Sabirabad, Saatlı, İmişli, Kürdəmir, Hacıqabul, Salyan, Neftçala, Zərdab rayonları və Şirvan şəhəri təbii fəlakətdən ziyan gördü. Hətta bəzi rayonların bir neçə kəndinin sakinləri öz evlərindən evakuasiya olunmaq məcburiyyətində qaldı.
ölkə Prezidentinin, hökumət strukturlarının məsələyə operativ və çevik müdaxiləsi isə bu fəlakətin faciəyə dönməsinin qarşısını aldı. Təhlükə yaranan zaman, yəni, mayın 7-də ölkə Prezidenti İlham Əliyevin rəhbərliyi ilə problemin müzakirəsinə həsr olunan müşavirə keçirildi. Bundan başqa, dövlət başçısı təbii fəlakət zonasına şəxsən baş çəkdi, daşqından ziyan çəkmiş rayonların sakinləri ilə görüşdü, fəlakət zonasında səyyar müşavirə keçirdi. Qeyd etmək lazımdır ki, problemin aradan qaldırılıması ilə məşğul olan aidiyyəti qurumlar qısa müddət ərzində daşqının qarşısını almağa və bəndbərkitmə işlərinə start verməyə nail oldular. Prezident İlham Əliyevin tapşırıq və göstərişləri əsasında rayonlarda bütün qüvvələr səfərbər olundu və təbii fəlakətin miqyasının böyüməsinə imkan verilmədi.
Vurğulamaq lazımdır ki, bu müddət ərzində rayonlarda yerli icra strukturlarının koordinasiyalı fəaliyyəti də öz bəhrəsini verdi. Problem yarandığı dövrdən-yəni, aprel ayının sonlarından başlayaraq, artıq bütün rayonlarda məsələ ilə bağlı xüsusi qərargahlar yaradıldı, bütün idarə və təşkilatlar daşqının qarşısının alınması işinə səfərbər oldu. Əlaqədar strukturların fəlakət zonasında səmərəli fəaliyyəti üçün şərait yaradıldı. Prezident İlham Əliyevin bəyan etdiyi kimi, ölkəmiz öz vətəndaşlarını qorumağa qadir olduğunu bir daha nümayiş etdirdi. Qısa müddət ərzində rayon icra strukturları fəlakət bölgəsində aidiyyəti dövlət qurumlarının iş aparması və əhalinin təhlükəsizliyinin təminatının təşkili işində yaxından iştirak etdilər. Bu isə bir daha sübut edir ki, ölkəmizdə aparılan düzgün daxili siyasi kurs yerli icra orqanlarının da işinin çevikliyini və operativliyini təmin edib. Bundan başqa, görülən tədbirlər, aparılan işlər bir daha göstərdi ki, rayonların inkişafı yüksək səviyyədədir və artıq ən ağır fəlakətlərin qarşısının alınması belə mümkündür. Bunun əsasında isə Prezident İlham Əliyevin qətiyyətli və düzgün nizamlanmış, yalnız inkişafı və vətəndaşların rifahını təmin edə biləcək siyasəti dayanır.
Təbii ki, ölkəmizin əldə etdiyi bu uğurlar, Azərbaycanda vətəndaş cəmiyyətinin inkişafı bir sıra bədxahları narahat edir. O baxımdan yerli strukturlarla hakimiyyət orqanlarının, o cümlədən, yerli əhalinin koordinasiyalı fəaliyyətinin üstünə kölgə salmaq cəhdləri edilsə də, bu puç oldu. çünki ortada əməli fəaliyyət var və bu fəaliyyət Prezident İlham Əliyevin düzgün daxili siyasətinə əsaslanır. Prezident İlham Əliyevin də vurğuladığı kimi, vaxtında tədbirlər görülməsəydi, insanlar xəbərdar olunmasaydı və bütün lazımi tədbirlər görülməsəydi, bədbəxt hadisələrin sayı daha da çox ola bilərdi.
Qeyd etmək lazımdır ki, bu gün ölkəmizdə aparılan davamlı, inkişafa yönəlik daxili siyasətin əsasında, həm də vətəndaş birliyinin daha da möhkəmləndirilməsi prinsipi dayanır ki, baş verən fəlakət zamanı bu bir daha özünü göstərdi. Yerli əhalinin hökumət strukturları və yerli icraedici orqanlarla birgə fəaliyyəti, problemin aradan qaldırılmasında yaxından iştirakı vətəndaşların Azərbaycan Prezidentinə, yürüdülən siyasətə dəstəyinin sübutudur.
P.SADAYOÄžLU

Paylaş:

Baxılıb: 1206 dəfə