"Rusiya-Türkiyə münasibətlərinin sürətlə inkişaf etməsi Rusiyanın vassalı olan Ermənistanı çox pis vəziyyətdə qoyub"

Bakı:

30 °C

39 %

3 m/s

AZ RU EN

Ana səhifə / Siyasət / "Rusiya-Türkiyə münasibətlərinin sürətlə inkişaf etməsi Rusiyanın vassalı olan Ermənistanı çox pis vəziyyətdə qoyub"

"Rusiya-Türkiyə münasibətlərinin sürətlə inkişaf etməsi Rusiyanın vassalı olan Ermənistanı çox pis vəziyyətdə qoyub"

19.05.2010 [10:10]

“Türkiyənin hansısa formada Rusiyadan asılı olmasını qəbul etmirəm və düşünmürəm ki, Türkiyə Rusiyadan asılıdır”. Bu sözləri SİA-ya verdiyi açıqlamasında Yeni Azərbaycan Partiyası (YAP) İcra katibinin müavini, millət vəkili Mübariz Qurbanlı deyib. Türkiyə Cümhuriyyətinin iqtisadi, hərbi baxımdan güclü bir dövlət olduğunu dilə gətirən millət vəkili bildirib ki, Türkiyə istənilən bir ölkə ilə bərabərhüquqlu münasibətlər qurmağa qadirdir: “Türkiyə sadəcə Rusiyadan enerji resursları idxal edir. Bu gün Avropanın ən inkişaf etmiş ölkələri Almaniya, İtaliya, Fransa da Rusiyadan təbii qaz idxal edir. Bu heç də enerji asılılığı deyil. Doğrudur, Rusiya enerji resursları ixrac edən ölkə kimi bundan bəzi hallarda təzyiq vasitəsi kimi istifadə edə bilir və edir də, lakin bu gün Türkiyənin enerji idxalında problemi yoxdur. çünki Türkiyənin yerləşdiyi bölgə qardaş ölkənin bütün istiqamətlərdə neft, qaz idxalı üçün şərait yaradır”.
Onun sözlərinə görə, Rusiya ilə Türkiyə arasında münasibətlər tam bərabərhüquqlu səviyyədədir. Millət vəkili vurğulayıb ki, Rusiya prezidenti Dmitri Medvedevin Türkiyəyə səfəri zamanı aparılan danışıqlar, imzalanan müqavilələr Türkiyənin Rusiya ilə münasibətlərdə tam bərabərhüquqlu mövqedən çıxış etdiyini göstərir. Bəzi hallarda isə iki ölkə arasında həyata keçirilən layihələrdə, neft və qaz ixracında Rusiyanın Türkiyədən asılı olduğunu görmək də mümkündür.
“Rusiya-Türkiyə münasibətlərinin sürətlə inkişaf etməsi, viza rejiminin aradan qaldırılması, iki ölkə arasında ticari dövriyyənin durmadan artması, humanitar əlaqələrin inkişaf etməsi hesab edirəm ki, Rusiyanın vassalı olan Ermənistanı çox pis vəziyyətdə qoyub. Ermənilər bundan hədsiz dərəcədə narahatdırlar. Onların Rusiyaya, Qərbə arxalanaraq Türkiyəyə təzyiq göstərmək niyyətləri puç olub. Bu gün Türkiyə-Ermənistan münasibətləri Ermənistanın tutduğu mövqedən asılıdır. Onlar nə qədər ki təcavüzkardır, işğal olunmuş Azərbaycan torpaqlarını azad etməyiblər, Türkiyənin Ermənistanla sərhədləri açması qeyri-mümkündür və bunu artıq Türkiyə, İrəvan, Paris, Vaşinqton da gözəl anlamaqdadırlar”, - deyə o, qeyd edib.
M.Qurbanlı vurğulayıb ki, Rusiya-Türkiyə münasibətlərinin inkişafı bölgədə sülhün, əmin-amanlığın yaradılmasına xidmət etməklə yanaşı, Azərbaycanın da mövqelərini möhkəmləndirib, eyni zamanda Dağlıq Qarabağ məsələsinə müsbət təsir göstərir: “Bizim dostlarımızın dostları bizim dostlarımızdır. Bizim dostlarımızın dostlaşması bizim dostluq mövqelərimizin artması deməkdir. “Düşmənimin düşməni mənim dostumdur” prinsipi xarici siyasətdə də özünü doğrultmaqdadır”.

Paylaş:

Baxılıb: 1238 dəfə