Ədalətli, obyektiv materiallar hazırlayan jurnalistlər erməni lobbisinin təzyiq və təhdidləri ilə üzləşirlər

Bakı:

17 °C

77 %

3 m/s

AZ RU EN

Ana səhifə / Siyasət / Ədalətli, obyektiv materiallar hazırlayan jurnalistlər erməni lobbisinin təzyiq və təhdidləri ilə üzləşirlər

Ədalətli, obyektiv materiallar hazırlayan jurnalistlər erməni lobbisinin təzyiq və təhdidləri ilə üzləşirlər

07.11.2020 [08:35]

İşğalçı və faşist Ermənistanın jurnalistləri hədələməsi yolverilməzdir, beynəlxalq ictimaiyyət bu cür hərəkətlərin qarşısını qətiyyətlə almalıdır

Məlum olduğu kimi, Ermənistan-Azərbaycan Dağlıq Qarabağ münaqişəsi ilə bağlı obyektiv vəziyyəti, Azərbaycan həqiqətlərini işıqlandıran xarici media nümayəndələrinə qarşı erməni lobbi və diaspor təşkilatlarının təzyiqləri davam etməkdədir. Belə ki, ermənilər münaqişə zonasından obyektiv məlumat yayan medianı hədəfə götürür, jurnalistləri ölümlə hədələyir, təhdid və təhqirlərə məruz qoyurlar. Bununla yanaşı, erməni lobbisi tərəfindən münaqişə ilə bağlı obyektiv mövqe nümayiş etdirən media orqanlarına qarşı aksiyalar təşkil olunur. Fransanın “TF1” kanalı, ABŞ-ın “New York Times” qəzeti, İtalyanın “La Repubblica” qəzeti, Türkiyənin “TRT” kanalı və digərlərinə olan hücumlar işğalçı Ermənistanın informasiya terrorunun nümunələridir.

Qeyd olunduğu kimi, bütün dünyada ermənilərin media orqanlarına və jurnalistlərə hücumları terrorizm mahiyyəti daşıyır. Belə ki, Fransanın “TF1” kanalında jurnalist Liseron Budulun Azərbaycanın Dağlıq Qarabağ regionunda döyüşlərin gedişindən bəhs edən reportajı yayımlandıqdan sonra Fransadakı erməni lobbisinin üzvləri ona və kanala qarşı total hücumlar edib, hətta jurnalisti ölümlə hədələyiblər. “New York Times” qəzetinin İstanbuldakı müxbiri Karlotta Qallın da eyni səbəbə görə ermənilərin mənəvi və siyasi terroruna məruz qalıb. Bu günlərdə İtalyanın “La Repubblica” qəzetinin jurnalisti Peitro Del Re erməni lobbisinin təhqirləri ilə üzləşib. Düzdür, “Sərhədsiz Reportyorlar” təşkilatı bəyanat yayaraq L.Budul və “TF1”-ə qarşı olan təzyiqləri qətiyyətlə pisləyib. Amma hələlik digər hallara görə beynəlxalq media qurumları ermənilərin informasiya terroruna qarşı ciddi etiraz bildirməyiblər.

Yeri gəlmişkən, qeyd edək ki, erməni lobbisinin Avropada və dünyanın digər ölkələrindəki jurnalistləri hədəfə alması işğalçı dövlətin hərbi cinayətlərinin dünyaya çatdırılmasından ciddi narahat olduğunu göstərir. Çünki terroru dəstəkləyən, faşizmi özünün dövlət siyasətinin tərkib hissəsi kimi qəbul edən işğalçı dövlətin əsl siması müstəqil medianın fəaliyyəti nəticəsində üzə çıxır.

Digər maraqlı məqam ermənilərin təkcə Dağlıq Qarabağ münaqişəsi haqqında obyektiv mövqe nümayiş etdirən jurnalistləri deyil, siyasətçiləri və ictimai fəalları da hədəfə götürməsidir. Ekspertlər qeyd edirlər ki, erməni lobbisinin bütün dünyada müstəqil medianı susdurmaq cəhdləri bütün beynəlxalq media institutlarını narahat etməli və bu qanunsuzluğa açıq etiraz bildirilməlidir.

Qaşqay ZİYƏDDİNOĞLU

Paylaş:

Baxılıb: 488 dəfə