Arzuxan Əlizadə: Azərbaycanın ərazi bütövlüyünün bərpa edilməsi məsələsində sona qədər dövlətimizin, Ali Baş Komandanımızın və ordumuzun yanındayıq

Error:

AZ RU EN

Ana səhifə / Siyasət / Arzuxan Əlizadə: Azərbaycanın ərazi bütövlüyünün bərpa edilməsi məsələsində sona qədər dövlətimizin, Ali Baş Komandanımızın və ordumuzun yanındayıq

Arzuxan Əlizadə: Azərbaycanın ərazi bütövlüyünün bərpa edilməsi məsələsində sona qədər dövlətimizin, Ali Baş Komandanımızın və ordumuzun yanındayıq

09.10.2020 [08:48]

“Ötən ilin sonunda Prezident Administrasiyasında yeni bir şöbənin - Siyasi partiyalar və qanunvericilik hakimiyyəti ilə əlaqələr şöbəsinin yaradılması və fəaliyyətə başlamasından sonra siyasi partiyalarla iş üslubunda müsbət mənada çox ciddi dəyişikliklər baş verib. İlin əvvəlindən Azərbaycan Prezidenti İlham Əliyevin də dediyi kimi, ölkədə yeni bir siyasi konfiqurasiya formalaşmaqdadır. Belə ki, bu ilin fevral ayının sonlarından etibarən sözügedən şöbənin müdiri Ədalət Vəliyev ölkədə fəaliyyət göstərən əksər siyasi partiyaların rəhbərləri ilə görüşlər keçirib. Bu proseslər isə ölkədə siyasi həmrəyliyin təmin olunmasına təkan verib”.
Bu fikirləri Azərbaycan Milli İstiqlal Partiyasının sədri Arzuxan Əlizadə söyləyib.
Partiya sədrinin sözlərinə görə, siyasi dialoqun dərinləşdirilməsinin məntiqi nəticəsidir ki, Vətən müharibəsinin aparıldığı bu günlərdə ölkənin əksər siyasi partiyaları yekdillik nümayiş etdirir: “50 siyasi partiya rəhbəri əks-hücum əməliyyatlarının başlandığı ilk gündən Ali Baş Komandanın qəbul etdiyi qərara birmənalı olaraq dəstək göstərib. Sentyabrın 27-də imzalanan birgə bəyanatda olduğu kimi, oktyabrın 3-də ölkədə fəaliyyət göstərən siyasi partiya rəhbərlərinin dəvət edildiyi videoformatda keçirilən görüşdə də Ermənistan silahlı qüvvələrinin növbəti təxribatından sonra Ali Baş Komandan İlham Əliyevin Azərbaycan Ordusunun əks-hücum əməliyyatına başlaması barədə qəbul etdiyi qərara qətiyyətli dəstək ifadə olunub”.
Partiya sədrinin sözlərinə görə, təəssüf ki, ölkədə fəaliyyət göstərən 52 partiyadan 2-si bu prosesdən bir qədər kənarda qalıb: “Amma bu elə bir məsələdir ki, Vətənin gələcəyi naminə tərəddüd etmək yolverilməzdir. Ona görə də, biz Milli İstiqlal Partiyası olaraq milli və dövlət maraqları olan yerdə Azərbaycanın dövlətçiliyinə dəstək verməyi müxalif mövqedən də, fikir ayrılığından da üstün tuturuq. Xüsusilə Azərbaycanın işğal edilmiş torpaqlarının azad edilməsi, ərazi bütövlüyünün təmin edilməsi məsələlərində bütün maraqları arxa palana keçirir və Vətənin gələcəyi naminə fəaliyyət göstəririk. 27 sentyabrda da Azərbaycan Milli İstiqlal Partiyası millətimiziin, dövlətimizin və Ali Baş Komandanın yanında olduğunu vurğulayan bəyanat qəbul edib. Həmin bəyanatın və 50 partiyanın birgə bəyanatının davamı olaraq işğal altında olan bütün torpaqlarımızın azad edilməsinə qədər müharibənin davam etdirilməsinin vacibliyini qeyd edirik. Azərbaycanın ərazi bütövlüyünün bərpa edilməsi məsələsində sona qədər dövlətimizin, Ali Baş Komandanımızın və ordumuzun yanındayıq”.
Partiya rəhbərlərinin geniş fikir mübadiləsi apardığı son görüşün əhəmiyyətinə toxunan A.Əlizadə deyib ki, siyasi partiyaların bu məsələdə həmrəylik nümayiş etdirməsi həm cəmiyyətə, həm də beynəlxalq ictimaiyyətə mühüm mesaj olub: “Siyasi partiya rəhbərlərinin həmrəyliyi ilk növbədə ölkə daxilinə ünvanlanan bir mesaj idi ki, ümummilli məsələlərdə, o cümlədən ölkəmizin ərazi bütövlüyünün təmin olunması məsələsində fikir ayrılığı ola bilməz. Digər tərəfdən, siyasi qüvvələr bütün dünyaya dövlətin, xalqın yanında olduğunu nümayiş etdirib. Çünki əksər siyasi partiyaların torpaqlarımızın işğaldan azad edilməsi naminə dövlətin, Ali Baş Komandanın yanında olmasını bəyan etməsi çox ciddi mesajdır. Sonuncu videokonfransdakı çıxışlar da bunu sübut edib. Mən özüm də həmin tədbirdə çıxış edərək partiyamızın mövqeyini dilə gətirdim. Ümumiyyətlə, bu tədbirdə bir daha siyasi partiyalarla hakimiyyət arasında bu məsələdə heç bir fikir ayrılığı olmadığı sübut olundu”.
Qaşqay

Paylaş:

Baxılıb: 394 dəfə