Nərimanov rayonunda Novruz bayramı ilə əlaqədar tədbir keçirilib

Bakı:

27 °C

57 %

11 m/s

Əlaqə

AZ RU EN

Ana səhifə / Siyasət / Nərimanov rayonunda Novruz bayramı ilə əlaqədar tədbir keçirilib

Nərimanov rayonunda Novruz bayramı ilə əlaqədar tədbir keçirilib

17.03.2010 [10:34]

Məhəbbət İbrahimova: Novruz bayramı təbiətin oyanması baxımından bir növ həyatın dirçəlişidir
Novruz bayramı ilə əlaqədar respublikamızda və ölkəmizin hüdudlarından kənarda silsilə tədbirlər keçirilir. Belə tədbirlərdən biri də dünən Yeni Azərbaycan Partiyası (YAP) Nərimanov rayon təşkilatının Qadınlar Şurasının təşkilatçılığı ilə rayon ərazisində yerləşən 177 saylı orta məktəbdə reallaşıb. Tədbiri giriş sözü ilə məktəbin direktoru, YAP Nərimanov rayon təşkilatı Qadınlar Şurasının sədr müavini Həqiqə Məmmədova açaraq söyləyib ki, el-obamızın gözəl adət-ənənələri var. Azərbaycan xalqının milli adət-ənənələrini yaşatmaq isə bu gün gənc nəsillərin payına düşür. Novruz bayramının özünəməxsus ənənələrindən danışarkən H.Məmmədova bildirib ki, bu ərəfədə küsülülər barışır, böyüklər ziyarət olunur, bayram xonçaları bəzədilir, bərəkət rəmzi olan səmənilər cücərdilir.
Novruz bayramının yaz fəslinin gəlişini, təbiətin canlanmasını xarakterizə etdiyini deyən YAP Qadınlar Şurasının sədr müavini, YAP Nərimanov rayon təşkilatı Qadınlar Şurasının sədri Məhəbbət İbrahimova isə diqqətə çatdırıb ki, 2009-cu ildən Novruz bayramı YUNESKO tərəfindən qeyri-maddi, mədəni irs siyahısına daxil edilib. Həmçinin, BMT Baş Assambleyasının builki sessiyasının iclasında mart ayının 21-i “Beynəlxalq Novruz Günü” elan edilib. “Bugünkü tədbirimiz torpaq çərşənbəsinə, el arasında axır çərşənbə kimi bilinən günə təsadüf edib. Əslində, Novruz bayramı təbiətin oyanması, əkinçilik təsərrüfatının başlanması ilə bağlı əsl dünyəvi bayram hesab oluna bilər. Novruz bayramı bir növ həyatın dirçəlişi deməkdir” söyləyən M.İbrahimova hər il Novruz bayramının ölkəmizin hüdudlarından kənarda da həmvətənlərimiz tərəfindən möhtəşəm şəkildə qeyd olunduğunu vurğulayıb.
M.İbrahimova çıxışında, eləcə də, Azərbaycan xalqının ümummilli lideri Heydər Əliyevin Novruz bayramı ilə bağlı fikirlərini xatırladaraq Ulu öndərin Novruz bayramını xalqımızın ən əziz bayramı hesab etdiyini diqqətə çatdırıb.
M.İbrahimova çıxışının sonunda Azərbaycan xalqına əmin-amanlıq və ruzi-bərəkət arzu edib.
Tədbirin bədii hissəsində məktəblilərin əl işlərindən ibarət sərgi təqdim olunub. Sonra qalanan tonqal ətrafında məktəblilər xalq oyunlarımızı nümayiş etdiriblər. Gənc idmançılar isə öz məharətlərini göstəriblər. Həmçinin, Azərbaycan milli rəqslərindən nümunələr təqdim olunub. Novruz bayramının sevimli personajları Kosa və Keçəlin, Bahar qızının, eləcə də, Azərbaycan xalq nağıllarından birinin sevimli qəhrəmanı Cırtdanın şən bayram zarafatları tədbir iştirakçıları tərəfindən maraqla qarşılanıb.
TURANƏ

Paylaş:

Baxılıb: 1264 dəfə