Üçüncü çağırış Naxçıvan MR Ali Məclisinin səkkizinci sessiyası keçirilib

Bakı:

27 °C

59 %

9 m/s

Əlaqə

AZ RU EN

Ana səhifə / Siyasət / Üçüncü çağırış Naxçıvan MR Ali Məclisinin səkkizinci sessiyası keçirilib

Üçüncü çağırış Naxçıvan MR Ali Məclisinin səkkizinci sessiyası keçirilib

29.12.2009 [10:30]

üçüncü çağırış Naxçıvan MR Ali Məclisinin səkkizinci sessiyası keçirilib.
Sessiyanın gündəliyi təsdiq olunub. Naxçıvan MR Ali Məclisinin sədri Vasif Talıbov 2009-cu ildə Muxtar Respublikanın sosial-iqtisadi inkişafının yekunları ilə əlaqədar məruzə edib.
Naxçıvan MR maliyyə naziri Xalid İsgəndərov “Naxçıvan Muxtar Respublikasının 2010-cu il dövlət büdcəsinin təsdiq edilməsi”, Dövlət Sosial Müdafiə Fondunun sədri Rasim Hüseynov “Naxçıvan Muxtar Respublikası Dövlət Sosial Müdafiə Fondunun 2010-cu il büdcəsinin təsdiq edilməsi” barədə çıxış ediblər.
“Naxçıvan Muxtar Respublikasının Konstitusiyasına əlavələr və dəyişikliklər edilməsi haqqında”, “Naxçıvan Muxtar Respublikasının İnsan Hüquqları üzrə Müvəkkili (Ombudsman) haqqında” Naxçıvan Muxtar Respublikasının Qanununa dəyişikliklər edilməsi barədə” və “Naxçıvan Muxtar Respublikasının Vəkillər Kollegiyası haqqında” Naxçıvan Muxtar Respublikasının Qanununa əlavə edilməsi barədə” məsələlər müzakirə edilib, müvafiq qanunlar qəbul olunub.
Naxçıvan MR İnsan Hüquqları üzrə Müvəkkili (Ombudsman) ülkər Bayramovanın hesabatı dinlənilib.
Sessiyada Avropa Şurasının Yerli və Regional Hakimiyyətlər Konqresində Azərbaycan nümayəndə heyətinin rəhbəri Anar İbrahimovun məlumatı dinlənilib, Naxçıvan MR Ali Məclisi sədrinin fərmanları təsdiq edilib.
Ali Məclisin sədri sessiyaya yekun vuraraq deyib: “Biz 2009-cu ilə yekun vurduq. Əvvəllər olduğu kimi, ötən müddət ərzində də Muxtar Respublikada iqtisadi inkişaf davam etdirilmiş, quruculuq işlərinin həcmi daha da artırılmış, bir sıra uğurlar əldə olunmuşdur. Muxtar Respublikanın inkişafında, sabitliyin, sərhədlərin qorunmasında əməyi olanların hamısına təşəkkürümü bildirir, qarşıda duran vəzifələrin yerinə yetirilməsində hər birinizə uğurlar arzulayıram. Bugünkü sessiyamız əlamətdar ərəfədə keçirilir. Qarşıdan Dünya Azərbaycanlılarının Həmrəyliyi Günü və Yeni il bayramı gəlir. 1991-ci ilin dekabrında ümummilli lider Heydər Əliyevin təşəbbüsü ilə Naxçıvan MR Ali Məclisində təsis olunmuş, az sonra bütün ölkə miqyasında qəbul edilmiş həmrəylik bayramı bizləri azərbaycançılıq ideyasını, doğma vətənimiz Azərbaycanı daha da inkişaf etdirmək, qüdrətli dövlətə çevirmək amalı uğrunda sıx birləşdirir”.
Ali Məclisin sədri Dünya Azərbaycanlılarının Həmrəyliyi Günü və Yeni il münasibəti ilə sessiya iştirakçılarını, bütün Muxtar Respublika əhalisini, Silahlı qüvvələrin Muxtar Respublika ərazisindəki hissələrinin şəxsi heyətini təbrik edib.
Bununla da üçüncü çağırış Naxçıvan Muxtar Respublikası Ali Məclisinin səkkizinci sessiyası öz işini başa çatdırıb.

Paylaş:

Baxılıb: 1420 dəfə