YAP 2009-cu ildə kifayət qədər gərgin və səmərəli fəaliyyət göstərib

Bakı:

13 °C

58 %

13 m/s

Əlaqə

AZ RU EN

Ana səhifə / Siyasət / YAP 2009-cu ildə kifayət qədər gərgin və səmərəli fəaliyyət göstərib

YAP 2009-cu ildə kifayət qədər gərgin və səmərəli fəaliyyət göstərib

29.12.2009 [10:29]

Əli Əhmədov: ölkəmiz üçün uğurlu olan il, Yeni Azərbaycan Partiyası üçün də uğurludur. Buna başqa cür yanaşmaq olmaz
“Yeni Azərbaycan Partiyası (YAP) 2009-cu ildə kifayət qədər gərgin və səmərəli fəaliyyət göstərib”. Bu sözləri YAP Sədrinin müavini-İcra katibi, Milli Məclisin deputatı Əli Əhmədov 2009-cu ilin yekunlarını şərh edərkən deyib.
İlk olaraq, bu ilin əvvəlində YAP-ın da yaxından iştirak etdiyi referendumu qeyd edən Əli Əhmədov deyib ki, həm referenduma çıxarılan məsələlərin irəli sürülməsi təşəbbüsündə, həm də bu kampaniyanın keçirilməsində YAP kifayət qədər fəallıq nümayiş etdirib.
“Bu faktı mən 2009-cu ildə YAP-ın uğurları sırasına tam məsuliyyətlə daxil edə bilərəm. Digər tərəfən, 2009-cu il YAP-ın bələdiyyə seçkiləri kampaniyasında iştirakı ilə əlamətdardır. Dekabrın 23-də keçirilmiş seçkilər fəaliyyətimizin uğurlu olduğunu təsdiqlədi. Güman edirəm ki, partiyamız bir ildə həm referendum kampaniyasının keçirilməsi, həm də bələdiyyə seçkilərində iştirak etmək kimi çox çətin vəzifələrin öhdəsindən layiqincə gəlməklə fəaliyyətinin nə qədər gərgin, amma uğurlu olduğunu təsdiqləyə bildi” deyə YAP Sədrinin müavini vurğulayıb.
Əli Əhmədov qeyd edib ki, il ərzində YAP-ın fəaliyyəti yalnız bu iki kampaniyada iştirak etməklə məhdudlaşmayıb. YAP özünün ictimai mövqeyinin möhkəmləndirilməsi istiqamətində də böyük fəaliyyət göstərib. 2009-cu ildə bu istiqamətdə daha da güclənmişik. YAP-ın sıralarına daxil olanların sayı əhəmiyyətli dərəcədə artıb: “Artıq üzvlərimizin sayı 500 min nəfərə yaxınlaşıb. Güman edirəm ki, bir və ya iki ay sonra YAP-ın üzvlərinin sayı 500 min nəfərə çatacaq və bu göstərici tarixi bir hədd olacaq”.
2009-cu il ərzində YAP-ın beynəlxalq əlaqələrinin də əhəmiyyətli dərəcədə gücləndiyini deyən İcra katibinin sözlərinə görə, bir sıra partiyalarla və partiyaların beynəlxalq qurumları ilə əməkdaşlıq bu il xeyli genişləndirilib. O, bildirib ki, YAP Asiya ölkələri Siyasi Partiyalarının əsas icra orqanı olan Daimi Komitəyə üzv seçilib. Eyni zamanda, nüfuzlu Avropa Xalqları Partiyası ilə YAP-ın əməkdaşlığı da genişlənməkdədir. Əli Əhmədov qeyd edib ki, bu və digər faktlar 2009-cu ilin YAP üçün uğurlu olduğunu təsdiqləyir: “ölkəmiz üçün uğurlu olan il, Yeni Azərbaycan Partiyası üçün də uğurludur. Buna başqa cür yanaşmaq olmaz”.
N.BAYRAMLI

Paylaş:

Baxılıb: 1160 dəfə