Bişkekdə Dünya Azərbaycanlılarının Həmrəyliyi Günü münasibəti ilə mərasim keçirilib

Bakı:

20 °C

73 %

2 m/s

Əlaqə

AZ RU EN

Ana səhifə / Siyasət / Bişkekdə Dünya Azərbaycanlılarının Həmrəyliyi Günü münasibəti ilə mərasim keçirilib

Bişkekdə Dünya Azərbaycanlılarının Həmrəyliyi Günü münasibəti ilə mərasim keçirilib

29.12.2009 [10:26]

Tədbirdə Qırğızıstan parlamenti sədrinin birinci müavini çolpon Baekova, parlamentin üzvləri, Azərbaycan, türk və tacik diasporunun üzvləri, jurnalistlər və incəsənət ustaları iştirak ediblər
AzərTAc: Bişkekdəki Türkdilli ölkələrin Siyasətinə Dəstək Fondu Dünya Azərbaycanlılarının Həmrəyliyi Günü münasibəti ilə böyük mərasim keçirib. Tədbirdə Qırğızıstan parlamenti sədrinin birinci müavini çolpon Baekova, deputatlardan parlamentin komitə sədri Şəripə Sadıbakasova, Nurlan Koyçubakov, Zulxabira Bekenova, Roza Abdıraimova, Aynur Kencebaeva, Qazaxıstanın Qırğızıstandakı səfiri Beybit İsabayev, respublika MEA-nın bir qrup akademiki, Asılbek Aydaraliyev, Sovetbek Toxtamışev, Rozetta Aytmatova, Canıbek Şarşenaliyev, Sırtbay Musaev, Abdıldacan Akmataliyev, Kaken Suleymankulov, Duyşon Mamatkanov, İlqiz Aytmatov, Doxturbek Adambekov, Askar Kakeev, paytaxtdakı Azərbaycan, türk və tacik diasporunun üzvləri, jurnalistlər və incəsənət ustaları iştirak ediblər.
Fondun sədri Nüsrət Məmmədov Dünya Azərbaycanlılarının Həmrəyliyi günü ilə bağlı Azərbaycan Prezidenti İlham Əliyevin müraciətini oxuyub, bu günün qeyd olunması ilə əlaqədar Ulu öndər Heydər Əliyevin tarixi qərarının əhəmiyyəti haqqında danışıb. N.Məmmədov bütün dünyada yaşayan soydaşlarımızı bir yerə toplamaq, onların qayğı və problemləri ilə maraqlanmaq, Dünya Azərbaycanlılarının qurultaylarını Bakıda keçirmək ideyasının da Ulu öndər Heydər Əliyevə məxsus olduğunu bildirib.
çolpan Baekova xalqlarımız arasında dostluq əlaqələrinin tarixindən danışıb, dünya şöhrətli siyasi xadim Heydər Əliyevin Qırğızıstana səfərini xatırladıb, bütün dünyada yaşayan azərbaycanlıların təşkilatlanması işində bu günün böyük əhəmiyyəti olduğunu vurğulayıb. Azərbaycan dövlətinin dünyanın müxtəlif ölkələrində yaşayan azərbaycanlılar arasında birlik və həmrəyliyin möhkəmləndirilməsini, onların mütəşəkkil, çevik və təsirli qüvvəyə çevrilməsini vacib vəzifə olaraq daim diqqətdə saxladığını, bu mühüm prosesə hərtərəfli dəstək verdiyini bildirib. Diaspor quruculuğu sahəsində aparılan işlərin artıq öz müsbət nəticələrini verməkdə olduğunu deyib. Bu gün azərbaycanlıların yaşadıqları dövlətlərin sosial-iqtisadi, ictimai-siyasi və mədəni həyatına hərtərəfli inteqrasiya olunduğunu, Azərbaycanın beynəlxalq əlaqələrinin genişlənməsinə fəal yardım göstərdiklərini vurğulayıb. Azərbaycan reallıqlarının dünyaya təqdim olunmasında, zəngin və çoxşaxəli mədəni irsin təbliğində, erməni millətçilərinin qərəzli ideoloji fəaliyyətinin qarşısının alınmasında diaspor təşkilatlarının rolu danılmazdır. çıxışının sonunda xanım çolpon Baekova bir qrup deputatın imzaladığı təbrik məktubunu oxuyub.
Diasporamızın rəhbəri, Qırğızıstanın Əməkdar həkimi Akif Alaferdov öz çıxışında fondun genişmiqyaslı fəaliyyətindən bəhs edib, fondun prezidenti Nüsrət Məmmədova gördüyü işlərə görə dərin minnətdarlığını bildirib.
Fondun Ali Şurasının üzvü Qiyas Xəlilov türk dünyası arasında əlaqələrin dərinləşdirilməsinin vacibliyinə toxunub.
Qırğızıstan MEA-nın akademikləri Asılbek Aydaraliyev, Rozetta Aytmatova və başqaları çıxış edərək ölkələrimiz arasındakı əlaqələrdən və Həmrəylik gününün əhəmiyyətindən danışıblar.
Akademik Sovetbek Toxtamışev öz çıxışında üzeyir Hacıbəylini, Qara Qarayevi, Polad Bülbüloğlunu və Azərbaycanın bir sıra elm və incəsənət adamlarını xatırladıb.
Sonda çıxış edən Qırğızıstan MEA-nın akademiki, Dil və Ədəbiyyat İnstitutunun direktoru Abdıldacan Akmataliyev bir qrup akademikin imzaladığı təbrik məktubunu oxuyub.
Mərasim Tacikistanin Xalq artisti Amridin Kadırovun, Şaxmar Tapdıqovun, Rafik Ələsgərovun ifasinda müxtəlif xalqların mahnıları ilə sona çatıb.

Paylaş:

Baxılıb: 1380 dəfə