Moldova Respublikası Qaqauziya Muxtar Ərazisinin Komrat şəhərində Ulu öndər Heydər Əliyevin büstünün açılış mərasimi keçirilib

Bakı:

26 °C

68 %

14 m/s

AZ RU EN

Ana səhifə / Siyasət / Moldova Respublikası Qaqauziya Muxtar Ərazisinin Komrat şəhərində Ulu öndər Heydər Əliyevin büstünün açılış mərasimi keçirilib

Moldova Respublikası Qaqauziya Muxtar Ərazisinin Komrat şəhərində Ulu öndər Heydər Əliyevin büstünün açılış mərasimi keçirilib

26.12.2009 [10:02]

YAP-ın nümayəndə heyəti Moldovanın Qaqauziya Muxtar Ərazisində səfərdə olub
Məlum olduğu kimi, dekabrın 23-də Yeni Azərbaycan Partiyasının (YAP) nümayəndə heyəti Moldova Respublikası Qaqauziya Muxtar Ərazisinin Komrat şəhərində Azərbaycan xalqının ümummilli lideri Heydər Əliyevin büstünün açılış və Muxtar Ərazinin 15 illik yubileyi ilə əlaqədar təşkil olunmuş mərasimdə iştirak edib. Nümayəndə heyətində YAP-ı Milli Məclisin deputatları Asəf Hacıyev və Ərəstun Cavadov təmsil edib. Millət vəkili Asəf Hacıyev səfərin təfərrüatları haqqında qəzetimizə ətraflı məlumat verib:
- Tədbirdə Moldova Respublikasının Baş naziri Vlod Filat, Türkiyənin 9-cu prezidenti Süleyman Dəmirəl, Moldovanın sabiq prezidentləri - Mirça Sinequr və Petr Luçinski, həmçinin, digər şəxslər iştirak etdilər. Mərasim çərçivəsində Komrat şəhərinin mərkəzi parkında Azərbaycan xalqının ümummilli lideri Heydər Əliyevin, Türkiyənin 9-cu prezidenti Süleyman Dəmirəlin, rus şairi Aleksandr Puşkinin Moldova şairi Mixay Emineskunun və qaqauz şairəsi Mariana Marineviçin büstlərinin açılışı oldu.
- Bu səfər daha çox hansı cəhətləri ilə əlamətdar oldu?
- Bizim üçün bu səfər xaricdə ümummilli lider Heydər Əliyevin büstünün açılışı ilə əlamətdar oldu. Bu fakt bir daha göstərir ki, Ulu öndərimiz dünyada tanınmış böyük siyasət və dövlət xadimi olub. Moldovanın Qaqauziya Muxtar Ərazisində Heydər Əliyevin büstünün ucaldılması bu dövlətin Ulu öndərimizə ehtiramının ifadəsidir. Fikrimcə, bu əlamətdar hadisənin bir mühüm məqamı da var. Belə ki, Komrat şəhərində salınan parkın sağ tərəfində şairlərin, sol tərəfdə isə siyasətçilərin büstü qoyulmuşdu. Şairlər söz ustadıdır, amma onların sözlərində lirika, insanları sülhə çağırış ideyaları var. Siyasətçilər də siyasi söz ustadıdır. Bu paralellik böyük məna daşıyır.
- Tədbirdəki çıxışlar zamanı bu hadisənin önəmi necə dəyərləndirildi?
- Bu münasibətlə təşkil olunmuş yığıncağı Qaqauziya Muxtariyyətinin rəhbəri açdı. Sonra çıxış edən Moldovanın baş naziri qeyd etdi ki, Moldovanın ərazi bütovlüyü çərçivəsində 15 il əvvəl yaradılmış muxtariyyət ona gətirdi ki, artıq bu gün qaqauz və moldovanlar arasında sülh və əməkdaşlıq mövcuddur. Ona görə də, bu bölgə inkişaf etməkdədir. Süleyman Dəmirəl də, çıxış edərək muxtariyyətin 15 illiyini xüsusi qeyd etdi. Moldovanın ərazi bütövlüyü çərçivəsində belə bir muxtariyyətin yaradılması həm moldovan xalqının, həm də qaqauzların inkişafına xidmət edir.
- Asəf müəllim, Moldova ərazisində yaradlmış bu muxtariyyətin əhəmiyyəti nədən ibarətdir? Bu təcrübədən digər yerlərdə də istifadə olunması nə qədər məqsədəuyğundur?
- Mən də tədbirdəki çıxışımda dedim ki, 15 il öncə yaradılmış muxtar ərazi digər xalqlar və ölkələr üçün nümunə olmalıdır. Xüsusilə, söhbət Cənubi Qafqaz bölgəsindən və Azərbaycanın Dağlıq Qarabağ ərazisindən gedir. 21 il öncə ermənilər tərəfindən bu münaqişə başlamasaydı, vəziyyət başqa cür olardı. Bölgəyə yüksək muxtariyyət verilərdi, Dağlıq Qarabağ bölgəsi inkişaf edərdi, insanlar da firəvan yaşayardılar. Bildiyiniz kimi, bu yaxınlarda BMT-nin Baş Assambleyasının iclasında bir qətnamə qəbul olundu ki, bu da xalqların öz müqəddəratını təyin etməsi ilə bağlı idi. Həmin sənəddə açıq-aydın göstərilir ki, xalqların öz müqəddəratını həll etməsi ölkələrin ərazi bütövlüyünü poza bilməz.
Kiçik bir əhalisi olan Qaqauz Muxtariyyətindəki tədbirə tanınmış siyasətçilər qatılmışdılar. Belə siyasətçilərin həmin tədbirə qatılması 15 il əvvəl atılmış addıma dəstəyin ifadəsi idi. Atılan bu müdrik addım digər yerlərə də nümunə olmalıdır.

Paylaş:

Baxılıb: 1399 dəfə