“Əli Kərimlinin sosial şəbəkələrdə aktivliyinin real ictimai-siyasi münasibətlərə heç bir təsiri yoxdur”

Bakı:

17 °C

58 %

10 m/s

AZ RU EN

Ana səhifə / Siyasət / “Əli Kərimlinin sosial şəbəkələrdə aktivliyinin real ictimai-siyasi münasibətlərə heç bir təsiri yoxdur”

“Əli Kərimlinin sosial şəbəkələrdə aktivliyinin real ictimai-siyasi münasibətlərə heç bir təsiri yoxdur”

07.09.2019 [09:47]

“Ümumiyyətlə bəzən sosial şəbəkələrdə sosial aktivliyi Azərbaycan cəmiyyətinə və Azərbaycanın siyasi sisteminə siyasət kimi sırımağa çalışan insanlar var. Onlardan biri də Əli Kərimlidir. Əlbəttə ki, real siyasi proseslər və real müstəvidə baş verən hadisələr sosial şəbəkələrin davamı deyil və ola bilməz. Tam əksinə. Sosial şəbəkələr bizim real ictimai siyasi münasibətlərimizin proyeksiyası kimi qəbul oluna bilər. Ona görə də normal vəziyyətdə və normal cəmiyyətlərdə real ictimai-siyasi proseslərdəki aktivlik sosial şəbəkələrdə öz əksini tapmaqla bir növ yeni informasiya texnologiyaları üzərində siyasi aktiv fərdin və yaxud siyasətçinin ictimai obrazını yaradır”. Bunu SİA-ya açıqlamasında “Yeni Azərbaycan” qəzetinin baş redaktoru, millət vəkili Hikmət Babaoğlu deyib.
“Bizdə isə, çox təəssüf ki, özlərini müxalifət lideri adlandıran bəzi insanlar, o cümlədən də Əli Kərimlinin 1990-cı illərin əvvəllərində real siyasi platformada buraxdığı səhvləri bu gün sosial şəbəkələrdə təkrar etdiyini görürük . Bu gün Əli Kərimli sosial şəbəkə və bəzi internet resurslarını siyasi vasitə kimi və yaxud siyasi münasibətləri təyin edən platforma kimi Azərbaycan cəmiyyətinə sırımağa çalışır. Bu, doğru deyil. Çünki 1990-cı illərin əvvəllərindəki siyasi natamamlıq kompleksi onların sonrakı illərdəki fəaliyyətində siyasi sistemimizə nə qədər zərbə vurdusa, Azərbaycan cəmiyyətindəki bəzi qruplaşmaları nə qədər radikallaşdırdısa, bu gün sosial şəbəkələrdə təkrar olunan növbəti yalnışlıq da gələcəkdə Azərbaycanın real siyasi münasibətlərinin virtual müstəvidə proyeksiyasına bir o qədər zərbə vuracaq. Ona görə də düşünürəm ki, bu, doğru deyil. Bloqqerlik və sosial şəbəkələrdə aktiv olmaq başqa bir məsələdir, siyasətçi olaraq siyasi fəaliyyət göstərmək isə tamamilə başqa bir məsələdir. Çünki hər hansı bir siyasətçi müxalif siyasi dəyərləri mənimsəmək və onu təbliğ etməklə bu dəyərlar ətrafında müəyyən elektorat toplaya bilər. Yəni cəmiyyətin siyasi sistemi ayrı-ayrı liderlər ətrafında o zaman birləşir ki, orada liderin mənimsədiyi və təbliğ etdiyi siyasi dəyərlər geniş auditoriya tərəfindən qəbul olunsun və onu mənimsəyən fərdlər də bu siyasi proseslərə qoşulsun. Əli Kərimlinin sosial şəbəkələrdə aktivliyinin real ictimai-siyasi münasibətlərə heç bir təsiri yoxdur”, - deyə Hikmət Babaoğlu fikrini tamamlayıb.

Paylaş:

Baxılıb: 628 dəfə