Yeni Azərbaycan Partiyasının nümayəndə heyəti Avropa Xalq Partiyasının (AXP) dəvəti ilə Almaniyada səfərdə olub

Bakı:

14 °C

82 %

8 m/s

AZ RU EN

Ana səhifə / Siyasət / Yeni Azərbaycan Partiyasının nümayəndə heyəti Avropa Xalq Partiyasının (AXP) dəvəti ilə Almaniyada səfərdə olub

Yeni Azərbaycan Partiyasının nümayəndə heyəti Avropa Xalq Partiyasının (AXP) dəvəti ilə Almaniyada səfərdə olub

15.12.2009 [09:47]

Yeni Azərbaycan Partiyasının (YAP) nümayəndə heyəti Avropa Xalq Partiyasının (EPP) dəvəti ilə 8-10 dekabr bu qurumun Almaniyanın Bonn şəhərində keçirilən növbəti qurultayında iştirak edib. Qurultayda 39 ölkənin 71 siyasi partiyasının 1500 üzvü təmsil olunub. Tədbirdə YAP-ın Sədr müavini - İcra katibi, Milli Məclisin deputatı Əli Əhmədovun rəhbərliyi ilə nümayəndə heyəti iştirak edib.
AXP qurultayında qurumun rəhbərliyinə növbəti seçkilər keçirilib. AXP-nin fəaliyyətdə olan prezidenti Vilfred Martens nümayəndələrin 92 faizinin səsi ilə yenidən partiyanın rəhbəri vəzifəsinə seçilib.
Almaniyada olan Yeni Azərbaycan Partiyasının nümayəndə heyəti səfər çərçivəsində bir sıra görüşlər keçirib. İlk görüş dekabrın 8-də Bonn şəhərində Avropa Xalq Partiyasının prezidenti Vilfred Martenslə olub. Görüşdə AXP-nin prezident kabinetinin rəhbəri İngrid Qusens, beynəlxalq əlaqələr üzrə məsləhətçi Xuan Maqaz iştirak ediblər. Görüş zamanı YAP və AXP arasındakı əlaqələrin perspektivləri, Cənubi Qafqaz bölgəsindəki siyasi vəziyyət və digər maraq doğuran məsələlər müzakirə edilib. V.Martens, həmçinin, AXP-nin Azərbaycana olan marağını və YAP-ın bu quruma daxil olması ilə əlaqədar yaxın gələcəkdə ölkəmizə AXP-nin fakt araşdırma qrupunun gələcəyini vurğulayıb və şəxsən özünün həmin qrupla Bakıya gəlmək arzusunu ifadə edib.
Dekabrın 9-da isə Konrad Adenauer Fondunun (KAF) baş katibinin müavini Gerhard Valterslə görüş keçirilib. Görüşdə KAF-ın fəaliyyəti haqda geniş məlumat verilib və KAF ilə YAP arasında əlaqələrin yaradılması müzakirə olunub. Belə əlaqələrin ilkin mərhələdə gənclər səviyyəsində yaradılması KAF tərəfindən məqsədəuyğun hesab edilib və onların bu məqsədlə qrant ayıra biləcəkləri qeyd olunub.
Dekabrın 9-da YAP-ın nümayəndə heyəti, həmçinin, Bundestaqın deputatı, Almaniya Bundestaqında Xristian Demokratlar və Sosial Demokratlar Birlikləri blokunun xarici əlaqələr üzrə sözçüsü, Xristian Demokratlar Birliyinin gənclər təşkilatının rəhbəri Filip Misfelderlə görüşüb. Görüşdə qeyd olunun qurumlarla YAP arasında əlaqələr müzakirə olunub.
Daha sonra Almaniyanın Xristian Demokratlar Birliyi Partiyasının icraçı katibi Klaus Şüllerlə görüş keçirilib. Görüşdə Klaus Şüller XDB fəaliyyəti və xüsusən, beynəlxalq münasibətləri haqda məlumat verib, habelə YAP-ın Azərbaycandakı fəaliyyəti ilə yaxından maraqlanıb.
Həmin gün YAP nümayəndə heyətinin Avropa Parlamentinin və Xristian Demokratlar Birliyinin üzvü Elmar Brokla görüşü keçirilib. Görüşdə regionda olan vəziyyət, Türkiyə-Azərbaycan, Türkiyə-Ermənistan, Rusiya-Azərbaycan münasibətləri müzakirə olunub. Elmar Brok Avropa Parlamentinin bu regionda olan hadisələrlə yaxından maraqlandığını qeyd edib və bölgədə ilk növbədə sabitliyin saxlanılmasının vacib olmasını xüsusi qeyd edib. Dekabrın 9-da AXP-in Baş katibi Antonio Lopeslə görüş keçirildi. Görüşdə regionda olan siyasi vəziyyət, AXP-nin beynəlxalq əlaqələri, Cənubi Qafqazda vəziyyət və digər ümumi maraq doğruldan məsələlər müzakirə edilib.
Görüşlərdə Yeni Azərbaycan Partiyasının üzvü, Milli Məclisin deputatı Asəf Hacıyev və Azərbaycanın Almaniyadakı səfiri Pərviz Şahbazovda iştirak edib.

Paylaş:

Baxılıb: 1153 dəfə