Aydın Hüseynov: Dünyada dövlət-özəl sektor əməkdaşlığının Azərbaycan nümunəsi formalaşıb

Bakı:

24 °C

71 %

3 m/s

Əlaqə

AZ RU EN

Ana səhifə / Siyasət / Aydın Hüseynov: Dünyada dövlət-özəl sektor əməkdaşlığının Azərbaycan nümunəsi formalaşıb

Aydın Hüseynov: Dünyada dövlət-özəl sektor əməkdaşlığının Azərbaycan nümunəsi formalaşıb

11.10.2018 [08:32]

Azərbaycan Prezidenti İlham Əliyevin apardığı uğurlu siyasət nəticəsində ölkəmiz regionda böyük iqtisadi gücə çevrilir. Əldə olunan iqtisadi nailiyyətlər hesabına Azərbaycan Avrasiya regionu üçün önəm daşıyan layihələri reallaşdırır.
Bu fikirləri AZƏRTAC-a açıqlamasında Milli Məclisin deputatı Aydın Hüseynov deyib.
Milli Məclisin deputatı bildirib ki, Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclasında qeyd olunduğu kimi, bu il iqtisadi sahədə köklü islahatlar həyata keçirilib. Xüsusilə vergi və gömrük sistemində aparılan islahatlar müsbətə doğru dəyişikliklərə səbəb olub. Gömrük orqanları tərəfindən bu il 800 milyon manatdan çox əlavə vəsait toplanıb. Ölkəmizin xarici ticarətinin müsbət saldosu 9 ayda 6,5 milyard dollar təşkil edib.
A.Hüseynov qeyd edib ki, əvvəlki dövrlərlə müqayisədə qeyri-neft sektoru inkişaf etdirilib, neftdən asılılıq azalıb. Məhz bunun nəticəsidir ki, bu ilin doqquz ayında ölkəmizdə 85 min daimi iş yeri açılıb. İnvestisiya təşviqi mexanizminin işə düşməsindən sonra icra edilən və nəzərdə tutulan layihələrin ümumi investisiya həcmi 2,7 milyard manatdır. 2018-ci ilin 9 ayı ərzində Azərbaycan iqtisadiyyatı, yəni, ümumi daxili məhsul 0,8 faiz artıb. Qeyri-neft sektorunda artım isə 1 faizdir. Sənaye istehsalı 2 faiz, qeyri-neft sənayesi isə 10,8 faiz artıb. Bu göstərici Azərbaycanda aparılan sənayeləşmə siyasətinin nəticəsidir.
Onun sözlərinə görə, Prezident İlham Əliyevin də bildirdiyi kimi inflyasiya 2,6, əhalinin gəlirləri isə 9,5 faizdir. Bundan başqa o əlavə edib ki, ölkənin valyuta ehtiyatları ilin 9 ayında 3 milyard dollar artaraq 45 milyard dollara çatıb. Aparılan islahatlar, iqtisadiyyatın şaxələndirilməsi və sənayeləşmə siyasəti isə daha böyük uğurlardan xəbər verir. 9 ay ərzində Azərbaycan nəqliyyat-kommunikasiya sahəsində də böyük uğurlara imza atılıb. Ələt Beynəlxalq Dəniz Ticarət Limanının istifadəyə verilməsi Bakı-Tbilisi-Qarsdan sonra bu sahədə ikinci ən böyük hadisədir. Beləliklə də açıq dənizə çıxışı olmayan Azərbaycan nəhəng nəqliyyat qovşağına, Avrasiyanın nəqliyyat mərkəzlərindən birinə çevrilir. Ümumilikdə, ölkədə dəmiryolu infrastrukturunun modernləşdirilməsi əsas hədəf kimi qarşıya qoyulub.
Milli Məclisin deputatı diqqətə çatdırıb ki, həyata keçirilən kompleks tədbirlər, davamlı dövlət dəstəyi digər sahələr kimi ölkədə kiçik və orta sahibkarlığın inkişafına da mühüm töhfə verir. Belə ki, sahibkarlıq artıq real sektorda əsas indikatora çevrilib və dövlət özəl sektor əməkdaşlığının dünyada rast gəlinməyən Azərbaycan nümunəsi formalaşıb.

Paylaş:

Baxılıb: 592 dəfə