Mənəvi yaranın sağalması çox çətin məsələdir

Bakı:

19 °C

94 %

9 m/s

Əlaqə

AZ RU EN

Ana səhifə / Siyasət / Mənəvi yaranın sağalması çox çətin məsələdir

Mənəvi yaranın sağalması çox çətin məsələdir

14.10.2009 [09:44]

Aydın Hüseynov: Xalqımız əmindir ki, qardaş ölkə Türkiyə heç zaman Azərbaycanın milli maraqlarına zidd addımlar atmaz
“Azərbaycanla Türkiyə arasındakı münasibətlər “bir millət, iki dövlət” fəlsəfəsi üzərində qurulub. Tarixi keçmişimizi, din və dil birliyimizi özündə əks etdirən bu postulat qardaş ölkələrin münasibətlərinin üstbazisidir”. Bu fikirləri Yeni Azərbaycan Partiyası (YAP) Siyasi Şurasının üzvü, partiyanın Qaradağ rayon təşkilatının sədri Aydın Hüseynov səsləndirib.
Onun sözlərinə görə, Türkiyə ilə Ermənistan arasında imzalanan protokollar hələ sərhədlərin açılması demək deyil: “Əlbəttə ki, Azərbaycan ictimaiyyəti Türkiyəyə inanır. Xalqımız əmindir ki, qardaş ölkə Türkiyə heç zaman Azərbaycanın milli maraqlarına zidd addımlar atmaz. Təbii ki, protokolların imzalanması cəmiyyətimizdə müəyyən narahatlıqlar yaratdı. Hətta kəskin fikirlər də səsləndirildi. Amma bu protokolların imzalanması hələ sərhədlərin açılması demək deyil. İmzalanmış protokollar bir həftədən sonra Türkiyə Böyük Millət Məclisində müzakirəyə çıxarılacaq. Əminəm ki, Türkiyədə Ermənistan-Azərbaycan, Dağlıq Qarabağ münaqişəsi həll olunmadan, işğalçı qüvvələr torpaqlarımızı tərk etmədən, münaqişənin həlli istiqamətində razılaşma əldə olunmadan protokollar təsdiqlənməyəcək, sərhədlərin açılması istiqamətində hər hansı addım atılmayacaq”.
“Bu da istisna deyil ki, Türkiyə beynəlxalq münasibətlər sistemində söz sahibi olan qüvvələrin təzyiqi altında da bu sənədə imza ata bilərdi” deyən Aydın Hüseynov vurğuladı ki, növbəti mərhələ isə artıq rəsmi Ankaranın öz iradəsindən asılıdır: “Türkiyənin Prezidenti, Baş naziri, TBMM-in sədri və Türkiyə xarici işlər naziri “torpaqlarımızın erməni işğalından azad olunmayınca sərhədlərin açılmayacağını” və “Azərbaycanla qardaşlıq münasibətləri bizim üçün hər şeydən vacibdir” fikirlərini dəfələrlə media qarşısında söyləyiblər. Bu o deməkdir ki, ölkənin xarici siyasət kursunu müəyyənləşdirən şəxslər özlərinə əmin olaraq bu sözləri dilə gətiriblər. Azərbaycan ictimaiyyəti də bütün bunları bilir və səbrlə gözləyir. Əgər həqiqətən Türkiyə rəsmiləri verdikləri sözlərin üstündə durmazlarsa, o zaman nələrin olacağını təxmin etmək o qədərdə çətin deyildir. Bəli bir çox məsələləri güc yolu ilə yoluna qoymaq mümkündür. Amma qardaşın qardaşdan incikliyini heç nə ilə aradan qaldırmaq olmaz. çünki, mənəvi yaranın sağalması çox çətin məsələdir”.
Ramil VƏLİBƏYOV

Paylaş:

Baxılıb: 1218 dəfə