YAP bələdiyyə seçkilərində inamlı qələbə qazanmaq əzmindədir

Bakı:

19 °C

82 %

4 m/s

Əlaqə

AZ RU EN

Ana səhifə / Siyasət / YAP bələdiyyə seçkilərində inamlı qələbə qazanmaq əzmindədir

YAP bələdiyyə seçkilərində inamlı qələbə qazanmaq əzmindədir

03.10.2009 [12:14]

YAP Nərimanov rayon təşkilatında bələdiyyə seçkilərinə hazırlıq prosesi ilə əlaqədar toplantı keçirilib
Bu gün Yeni Azərbaycan Partiyası (YAP) Nərimanov rayon təşkilatında bələdiyyə seçkilərinə hazırlıq prosesi ilə əlaqədar toplantı keçirilib. Təşkilatın sədri Təmraz Tağıyev yaxın günlərdə seçkilərə rəsmi start veriləcəyini bildirib. Partiyanın böyük seçki təcrübəsinin olduğunu xatırladan T.Tağıyevin sözlərinə görə, bu da təşkilatın bələdiyyə seçkilərində böyük uğur qazanmasını şərtləndirən amillərdən biridir. O qeyd edib ki, Nərimanov bələdiyyəsinə 19 üzv seçilməlidir. Hazırda bələdiyyə üzvlərinin 14-ü YAP-ı təmsil edir. Təşkilat sədri seçkilərdə qadınların və gənclərin namizədliyinə üstünlük veriləcəyini deyib.
125 ilk təşkilatda 15600 partiya üzvünün birləşdiyini deyən T.Tağıyev qeyd edib ki, bələdiyyə seçkilərində də YAP fəalları öz səylərini əsirgəməyəcəklər: “Bələdiyyə seçkiləri digər siyasi kampaniyalardan daha fərqlidir. Burada əsas amil yerlərdə insanlarla münasibətdə olan şəxslərin nüfuzu, şəxsi keyfiyyətləridir. Bələdiyyələrə seçilmiş şəxslər əlbəttə, yerli əhali ilə sıx münasibətlər qurmalı, problemlərin aradan qaldırılmasında böyük rol oynamalıdırlar”.
T.Tağıyev bələdiyyə orqanlarının demokratik prinsiplərdən çıxış edərək daha məsuliyyətli fəaliyyət göstərməsinin vacibliyini vurğulayıb. Onun sözlərinə görə, hər bir siyasi kampaniyada olduğu kimi, bələdiyyə seçkilərində də Nərimanov rayonu yüksək nəticə göstərəcək. Rayon təşkilatı Gənclər Birliyinin sədri Yusif Babanlı çıxışında bildirib ki, Azərbaycanda bələdiyyələrin yaradılması 1995-ci ildə qəbul olunmuş Konstitusiyada öz əksini tapıb. Onun sözlərinə görə, bu təsisatın mahiyyəti, vəzifəsi və hüquqlarının Konstitusiyada əks etdirilməsi yerli özünüidarəetmə orqanlarına münasibətin əyani təzahürüdür. “Azərbaycan Konstitusiyasına əlavə və dəyişikliklərin edilməsi haqqında” Referendum Aktında əsas qanunun 146-cı maddəsinə bələdiyyələrlə bağlı 4 bəndin əlavə edilməsi yerli özünüidarəetmə orqanlarının cəmiyyətdə oynadığı rolu və vəzifəsini bir daha müəyyən edib”, - deyən Y.Babanlı əlavə edib ki, gənclər qarşıdan gələn bələdiyyə seçkilərində də fəal iştirak edəcək. Təşkilatın Qadınlar Şurasının üzvü Xədicə Əliyeva ölkəmizdə şəffaf seçkilərin keçirilməsi üçün mükəmməl seçki qanunvericiliyinin mövcud olduğunu bildirib. Onun sözlərinə görə, bələdiyyələrlə də bağlı mühüm qanunlar qəbul olunub. X.Əliyeva qadınların bələdiyyə seçkilərində fəal olacağını qeyd edib.
Toplantıda YAP fəallarından Cəfər Hümbətov, Səmyar Abdullayev və Mircəfər Həsənov çıxış edərək seçkilərlə bağlı qarşıda duran vəzifələrdən bəhs ediblər.
YAP Nərimanov rayon təşkilatının sədr müavini Vüqar Səfərli ölkəmizin sürətlə inkişaf etdiyini vurğulayıb. Onun sözlərinə görə, bələdiyyələr bu inkişafa uyğun olaraq fəaliyyət göstərməlidir. “Buna görə də, bələdiyyələrə nüfuzlu insanları seçməliyik. öz fəaliyyətimizlə partiyamızın qələbəsini təmin etməliyik”, - deyə V.Səfərli bildirib.

Paylaş:

Baxılıb: 1453 dəfə