Azərbaycan gələn il alternativ enerji layihəsinin icrasına başlayacaq

Bakı:

26 °C

51 %

2 m/s

Əlaqə

AZ RU EN

Ana səhifə / Siyasət / Azərbaycan gələn il alternativ enerji layihəsinin icrasına başlayacaq

Azərbaycan gələn il alternativ enerji layihəsinin icrasına başlayacaq

24.09.2009 [10:24]

Natiq Əliyev: Azərbaycana nüvə stansiyası lazım deyil
Azərbaycan nüvə enerjisindən istifadə imkanlarını təhlil etməlidir. “APA-Economics”in bildirdiyinə görə, bunu sənaye və energetika naziri Natiq Əliyev bildirib.
N.Əliyevin sözlərinə görə, Azərbaycanın nüvə enerjisindən istifadə ilə bağlı təcrübəsi yoxdur. Bu təcrübəni qazanmaq xeyli vaxt tələb edir: “Bu gün neft və qaz olduğundan, nüvə stansiyası bizə lazım deyil. Birincisi, nüvə stansiyalarında tam təhlükəsizlik təmin olunmayıb. İkinci bir tərəfdən, Azərbaycanın təcrübəsi yoxdur. Stansiya tikintisi üçün texnologiyaların gətirilməsi, xidmətin təşkili ilə bağlı başqa ölkələrə müraciət olunmalıdır. Bu həm əlavə xərclər, həm də müəyyən dövr üçün hər hansı ölkədən asılı olmaq deməkdir”.
N.Əliyev onu da qeyd edib ki, yaxın perspektiv üçün dünyada neftin və qazın qiymətinin düşməsi gözlənilmir.
Sənaye və energetika naziri Natiq Əliyev bildirib ki, Azərbaycanda ucuz başa gəlməsinə baxmayaraq hələ də alternativ enerji mənbələrindən geniş istifadə edilmir. N.Əliyevin sözlərinə görə, alternativ enerji mənbələrinin işlənməsinə marağın az olması neft və qaz imkanlarının geniş olması ilə bağlıdır: “Dövlətin alternativ enerji mənbələrinin işlənməsi ilə bağlı ayrıca qaydaları olmalı, qanunvericilik bazası təkmilləşdirilməli, standartlar və normativlər müəyyənləşdirilməlidir”.
N.Əliyev bildirib ki, artıq Azərbaycanda ilk külək elektrik stansiyası qurulub. “Caspian Texnology” şirkəti tərəfindən Sumqayıt şəhəri yaxınlığında qurulmuş stansiyanın gücü 2,2 MVt təşkil edir və əldə olunan enerji “Sumqayıtelektrikşəbəkə” ASC-yə verilir: “Artıq külək stansiyalarının səmərəliliyi təsdiq olunub. Bu stansiya qoyulan xərcləri 7 ilə çıxaracaq”.
Nazir onu da bildirib ki, pilot layihələrin müxtəlif regionlarda, xüsusilə də dövlətin enerji nəql edə bilmədiyi rayonlarda həyata keçirilməsi vacibdir. Sənaye və Energetika Nazirliyi bununla bağlı xüsusi proqram hazırlamağı planlaşdırır.
Natiq Əliyev bildirib ki, gələn ildən etibarən Azərbaycanda alternativ enerji üzrə layihənin icrasına başlanacaq. Onun sözlərinə görə, hazırda Azərbaycanda alternativ enerji layihəsi üzərində işlər aparılır və gələn ildən etibarən sözügedən layihənin icrasına başlanacaq. Nazir onu da qeyd edib ki, ümumiyyətlə alternativ enerji sahəsi effektli sayılır. Belə ki, bu sahəyə qoyulan investisiyalar özünü tam doğruldur: “Lakin buna baxmayaraq, biz həmin sahəni dərindən öyrənməliyik. Məsələn, külək elektrik stansiyalarını tikməmişdən öncə biz ərazini, yəni stansiya tikiləcək hər hansı bir ərazidə küləyin sürətini və bu kimi məsələləri öyrənməliyik”.
N.Əliyev həmçinin bildirib ki, Azərbaycan bu sahədə aparıcı ölkələrin təcrübəsini də öyrənir.

Paylaş:

Baxılıb: 1250 dəfə