Naqif Həmzəyev: Partiyamızın qurultayında dövlətimiz və xalqımızın gələcəyi naminə tarixi bir qərar qəbul olundu

Bakı:

17 °C

62 %

12 m/s

AZ RU EN

Ana səhifə / Siyasət / Naqif Həmzəyev: Partiyamızın qurultayında dövlətimiz və xalqımızın gələcəyi naminə tarixi bir qərar qəbul olundu

Naqif Həmzəyev: Partiyamızın qurultayında dövlətimiz və xalqımızın gələcəyi naminə tarixi bir qərar qəbul olundu

10.02.2018 [00:58]

“Yeni Azərbaycan Partiyasının (YAP) VI Qurultayı yüksək səviyyədə keçirildi. Partiyamızın ali toplantısında dövlətimiz və xalqımızın gələcəyi naminə tarixi bir qərar qəbul olundu. Qurultayda aprelin 11-də keçiriləcək prezident seçkisində partiyamızın Sədri, cənab İlham Əliyevin namizədliyinin irəli sürülməsi çox mühüm bir qərardır”. Bu fikirləri YAP Gəncə şəhər təşkilatının sədri, Milli Məclisin deputatı Naqif Həmzəyev deyib.
N.Həmzəyev bildirib ki, bu gün dünyada sabitlik diyarı kimi tanınan Azərbaycan uğurları ilə beynəlxalq aləmin diqqətini cəlb edir. Ölkənin güclü və qüdrətli iqtisadiyyatı sayəsində yaxın keçmişdə bizim üçün əlçatmaz görünən arzular reallığa çevrilir, Azərbaycan müasir dünyanın tələblərinə cavab verən yüksək inkişaf etmiş bir dövlətə çevrilir. Onun sözlərinə görə, bütün bunlar ölkə Prezidenti cənab İlham Əliyevin uğurlu siyasi xəttinin nəticəsidir. Dünyanın siyasi çəkisində nüfuz sahibi olan ölkələrin Azərbaycana artan marağı fonunda Prezident İlham Əliyevin adı ətrafında dünya miqyasında qəbul edilən bir siyasətci imicinin formalaşması da artıq sübuta ehtiyacı olmayan bir aksiomdur.
“Azərbaycanın Cənubi Qafqazın qüdrətli dövləti kimi mövqelərini daha da möhkəmləndirməsi, cənab Prezidentin adı ilə birbaşa bağlı olan və ölkəmizin inkişafına xidmət edən bu nailiyyətlər Gəncə sakinlərində də böyük qürur hissi yaradır, onların daha səylə çalışmalarına stimul verir. Onlar Ümummilli lider Heydər Əliyev siyasətinin Prezidentimiz cənab İlham Əliyev tərəfindən uğurla həyata keçirilməsi nəticəsində ölkəmizin dinamik inkişafının davamlılığını təmin etmək üçün üzərlərinə düşən vəzifələri yüksək səviyyədə yerinə yetirməyə çalışırlar. Təkcə onu qeyd etmək yerinə düşər ki, ölkə başçısının sahibkarlıq fəaliyyəti ilə bağlı imzaladığı Fərman və sərəncamlar Nizami yurdunda sahibkarlıq fəaliyyətinə geniş imkanlar yaradıb. Bunun nəticəsidir ki, 2017-ci ildə Gəncə şəhərinə ümumi dəyəri 338 milyon 700 min manat investisiya qoyulub. 2018-ci ildə isə bu rəqəmin 1,8 dəfə artması gözlənilir. Ölkəmizdə özəl sektora göstərilən dövlət qayğısından bəhrələnən 14 sahibkarlıq subyekti tərəfindən 20-yə yaxın xarici ölkəyə 183 milyondan çox rəqabətqabiliyyətli məhsul ixrac olunub və özəl sektorun ümumi daxili məhsuldakı payı artaraq 81,0 faizə çatıb.
Gəncəlilər yaxşı bilirlər ki, Azərbaycan Silahlı Qüvvələrinin daha da modernləşməsi istiqamətində aparılan işlər, demokratik dəyərlərin cəmiyyətdə öz yerini möhkəmləndirməsi, respublikamızın mədəni yüksəlişi də Prezident İlham Əliyevin ölkəyə layiqli rəhbərliyinin nümunəsidir.
Ölkəmiz növbədənkənar prezident seçkiləri ərəfəsindədir. Bu gün gündəmin əsas mövzusu seçki məsələsidir. Tam əminliklə söyləmək olar ki, Azərbaycan xalqı 11 aprel tarixində - seçki günündə Prezident İlham Əliyevi dəstəkləyəcək və həmişə xalqının yanında olan liderinə səs verəcək”, - deyə N.Həmzəyev qeyd edib.

Paylaş:

Baxılıb: 2124 dəfə