Heydər Əliyev
yeni azerbaycan logo

Ana səhifə / Siyasət / Azərbaycan ilə Çin arasında qarşılıqlı faydalı əməkdaşlığın yüksək səviyyəsindən məmnunluq ifadə olunub

Azərbaycan ilə Çin arasında qarşılıqlı faydalı əməkdaşlığın yüksək səviyyəsindən məmnunluq ifadə olunub

08.07.2017 [13:20]

İyulun 7-də Azərbaycan Respublikasının Baş naziri Artur Rasi-zadə Çin Xalq Respublikasının (ÇXR) Milli Neft Şirkəti CNPC-nin prezidenti Vanq Yilinin başçılıq etdiyi nümayəndə heyəti ilə görüşüb.
Nazirlər Kabinetinin mətbuat xidmətindən AZƏRTAC-a bildiriblər ki, Azərbaycan ilə Çin arasında tarixi dostluq münasibətlərinin olduğunu xatırladan Baş nazir Artur Rasi-zadə, müasir dövrdə də Azərbaycan Respublikası ilə Çin Xalq Respublikası arasında qarşılıqlı faydalı əməkdaşlığın yüksək səviyyədə davam etdiyini vurğulayıb. Xüsusən beynəlxalq tədbirlərdə hər zaman ölkəmizə dəstək verdiyinə görə Çin hökumətinə təşəkkürünü bildirən Baş nazir, son illərdə iqtisadi-ticarət sahələrində əməkdaşlığımızın daha da genişləndiyini məmnunluqla qeyd edib.
Söhbət zamanı Çin Xalq Respublikasının təklif etdiyi “Bir kəmər - Bir yol” təşəbbüsü çərçivəsində müntəzəm keçirilən “İpək Yolu” zirvə görüşlərinin həm mövcud, həm də yeni layihələr üçün geniş imkanlar açdığı, Azərbaycanın neft-qaz sektorunun da bu təşəbbüsə böyük töhfələr verə biləcəyi qeyd edilib. Belə layihələrdən olan SOCAR GPC layihəsinin strateji əhəmiyyətinə toxunan Baş nazir Artur Rasi-zadə, Azərbaycan hökumətinin Çin investorları və şirkətlərinin ölkəmizlə qarşılıqlı faydalı fəaliyyətini hərtərəfli dəstəkləməyə hazır olduğunu diqqətə çatdırıb.
ÇXR Milli Neft Şirkəti CNPC-nin prezidenti Vanq Yilin də öz növbəsində xalqlarımızın mənafeyi baxımından vacib olan mühüm layihələrin həm maliyyələşdirilməsində, həm də icrasında iştirak etməkdə maraqlı olduqlarını deyib.
Görüşdə qarşılıqlı maraq doğuran bir sıra digər məsələlər ətrafında da geniş fikir mübadiləsi aparılıb.

Paylaş:
Baxılıb: 469 dəfə

Xəbər lenti

Hamısına bax
Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30