Koreya Beynəlxalq Əməkdaşlıq Təşkilatı Azərbaycanda 7 əməkdaşlıq layihəsi həyata keçirməyi planlaşdırır

Bakı:

24 °C

59 %

2 m/s

AZ RU EN

Ana səhifə / Siyasət / Koreya Beynəlxalq Əməkdaşlıq Təşkilatı Azərbaycanda 7 əməkdaşlıq layihəsi həyata keçirməyi planlaşdırır

Koreya Beynəlxalq Əməkdaşlıq Təşkilatı Azərbaycanda 7 əməkdaşlıq layihəsi həyata keçirməyi planlaşdırır

25.06.2009 [09:57]

Azərbaycan və Cənubi Koreya Respublikasının prezidentlərinin qarşılıqlı səfərlərindən sonra iki ölkə arasında münasibətlərin inkişafında yeni mərhələ başlayıb. Bu, iki ölkəni təmsil edən maliyyə qurumlarının qarşılıqlı əməkdaşlığında da özünü göstərir. Xüsusilə, Koreya şirkətləri Azərbaycanda yaranmış əlverişli investisiya mühitindən istifadə edərək ölkəmizdə bir sıra layihələr gerçəkləşdirirlər. Koreya Beynəlxalq Əməkdaşlıq Təşkilatı (KOİCA) da bu sıradadır. Təşkilatın Azərbaycandakı ofisinin rəhbəri Kim Younq Vu bildirib ki, əsası 1991-ci ildə Koreya Respublikasında qoyulmuş texniki qrant təşkilatının Azərbaycandakı Numayəndəliyi 2009-cü il fevralın 16-da yaradılıb. Sosial-iqtisadi əməkdaşlığı möhkəmləndirmək və Koreyanın inkişaf təcrübəsini Azərbaycanda tətbiq etmək üçün yaradılmış KOİCA-nın Azərbaycan Nümayəndəliyi MDB regionunda açılan 3-cü nümayəndəlikdir: “KOİCA Azərbaycanda torpaq və su resurslarının istifadəsi, (Kadastr və Suvarma Sistemləri), iqtisadi sistemlərin yaradılması (bilavasitə xarici kapital qoyuluşu), XİZ-lər (Xüsusi İqtisadi Zonalar) və sosial-iqtisadi infrastrukturların inkişafı (Elektrik Paylanması, Bakı Buxta Körpüsü) kimi sahələrdə 7 texniki əməkdaşlıq layihəsi həyata keçirməyi planlaşdırıb”.
Cənab Vu, həmçinin, deyib ki, KOİCA bu il 40-a yaxın dövlət rəsmisini Koreyaya texniki təlim kurslarına dəvət edir. Təlim kurslarının mövzuları müxtəlif olub inşaat, dəmir yolu, vergilər, elektron ticarət, energetika və iqtisadi inkişaf strategiyaları və s. ilə əlaqədardır. KOİCA texniki əməkdaşlıq layihələri və təlim proqramları üçün 2009-cu ildə Azərbaycana 4 milyon ABŞ dolları həcmində qrant ayırıb.
“Əvvəllər inkişaf naminə əməkdaşlıq cəhdləri inkişaf etməkdə olan ölkələrdə əsas humanitar tələbatların qarşılanması və İnsan Resursları İnkişafının yaxşılaşdırılması üzərində cəmləşmişdi. Lakin indi diqqət davamlı inkişafa, inkişaf etməkdə olan tərəfdaşlarla əməkdaşlığı möhkəmləndirməyə və yerli sahibkarlığı dirçəltməyə yönəldilib. Bununla yanaşı, ətraf mühit, yoxsulluğun azaldılması və gender məsələləri kimi qlobal problemlər beynəlxalq ictimaiyyət üçün böyük əhəmiyyət kəsb etməyə başlayıb. Daim baş verən dəyişiklikləri izləməklə, KOİCA Koreyanın üstün mövqeyə malik olduğu ərazilərdə öz məhdud maliyyə imkanlarını istifadə etməklə bu dəyişikliklərə uyğunlaşmağa çalışır. Xüsusilə də, Koreyanın, ən yoxsul ölkələrdən birini ən inkişaf etmiş ölkələrdən birinə çevirmək sahəsində özünəməxsus təcrübəsi var və bu müsbət keyfiyyət KOİCA-ya tərəfdaşlıq etdiyi ölkələrdə sosial-iqtisadi vəziyyətin sabitliyini təmin etməyə imkan verir” - deyə nümayəndəliyin rəhbəri vurğulayıb.
AQŞİN

Paylaş:

Baxılıb: 1461 dəfə