Heydər Əliyev
yeni azerbaycan logo

Ana səhifə / Siyasət / Mübariz Qurbanlı Türkiyənin ölkəmizdəki yeni səfiri Erkan Özoralla görüşüb

Mübariz Qurbanlı Türkiyənin ölkəmizdəki yeni səfiri Erkan Özoralla görüşüb

03.11.2016 [10:18]

Noyabrın 2-də Dini Qurumlarla İş üzrə Dövlət Komitəsinin sədri Mübariz Qurbanlı Türkiyə Respublikasının ölkəmizdə yeni təyin olunmuş fövqəladə və səlahiyyətli səfiri Erkan Özoralla görüşüb.
Dövlət Komitəsində keçirilən görüşdə səfiri təyinatı münasibətilə təbrik edən Mübariz Qurbanlı Azərbaycan və Türkiyə dövlətləri arasında mövcud olan səmimi, qardaş münasibətdən danışıb. O bildirib ki, Türkiyə-Azərbaycan xalqları və dövlətləri arasında tarix boyu formalaşmış qardaşlıq münasibətlərinin daha da möhkəmləndirilməsi, bütövlükdə türk-İslam dünyasının mədəni-mənəvi vəhdətinin qorunub saxlanılması və daha da inkişaf etdirilməsi yolunda iki ölkə hər zaman səy göstərib və göstərməkdə də davam edəcək. Mübariz Qurbanlı bütün sahələrdə olduğu kimi din sahəsində də ölkələrimiz arasında əlaqələrin yüksələn xətlə inkişaf etdiyini deyib.
Səfir də öz növbəsində Dövlət Komitəsinin sədrinə təbrikinə görə təşəkkür edib. O, Azərbaycanla Türkiyə arasında qardaşlıq münasibətlərindən, bu əlaqələrin sağlam və davamlı inkişafından danışıb.
Görüşdə Dövlət Komitəsi sədrinin birinci müavini Səyyad Salahlı və müavini Səyavuş Heydərov da iştirak ediblər.

Paylaş:
Baxılıb: 609 dəfə

Xəbər lenti

Hamısına bax

YAP xəbərləri

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31