Ərəstun Mehdiyev: Türkiyə baş nazirinin səfəri bütün şübhələri aradan qaldırdı

Bakı:

28 °C

58 %

9 m/s

Əlaqə

AZ RU EN

Ana səhifə / Siyasət / Ərəstun Mehdiyev: Türkiyə baş nazirinin səfəri bütün şübhələri aradan qaldırdı

Ərəstun Mehdiyev: Türkiyə baş nazirinin səfəri bütün şübhələri aradan qaldırdı

15.05.2009 [21:02]

“Türkiyənin baş naziri Rəcəb Tayyib Ərdoğanın Azərbaycana səfərinin nəticələri müsbət qiymətləndirilməlidir. çünki, bu səfər, cənab R.T.Ərdoğanın açıqlamaları Azərbaycan ictimaiyyətinin narahatlığına səbəb olmuş bəzi məsələlərə aydınlıq gətirib və bütün şübhələri aradan qaldırıb”. Bunu SİA-ya eksklüziv açıqlamasında Azərbaycan Prezidenti Administrasiyasının ictimai-siyasi məsələlər şöbəsinin müdir müavini Ərəstun Mehdiyev bildirib.
Onun sözlərinə görə, baş nazir R.T.Ərdoğan Azərbaycana səfəri zamanı Türkiyənin qəti mövqeyini ifadə edib: “Rəcəb Tayyib Ərdoğan Bakıda keçirdiyi bütün görüşlərdə, o cümlədən mətbuat konfransında Azərbaycan ictimaiyyətini maraqlandıran suallara aydın cavab verib. İki ölkə arasında qarşılıqlı mənafelərin yüksək səviyyədə qorunması prioritet məsələ kimi qeyd olunub və Azərbaycanın işğal olunan əraziləri azad edilməyincə Ermənistanla Türkiyə arasında sərhədlərin açılmayacağını bildirilib. Həmçinin, Azərbaycan Prezidenti İlham Əliyev bəyan edib ki, artıq heç bir şübhə, başqa fikir, möhtəkirlik üçün yer qalmadı”, - deyən Ə.Mehdiyevin fikrincə, əldə olunmuş nəticələr Azərbaycan tərəfinin böyük razılığına səbəb olub.
Ə.Mehdiyev “Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu”nun yaradılması məsələsinə də münasibət bildirib. Onun sözlərinə görə, Prezident İlham Əliyevin fondun yaradılması ilə əlaqədar müvafiq fərmanına əsasən iki ay müddətində bu istiqamətdə işlər görülüb başa çatdırılmalıdır: “Dövlət başçısı Prezident Administrasiyasına tapşırıb və Mətbuat Şurasına tövsiyə edib ki, iki ay müddətində Fondun Müşahidə Şurasına namizədlərlə bağlı Azərbaycan Prezidentinə təkliflər versinlər. Hazırda bu istiqamətdə işlər davam etdirilir”.
O, əlavə edib ki, Fondun Müşahidə Şurasına namizədlər KİV və jurnalist təşkilatlarının sırasından seçiləcək. 3 nəfər isə dövlət qurumlarının nümayəndələrindən təyin olunacaq.
Ə.Mehdiyev Azərbaycanda fəaliyyət göstərən siyasi partiyaların dövlət büdcəsindən maliyyələşdirilməsi məsələsinə də münasibət bildirib: “Siyasi partiyaların dövlət büdcəsindən maliyyələşdirilməsinin meyarları müəyyənləşdirilməlidir. ölkəmizdə siyasi partiyaların fəaliyyəti üçün lazımi şərait yaradılmasına baxmayaraq, onların çoxunun siyasi və intellektual potensialı, praktiki iş təcrübəsi səmərəli siyasi fəaliyyət göstərməyə kifayət etmir. Bu gün Azərbaycanda 52 siyasi partiya dövlət qeydiyyatından keçib, ancaq onların bir çoxu faktiki olaraq fəaliyyət göstərmirlər və ya siyasi fəaliyyətin imitasiyası ilə məşğuldur. Buna görə də ölkədə fəaliyyət göstərən bütün siyasi partiyalara dövlət büdcəsindən maliyyə vəsaiti ayrılması düzgün deyil. Beynəlxalq təcrübəyə uyğun olaraq onların parlament seçkilərində göstəriciləri - səslərin sayı, qazanılmış mandat əsas meyar rolunu oynaya bilər. Prezident seçkilərinin də nəticələri nəzərə alına bilər. ümumilikdə, dövlətin siyasi partiyalara maliyyə dəstəyi siyasi sistemin inkişafında mühüm rol oynayacaq”.

Paylaş:

Baxılıb: 1511 dəfə