Belarus-Azərbaycan hökumətlərarası komissiyanın beşinci iclası keçirilib

Bakı:

20 °C

77 %

10 m/s

Əlaqə

AZ RU EN

Ana səhifə / Siyasət / Belarus-Azərbaycan hökumətlərarası komissiyanın beşinci iclası keçirilib

Belarus-Azərbaycan hökumətlərarası komissiyanın beşinci iclası keçirilib

07.05.2009 [18:12]

Minskdə Azərbaycan və Belarus arasında ticarət-iqtisadi əməkdaşlıq üzrə hökumətlərarası komissiyanın beşinci iclası keçirilib. Tədbiri giriş sözü ilə açan Belarusun Baş nazirinin müavini Andrey Kobyakov ölkələrimiz arasında yüksək səviyyədə siyasi dialoqun qurulduğunu söyləyib. O deyib ki, iki ölkə arasında ikitərəfli ticari-iqtisadi əlaqələr dinamik inkişaf edir. Son beş ildə qarşılıqlı ticarət dövriyyəsi 7 dəfədən çox artaraq 2008-ci ildə 100 milyon dollardan çox olub. Cari ilin ilk rübündə ölkələrimiz arasında ticarət dövriyyəsi 32 faiz artaraq 33,5 milyon dollar təşkil edib.
Andrey Kobyakov qeyd edib ki, “Belarus” traktorlarının və “MAZ” yük avtomobillərinin Gəncə avtomobil zavodunda yığılmasına başlanılıb. Bu sahədə daha irəli gedərək “Belarus” traktorlarının istehsalı üzrə birgə şirkət yaradılması, texnikanın digər ölkələrin bazarlarına çıxarılması planlaşdırılır. Azərbaycanda yaxın gələcəkdə avtokranların, liftlərin, kommunal texnikasının yığılmasını da təşkil edəcəyik.
Azərbaycanın Baş nazirinin birinci müavini Yaqub Eyyubov isə Azərbaycan iqtisadiyyatının xüsusi model üzərində qurulduğunu bildirib. O deyib ki, ölkəmizdə qeyri-neft sektorunun inkişafı dövlətin əsas prioritetlərindən biridir.
Belarusun Azərbaycanın strateji tərəfdaşı olduğunu vurğulayan Yaqub Eyyubov, son zamanlar Azərbaycan iqtisadiyyatının əldə etdiyi uğurlar barədə məlumat verərək bildirib ki, bütün dünyada hökm sürən maliyyə böhranına baxmayaraq böyük iqtisadi potensiala malik ölkəmizin iqtisadiyyatı sürətlə inkişaf edir. Biz Belarusla iqtisadi sahədə əməkdaşlığı genişləndirmək niyyətindəyik. Əgər 2003-cü ildə ölkələrimiz arasında ticarət dövriyyəsi 10 milyon dollar təşkil edirdisə, bu rəqəm beş ildə 10 dəfə artıb. Azərbaycan regionda lider ölkədir. Bu ilin ilk rübündə Azərbaycanda ümumi daxili məhsul istehsalı 4,1 faiz, qeyri-neft sektorunun inkişafı isə 14 faiz artıb. Neftin qiymətinin ucuzlaşmasına baxmayaraq, Azərbaycan iqtisadiyyatı uğurla inkişaf edir. Azərbaycan ilə Belarusun qarşılıqlı əlaqələrinin inkişafında ölkələrimizin prezidentləri arasında möhkəm dostluq münasibətlərinin böyük rolu da var.
Belarus-Azərbaycan hökumətlərarası komissiyanın beşinci iclası hər iki ölkə arasında ticari-iqtisadi əməkdaşlıq haqqında protokolun imzalanması ilə başa çatıb. Sənədi Azərbaycan tərəfdən Yaqub Eyyubov, Belarus tərəfdən Andrey Kobyakov imzalayıblar.
Sonda Yaqub Eyyubov və Andrey Kobyakov jurnalistlərin suallarını cavablandırıblar.

Paylaş:

Baxılıb: 1646 dəfə