"Heydər Əliyev və azərbaycançılıq" mövzusunda konfrans keçirilib

Bakı:

13 °C

88 %

3 m/s

Əlaqə

AZ RU EN

Ana səhifə / Siyasət / "Heydər Əliyev və azərbaycançılıq" mövzusunda konfrans keçirilib

"Heydər Əliyev və azərbaycançılıq" mövzusunda konfrans keçirilib

07.05.2009 [18:08]

AzərTAc: Dünən Azərbaycanda Atatürk Mərkəzində Azərbaycan Sosial Rifah Partiyasının (ASRP) təşəbbüsü ilə ümummilli lider Heydər Əliyevin anadan olmasının 86-cı ildönümünə həsr olunmuş “Heydər Əliyev və azərbaycançılıq” mövzusunda konfrans keçirilib. Milli Məclis deputatlarının, siyasi partiya təmsilçilərinin, qeyri-hökumət təşkilatları nümayəndələrinin, ali məktəb müəllimlərinin və digər qonaqların iştirak etdikləri tədbiri giriş sözü ilə ASRP-nin sədri, Milli Məclisin deputatı, professor Xanhüseyn Kazımlı açıb. Natiq bildirib ki, ümummilli lider Heydər Əliyev istər SSRİ dövründə, istərsə də 1993-cü ildə yenidən hakimiyyətə qayıtdıqdan sonra Azərbaycanın müstəqilliyini möhkəmləndirmək, onun güclü dövlətçilik xəttinin siyasi və iqtisadi əsaslarını yaratmaqla yanaşı, xalqımızın milli intibahının ideya əsası ola biləcək konsepsiyanın - azərbaycançılıq ideologiyasının bünövrəsini qoyub və inkişaf etdirib.
Konfransda “Heydər Əliyev və azərbaycançılıq” mövzusunda məruzə ilə çıxış edən professor Buludxan Xəlilov deyib ki, ulu öndər Heydər Əliyev müstəqillik dövrünün dövlət ideologiyasını formalaşdırarkən azərbaycançılığı milli dövlətçilik ideologiyası kimi sistemə salıb, onu ümummilli ideya, dünya azərbaycanlılarının ideologiyası, milli birlik təlimi kimi əsaslandırıb.
Milli Məclisin deputatları Fəttah Heydərov, Həvva Məmmədova, Jalə Əliyeva, Sabir Rüstəmxanlı, Aydınxan Həsənov, filologiya elmləri doktoru, professor Nizaməddin Şəmsizadə, Hesablama Palatasının auditoru Mehriban Alışanova, Azərbaycan Milli Elmlər Akademiyası İnsan Hüquqları İnstitutu direktorunun müavini Araz Qurbanov və digər çıxış edənlər bildiriblər ki, ulu öndər Heydər Əliyevin hələ sovet dövründə Azəbaycana rəhbərlik etdiyi vaxtlarda respublikamızda milli özünüdərk və milli-mədəni intibahın yüksəlişi başlayıb. Natiqlər xüsusi olaraq vurğulayıblar ki, azərbaycançılığın milli ideologiya halına gəlməsi, bütün dünyadakı soydaşlarımızı birləşdirən məfkurəyə, müstəqil Azərbaycan dövlətinin ideya əsasına çevrilməsi məhz ulu öndərin adı və fəaliyyəti ilə bağlıdır. Bu ideologiya Azərbaycan dövlətinə qarşı bir çox istiqamətlərdən yönələn təhdidlərin, ölkəmizi etnik bölücülük əsasında parçalamaq cəhdlərinin qarşısında güclü ideoloji və siyasi sipər olub.
Konfrans iştirakçıları bu gün Azərbaycan Respublikasının Prezidenti İlham Əliyevin rəhbərliyi altında azərbaycançılığın ümummilli ideologiya olaraq möhkəmləndirilməsi istiqamətində ulu öndər Heydər Əliyevin müəyyən etdiyi strateji xəttin ardıcıl və məqsədyönlü şəkildə həyata keçirilməsini yüksək qiymətləndiriblər.

Paylaş:

Baxılıb: 1309 dəfə