Bakı Forumu Azərbaycanın dünyada artan nüfuzunun daha bir təsdiqidir

Bakı:

20 °C

77 %

2 m/s

Əlaqə

AZ RU EN

Ana səhifə / Siyasət / Bakı Forumu Azərbaycanın dünyada artan nüfuzunun daha bir təsdiqidir

Bakı Forumu Azərbaycanın dünyada artan nüfuzunun daha bir təsdiqidir

27.04.2016 [10:14]

Beynəlxalq əlaqələr üzrə tanınmış ekspert Piter Tase ilə AZƏRTAC-da keçirilən görüşdə BMT Sivilizasiyalar Alyansının VII Qlobal Forumunun Azərbaycan həqiqətlərinin dünyaya yayılması üçün əlverişli platforma olduğu vurğulanıb
“Bakıda keçirilən BMT Sivilizasiyalar Alyansının VII Qlobal Forumu və digər nüfuzlu beynəlxalq tədbirlər Azərbaycanın dünyada gündən-günə artan nüfuzunu bir daha təsdiqləyir. Bu Forumda müzakirə olunan məsələlər qlobal əhəmiyyətə malikdir”.
Bu fikirləri ABŞ-ın “Eurasia Review” jurnalının əməkdaşı, beynəlxalq əlaqələr üzrə ekspert Piter Tase aprelin 26-da AZƏRTAC-da keçirilən görüşdə deyib.
Azərbaycan ilə ABŞ arasında bir çox sahələrdə uğurlu əməkdaşlığın davam etdirildiyini bildirən AZƏRTAC-ın Baş direktoru Aslan Aslanov regionda həyata keçirilən irimiqyaslı layihələrin əhəmiyyətinə toxunub. Görüşdə Ümummilli lider Heydər Əliyevin müdrik zəkası və uzaqgörən siyasəti nəticəsində Azərbaycanın beynəlxalq aləmdə qazandığı böyük uğurlar xüsusi vurğulanıb. Habelə Prezident İlham Əliyevin bu yaxınlarda ABŞ-a məzmun, forma və status etibarilə fərqlənən tarixi səfərinin, Dördüncü Nüvə Təhlükəsizliyi Sammiti zamanı keçirdiyi görüşlərin əməkdaşlığın genişləndirilməsində xüsusi əhəmiyyət daşıdığı diqqətə çatdırılıb. Qeyd olunub ki, bu səfər və keçirilən görüşlər strateji əməkdaşlığa əsaslanan ikitərəfli münasibətlərin yeni mərhələyə qədəm qoymasına töhfə verib və iki ölkənin əslində nə qədər yaxın olduğunu bir daha göstərib.
Baş direktor BMT Sivilizasiyalar Alyansının VII Qlobal Forumunda dünyanın 140-dan çox ölkəsindən dövlət xadimləri və alimlərdən ibarət nümayəndə heyətlərinin iştirak etdiyini diqqətə çatdırıb, tədbirin Azərbaycan ilə bağlı həqiqətlərin dünyaya yayılması üçün əlverişli platforma olduğunu vurğulayıb.
Azərbaycanın sosial-iqtisadi inkişafı, regionda gündən-günə güclənən mövqeyi ilə bağlı məlumatların ABŞ ictimaiyyətinə bundan sonra da obyektiv şəkildə çatdırılmasında səylərini əsirgəməyəcəyini deyən Piter Tase ölkəmizin Avropaya, dünyaya inteqrasiya etdiyinin danılmaz fakt olduğunu bildirib.
Qonaq deyib: “Azərbaycan Prezidenti İlham Əliyevin məqsədyönlü xarici siyasətinin nəticəsidir ki, ölkəniz bu gün dünyanın ən mötəbər qurumlarında uğurla təmsil olunur. Mən ölkənizin xarici siyasətinin təbliğ olunmasında fəaliyyətimi bundan sonra da davam etdirəcəyəm”.
Azərbaycanda söz və informasiya azadlığının tam təmin olunduğunu, ölkəmizdə din ilə dövlət arasında münasibətlərin yüksək səviyyədə tənzimləndiyini təqdir edən ekspert bu sahədə görülən işləri yüksək qiymətləndirib.
Görüşdə Piter Tasenin Ermənistanın Azərbaycana qarşı törətdiyi son təxribatla bağlı ABŞ mətbuatında dərc etdiyi məqalələrdən söhbət açılıb. Baş direktor əsl həqiqətlərin Amerika ictimaiyyətinə çatdırılmasında göstərdiyi səylərə və obyektiv mövqeyinə görə ekspertə minnətdarlığını bildirib.
Söhbət zamanı birgə fotoalbom və kitabların nəşr edilməsi, qarşılıqlı tədbirlərin keçirilməsi, müştərək videolayihələrin hazırlanması ilə bağlı məsələlər də nəzərdən keçirilib.
Sonda Piter Tase bu yaxınlarda ABŞ-da ingilis dilində nəşr olunmuş “Naxçıvanın qədim abidələri və xəzinələri” kitabını AZƏRTAC-a hədiyyə edib.

Paylaş:

Baxılıb: 556 dəfə