İlham Məmmədov: Dünyada qlobal maliyyə-iqtisadi böhranın fonunda ölkəmizin sosial-iqtisadi inkişafı üçün davamlı addımlar atılır

Bakı:

16 °C

82 %

2 m/s

AZ RU EN

Ana səhifə / Siyasət / İlham Məmmədov: Dünyada qlobal maliyyə-iqtisadi böhranın fonunda ölkəmizin sosial-iqtisadi inkişafı üçün davamlı addımlar atılır

İlham Məmmədov: Dünyada qlobal maliyyə-iqtisadi böhranın fonunda ölkəmizin sosial-iqtisadi inkişafı üçün davamlı addımlar atılır

19.01.2016 [10:08]

“Dünyada baş verən proseslərə baxmayaraq, Azərbaycan inkişaf edir və bu göz qabağındadır. Ölkəmizin yerləşdiyi geosiyasi məkanda oynadığı rol, xüsusilə, Avropanın enerji təhlükəsizliyinin təmin olunması yönündəki fəaliyyəti hamıya məlumdur. Təbii ki, Azərbaycan dünyaya inteqrasiya edib və dünyada baş verən proseslər ölkəmizdən yan keçə bilməzdi”. Bu fikirləri Milli Məclisin deputatı İlham Məmmədov deyib.
İ.Məmmədov bildirib ki, Ulu öndər Heydər Əliyevin qurucusu olduğu müstəqil Azərbaycan Prezident İlham Əliyevin dayanıqlı iqtisadi inkişaf stategiyası sayəsində həmişə öz inkişaf tempini təmin edəcək. Onun sözlərinə görə, dünyada qlobal maliyyə-iqtisadi böhranın fonunda ölkəmizin sosial-iqtisadi inkişafı üçün davamlı olaraq addımlar atılır. Sahibkarlığın inkişafı üçün atılan addımlar, onlara qarşı süni maneələrin aradan qaldırılması, yoxlamaların azaldılması, lisenziyaların verilməsinin sadələşdirilməsi, infrastruktur layihələrin dayanmadan həyata keçirilməsi buna sübutdur. Millət vəkili həmçinin bildirib ki, aqrar sahənin inkişafı üçün də ciddi addımlar atılır. Belə ki, suvarma sistemlərinin yenidən qurulması, su anbarlarının tikintisi dövriyyədən çıxmış torpaqların yenidən istifadə edilməsi üçün ciddi addımlardır. Bütün bunlar iqisadiyyatın neftdən asılılığının azaldılması üçün görülən ən mühüm tədbirlərdəndir.
“Dünyada baş verən proseslərə ölkəmiz adekvat cavab verir. Əlbəttə, dünyada neftin qiymətinin kəskin ucuzlaşması Prezidentimizin qeyd etdiyi kimi, iqtisadi yox, siyasi amillərlə bağlıdır. Hər bir vətəndaş Azərbaycan naminə cənab Prezidentin ətrafında sıx birləşməlidir. Bu gün kiçik məişət problemlərini şişirdib ondan təxribat məqsədləri üçün istifadə etmək istəyənlər var. Belə vəziyyətlərdə kimsə ortaya çıxır, süni qiymət artımı hallarına yol verir və s. Bunlara qarşı birgə mübarizə aparmalıyıq. Belə halların qarşısını almaq üçün cənab Prezidentə dəstək olmalıyıq. Hər birimiz öz işimizlə düzgün məşğul olarıqsa, neqativ prosesləri önləmiş olarıq. Prezidentimizin verdiyi qərarlar, Onun qətiyyətli addımları yaranmış vəziyyətdən sui-istifadə etmək istəyənlərə tutarlı cavabdır. Dövlət başçısının atdığı addımlar vətəndaşların maraqlarına xidmət edir. Un və çörəyin qiymətinin aşağı düşməsi, əmək pensiyalarının artırılması ictimaiyyət tərəfindən tam dəstəklənir. Yəni yaranmış vəziyyətdən, manatın devalvasiyaya uğramasından kimlərsə şou düzəltməməlidir. Biz insanlar arasında izahat işləri aparmalıyıq, bu prosedə KİV-lərin də rolu var. Hazırda yerlərdə icra strukturlarının nümayəndələri insanlarla görüşüb onları dinləyirlər. Yəni problemlərin həlli ilə bağlı sistemli tədbirlər həyata keçirilir”, - deyə İ.Məmmədov vurğulayıb.

Paylaş:

Baxılıb: 651 dəfə