Dünya Azərbaycanlılarının Həmrəyliyi Günü və Yeni il Suraxanı rayonunda silsilə tədbirlərlə qeyd olunur

Bakı:

20 °C

94 %

0 m/s

AZ RU EN

Ana səhifə / Siyasət / Dünya Azərbaycanlılarının Həmrəyliyi Günü və Yeni il Suraxanı rayonunda silsilə tədbirlərlə qeyd olunur

Dünya Azərbaycanlılarının Həmrəyliyi Günü və Yeni il Suraxanı rayonunda silsilə tədbirlərlə qeyd olunur

30.12.2013 [09:04]

Dünya Azərbaycanlılarının Həmrəyliyi Günü və Yeni il münasibətilə Suraxanı rayonunda silsilə bayram tədbirləri keçirilir.
Suraxanı rayon İcra Hakimiyyətindən AzərTAc-a bildiriblər ki, növbəti tədbir rayondakı Heydər Əliyev Mərkəzində təşkil olunub. Aztəminatlı, şəhid və məcburi köçkün ailələrindən olan sakinlərin iştirakı ilə keçirilən tədbirdə çıxış edən rayon İcra Hakimiyyətinin başçısı İlqar Abbasov onları bayramlar münasibətilə təbrik edib və yeni ildə hamıya xoş güzəran, ruzi-bərəkət, əmin-amanlıq arzulayıb. Qeyd olunub ki, 31 dekabr - Dünya Azərbaycanlılarının Həmrəyliyi Günü ayrı-ayrı ölkələrdə yaşayan soydaşlarımızla əlaqələr qurmaq, onlar arasında birlik və həmrəylik yaratmaq baxımından mühüm rol oynayır. 1991-ci ildə Ulu öndər Heydər Əliyevin təşəbbüsü ilə Naxçıvan Muxtar Respublikası Ali Məclisi tərəfindən müvafiq qərarın qəbul edilməsi dünya azərbaycanlılarının birlik və həmrəyliyinə aparan yolun başlanğıcını qoyub və ötən müddətdə bu istiqamətdə bir çox mühüm addımlar atılıb.
Sonra aztəminatlı, şəhid və məcburi köçkün ailələrindən olan bir qrup sakinə bayram sovqatı verilib.
Bayram tədbiri xüsusi qayğıya ehtiyacı olan uşaqlar üçün reabilitasiya mərkəzində davam etdirilib. Tədbirdə toplaşanları təbrik edən İlqar Abbasov gənc nəslə dövlət tərəfindən göstərilən diqqət və qayğıdan danışıb, dövlətimizin başçısı İlham Əliyevin və Heydər Əliyev Fondunun prezidenti, UNESCO-nun və İSESCO-nun xoşməramlı səfiri, Milli Məclisin deputatı Mehriban xanım Əliyevanın xüsusi qayğıya ehtiyacı olan uşaqları daim diqqət mərkəzində saxladıqlarını vurğulayıb.
Bayram şənliyində çıxış edən valideynlər onların övladlarına göstərilən bu diqqət və qayğıya görən minnətdarlıq və razılıqlarını dilə gətiriblər. Şaxta baba, Qar qız və klounların çıxışları ilə davam edən tədbirdə uşaqlara “McDonalds” şirkətinin göndərdiyi yeməklər paylanılıb. Səttar Bəhlulzadə adına mədəniyyət sarayının bədii kollektivi maraqlı konsert proqramı ilə şənliyə xüsusi rəng qatıb, uşaqlar arasında müxtəlif yarışlar keçirilib.
Rayon İcra Hakimiyyəti tərəfindən əqli cəhətdən qüsurlu uşaqlar üçün 7 nömrəli internat məktəbində və 2 nömrəli uşaq evində də bayram tədbirləri təşkil olunub.
Tədbirlər planına uyğun olaraq belə tədbirlər qarşıdakı günlərdə də davam etdiriləcək.

Paylaş:

Baxılıb: 1183 dəfə