Hulusi Kılıç Azərbaycana dil uzadanlara şillə kimi cavab verdi

Bakı:

24 °C

71 %

3 m/s

Əlaqə

AZ RU EN

Ana səhifə / Siyasət / Hulusi Kılıç Azərbaycana dil uzadanlara şillə kimi cavab verdi

Hulusi Kılıç Azərbaycana dil uzadanlara şillə kimi cavab verdi

13.11.2024 [15:51]

"COP29 İqlim dəyişikliyi konfransı uğurla davam etməkdədir. Dünən gerçəkləşən liderlər toplantısında önəmli açıqlamalar müzakirə olundu. COP29-un baykot edilməsini təşkil edən bəzi çevrələrə Ali baş komandan cənab prezident İlham Əliyev şillə kimi bir cavab verdi".

Bu fikirləri "Yeni Azərbaycan" - a açıqlamasında Türkiyənin ölkəmizdəki keçmiş səfiri, "İMZA" Sosial İnkişafa Dəstək İctimai Birliyinin Türkiyə təmsilçisi Hulusi Kılıç deyib. O, qeyd edir:

"12 noyabrdan etibarən başlanan COP29 tədbirinə 196 ölkədən 72 min qeydiyyata alınmış iştirakçı var və burada 80 vitse-prezident və baş nazir iştirak etməkdədir. Bundan 2 il öncə Bakıya gəlib, Avropanın enerji güvənliyi üçün Azərbaycandan qaz tələb edən və enerji sahəsində müqavilələrin bağlanmasını istəyən və 2027-ci ilədək Avropaya ötürülən enerjinin 2 misli qədərini artırmasını istəyən Ursula Fon Der Leyenin bu mötəbər tədbirə qatılmaması hər kəs üçün sual doğurur. Azərbaycandan qaz ixrac edən 10 ölkədən 8-i Avropa ölkəsidir. Eyni zamanda həmin ölkələrdən 6-sı Avropa Birliyinə daxildir".

Bəzi Avropa ölkələrinin ikiüzlülüyünü COP29-un ilk günündən üzə çıxdığını vurğulayan türkiyəli diplomat COP29 siyasi bir arena yox, bütün insanların gələcəyi naminə təşkil olunan, iqlim dəyişiklikləri çərçivəsində keçirilən bir tədbir olduğunu bildirib: "Bəzi ölkələrin rəhbərləri özlərini günahkar hiss etdikləri üçün bu tədbirə qatılmadığını düşünürəm. 30 il işğaldan sonra geri çəkilən ermənilərin yandırdığı meşələrin hesabını Fransa verəcəkmi? Qeyd edək ki, bu tədbirin baykot olunması üçün hərəkətə keçən öncül ölkələrdən biri elə Fransadır. Azərbaycan hər il yüz minlərlə ağac əkərək yaşıllıqlarını zənginləşdirir. Birinci vitse-prezident Mehriban Əliyevanın illərdir sədrlik etdiyi Heydər Əliyev fondu "Yaşıl Dünya" şüarı ilə ölkəmizdə yaşıllıqların artırılmasında tədbirlər görür. Azərbaycan iqlim dəyişikliyi problemini həll etməsi üçün COP29 tədbirinin keçiriləcəyi üçün vacib ölkədir. Burada bir çox Avropa ölkəsinin təşkil edə bilmədiyi təşkilatçılıq həyata keçirilib. Bunu gələn qonaqlar da təsdiqləyir. Prezident İlham Əliyevin və Birinci vitse-prezident Mehriban Əliyevanın dəstəyi ilə bu tədbir uğurlu davam edəcək. Bakı şəhəri artıq önəmli qərarlar verilən bir mərkəzə çevrilib. Azərbaycanın uğuru bütün türk dünyasının uğuru kimi qəbul olunur. Biz bundan böyük qürur duyuruq. Zirvəyə qatılmayan ölkələrin iqlim dəyişikliyi ilə bağlı fikirləri varsa bunları gəlib COP29 tədbirində elan olunmalıdır. Əgər bunu etmirlərsə, deməli bu cəmiyyətin gələcəyi haqqında maraqlanmamalarına bir işarədir".

Paylaş:

Baxılıb: 534 dəfə