Heydər Əliyev
yeni azerbaycan logo

Ana səhifə / Mədəniyyət / Türkiyədə “Mədəniyyət yolu festivalları”nda Fikrət Əmirovun əsərləri səsləndiriləcək

Türkiyədə “Mədəniyyət yolu festivalları”nda Fikrət Əmirovun əsərləri səsləndiriləcək

16.09.2022 [10:48]

Sentyabrın 16-da Türkiyədə “Türkiyə Kültür Yolu Festivalları” çərçivəsində “Troya Kültür Yolu Festivalı” başlayır.

Türkiyənin  Mədəniyyət və Turizm Nazirliyi tərəfindən təşkil olunan tədbirlərə Çanaqqala şəhərində start veriləcək və ölkənin daha 5 böyük şəhərində davam etdiriləcək.

Beynəlxalq marka dəyərinə töhfə vermək məqsədilə keçirilən “Türkiyə Kültür Yolu Festivalları” çərçivəsində yarışmalar, sərgilər, konsertlər, film nümayişləri, marafonlar, seminarlardan ibarət 100-dən çox tədbir bir araya gətiriləcək. 40-dan çox məkanda keçiriləcək tədbirlərdə 1000-dən çox sənətçi iştirak edəcək. Troya, Lidiya, Roma, Osmanlı İmperatorluğu və Türkiyə Cümhuriyyətinin izlərini daşıyan Çanaqqala bütün 10 gün ərzində fərqli nüm?yişlər  təqdim edəcək.

Türkiyənin  Mədəniyyət və Turizm Nazirliyindən “Yeni Azərbaycan”a verilən məlumata görə, “Türkiyə Kültür Yolu Festivalları” çərçivəsində Azərbaycan bəstəkarlıq məktəbinin tanınmış  nümayəndəsi, simfonik muğam janrının banisi, ictimai xadim Fikrət Əmirovun 100 illiyi münasibətilə də tədbirlər keçiriləcək.

Qeyd edək ki, Azərbaycan Respublikasının Prezidenti İlham Əliyev 2022-ci ilin noyabr ayında görkəmli bəstəkarın anadan olmasının 100 ili tamam olması münasibətilə tədbirlərin keçirilməsinə Sərəncam verib.

Bu tədbirlər Türkiyədəki Beynəlxalq Türk Mədəniyyəti Təşkilatı (TÜRKSOY) tərəfindən də keçirilir.

Belə ki, 23-cü TÜRKSOY Opera Günləri TÜRKSOY Daimi Şurası böyük Azərbaycan bəstəkarı Fikrət Əmirovun anadan olmasının 100 illiyi münasibətilə 2022-ci ili “Fikrət Əmirovu anma İli” elan edib. Bu münasibətlə TÜRKSOY-un 23-cü Opera Günləri Fikrət Əmirova həsr olunub. Konsert proqramlarının repertuarında Fikrət Əmirovun əsərlərinə xüsusi yer ayrılıb, həmçinin bəstəkarın həyat və yaradıcılığı ilə bağlı fotosərgi sənətsevərlərə təqdim olunacaq. Türkiyə Mədəniyyət və Turizm Nazirliyinin də dəstəyi ilə 15-21 sentyabr tarixində Türkiyənin Bursa və İzmir şəhərləri ilə yanaşı, Şimali Kiprin Qazimağusa və Girne şəhərlərində də Fikrət Əmirova həsr olunan tədbirlər düzənlənəcək.

Sevil Ünal

Ankara

Paylaş:
Baxılıb: 413 dəfə

Xəbər lenti

Hamısına bax

Xəbər lenti

Xəbər lenti

Sabahın hava proqnozu

03 Oktyabr 12:33

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31