Heydər Əliyev
yeni azerbaycan logo

Ana səhifə / Maraqlı / Eynşteynin düsturlarını yazdığı dəftər 13 milyon dollara satıldı

Eynşteynin düsturlarını yazdığı dəftər 13 milyon dollara satıldı

24.11.2021 [16:08]

Alman alimi Albert Eynşteynin 1905-1915-ci illərdə hazırladığı “Ümumi nisbilik nəzəriyyəsi”nin düsturlarının əlyazması rekord qiymətə satılıb. yeniazerbaycan.com Türkiyənin “Milliyyət” qəzetinə istinadən xəbər verir ki, Parisdəki “Christie's” Hərrac Evində keçirilən hərracda elmi əlyazmanın olduğu dəftər təxminən 13 milyon dollara alıblar. Hərracda satılan 54 səhifəlik sənəd nəzəriyyənin formalaşdırıldığı iki dəftərdən biridir.

Məlumatda bildirilir ki, əlyazma şəklində olan düsturlar Eynşteyn və onun isveçrəli həmkarı Mişel Besso tərəfindən 1913-1914-cü illər arasında yazılıb. Eynşteynin nisbilik nəzəriyyəsindən əvvəl buraxdığı bəzi səhvləri də dəftərdə görmək olur.

Qeyd edək ki 1915-ci ildə nəşr olunan “Ümumi nisbilik nəzəriyyəsi” yaşadığımız kainat haqqında bildiyimiz demək olar ki, hər şeyi dəyişdirən inqilabi elmi kəşf olduğu düşünülür.

Xəbərdə sözügedən sənədlərin dünya üzrə kolleksiyaçıları cəlb etdiyi bildirilir. 54 səhifəlik dəftəri alan şəxsin kimliyi isə məlum deyil.

Xatırladaq ki, ötən ilin mayında Eynşteynin nəzəriyyənin məşhur E=mc² düsturu olan məktubu 1,2 milyon dollara satılmışdı.

Paylaş
Baxılıb: 59 dəfə

Xəbər lenti

Hamısına bax

Manata inam artır

27 Noyabr 10:15

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30