Zəfərimiz necə təbliğ olunur?

Bakı:

23 °C

64 %

3 m/s

Əlaqə

AZ RU EN

Ana səhifə / MEDİA / Zəfərimiz necə təbliğ olunur?

Zəfərimiz necə təbliğ olunur?

01.02.2022 [10:15]

Təhsil proqramlarında dəyişikliklər olacaq

MÜŞFİQƏ

Postmüharibə zamanında qalib Azərbaycan cəmiyyətinin daha çox maariflənməsinə, yeni bilgilər, informasiyalarla təmin olunmasına böyük ehtiyac var. Vətən müharibəsindən, Azərbaycanın qələbəsindən, zəfərindən sonra davamlı olaraq elmi-kütləvi, mədəni-maarif, təhsil proqramlarının hazırlanması üzərində ciddi şəkildə işlənilməlidir. Cəbhədə qalib gəldiyimiz kimi, informasiya müharibəsində də qələbə qazanmağa davam etməliyik. Bunun üçün cəmiyyətimiz daha da təkmilləşməli, dünya görüşü artırılmalı, savadlanmalı, istər Azərbaycan cəmiyyəti, istərsə də bütövlükdə dünya ictimaiyyəti hərtərəfli informasiya ilə təmin edilməlidir. Bu məqsədlə də elmi-kütləvi, mədəni-maarif, təhsil proqramlarının inkişaf etdirilməsi, hətta yenilərinin belə hazırlanması öz aktuallığını qoruyur.

Bilirik ki, elmi-kütləvi, mədəni-maarif, təhsil proqamları cəmiyyətin həyatında, insanların zövqünün formalaşmasında, bilik əhatəsinin genişlənməsində, savadlanmasında, informasiya ilə təmin olunmasında mühüm amillərdən biri, bəlkə də birincisidir. Bəs, görəsən, Azərbaycanda elmi-kütləvi, mədəni-maarif və təhsil proqramlarının hazırlanması hansı səviyyədədir?

“Zəfər tarixi” dərsliyi artıq çapdan çıxıb

Yeni tədris ilindən məktəblərdə IX siniflərə tarix müəllimləri tərəfindən tədris ediləcək. “Zəfər tarixi” dərsliyinin müəllifləri Pərviz Ağalarov, Niyaməddin Quliyev, Hafiz Cabbarov, Ramil Tanrıverdi və Talıb Talıblıdır. “Zəfər tarixi” kursunun IX sinifdə tədris olunmasının səbəbi isə həyata atılacaq, müəyyən bilik və bacarıqlara yiyələnmiş, düşünməyi, təhlil etmə bacarığı formalaşmış gənclər artıq bu sinifdə daha geniş şəkildə təqdimat edə və ətraflı məlumatlara yiyələnmiş olmalarıdır. Kitab hazırlanarkən dərsliyin texniki bədii tərtibatına da xüsusi önəm verilib. Qarabağ tarixini, xüsusən şanlı qələbəmizi əks etdirən fotolar geniş yer alıb. Hərbi uğurlarımız şagirdlərə özünəməxsus izah olunub. Bu dərslik vasitəsilə Qarabağın tarixi, münaqişə ilə bağlı uzunmüddətli danışıqlar prosesi, baş verən hadisələrin, zəfərin qazanılması barədə məlumatların Azərbaycan vətəndaşlarına, şagirdlərə çatdırılması təmin ediləcək. Zəfər tariximizin təbliği, onun yeni gələn gənc nəslə aşılanması üçün daha nələr edilməlidir? Görülən işlər yetərlidirmi?

Mövcud vəziyyəti şərh edən təhsil eksperti Kamran Əsədov bildirib ki, dərsliklərin, elmi kitabların səviyyəsi qənaətedici deyil. O, hesab edir ki, elmi-kütləvi, mədəni-maarif, təhsil sahəsində hazırlanan proqramlar, ortaya qoyulan sənədlər çox mükəmməl olsa da, onların icrasında problemlər müşahidə olunur: “Diqqəti çəkən ən vacib məqamlardan biri də ondan ibarətdir ki, kommersiya xarakterli proqramlara televiziya və radiolarda daha geniş diqqət ayrılması əvəzinə, məhz elmi-kütləvi, mədəni-maarif, təhsil proqramlarına yer ayrıla bilər və bunun da müsbət nəticəsi təkzib edilə bilməz. Şübhəsiz ki, kitabın, kitabxananın, elmin, mədəniyyətin təbliğinə televiziyalar xüsusi yer ayırmalı, şou xarakterli proqramların əvəzinə kütləvi xarakter daşıyan maarifçilik əhəmiyyətli proqramlar təqdim olunmalıdır”.

Onun sözlərinə görə, Vətən müharibəsindən, Azərbaycanın qələbəsindən, zəfərindən sonra davamlı olaraq elmi-kütləvi, mədəni-maarif, təhsil proqramlarının hazırlanması üzərində ciddi şəkildə işlənilməlidir: “Azərbaycan Ordusunun rəşadəti, mübariz ruhu və bir çox məsələlər artıq proqram şəklində universitet və orta məktəblərdə tədris olunmalı, buna çox ciddi şəkildə xüsusi önəm verilməlidir. Bu baxımdan, proqramların hazırlanmasında mütəxəssis yanaşması, eləcə də rəyi mütləq nəzərə alınmalı, alimlərin, mədəniyyət xadimlərinin, təhsil ekspertlərinin imkan və potensialından istifadə edilməlidir. Postmünaqişə dövründə və bundan sonra həmrəyliyimizin və birliyimizin daha da güclənməsinə öz ciddi töhhəsini vermiş olacaq”.

“Bir çox hallarda biz görürük ki, bu proqramların icrası, bu işlərin həyata keçirilməsi zamanı bu işin həvalə edildiyi müəssisələr, qurumlar bu prosesə peşəkarları cəlb etmək əvəzinə öz qohum-əqrabalarını, rəhbərliyə yaxın olan şəxsləri cəlb edirlər. Onlar müxtəlif korperativ maraqlardan çıxış edirlər və onlara yaxın olan şəxsləri bu proseslərdə önə çəkməyə çalışırlar. Təbii ki, bu da zaman-zaman müxtəlif problemlərə gətirib çıxarır. Əsl istedadlı, savadlı şəxslərin, xüsusən də gənclərin proqramların icrası zamanı kənarda saxlandıqlarını görürük, onlardan yararlanmağa kimlərsə maneçilik törədirlər. Problem buradan qaynaqlanır”, - deyə ekspert vurğulayıb.

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Elmi-kütləvi, mədəni-maarif, təhsil proqamlarının hazırlanması” istiqaməti üzrə hazırlanmışdır

Paylaş:

Baxılıb: 951 dəfə