Heydər Əliyev yeni azerbaycan logo

Ana səhifə / İdman / 1 qələbə, 1 məğlubiyyət, 1 bərabərlik

1 qələbə, 1 məğlubiyyət, 1 bərabərlik

24.01.2022 [19:31]

Türkiyənin Antalya bölgəsində təlim-məşq toplanışında olan klublarımız bu gün yoxlama oyunlarında qüvvələrini sınayıblar. “Yeni Azərbaycan” xəbər verir ki, “Neftçi”, “Qəbələ” və “Zirə” komandalarının iştirakı ilə baş tutan görüşlərdə təmsilçilərimizdən biri qələbə qazanıbsa, biri uduzub, digər oyunda heç-heçə qeydə alınıb. 

Ölkə çempionu “Neftçi” sonuncu sınaq matçında qələbəyə sevinib. Paytaxt təmsilçisinin Polşanın “Qurnik” komandası ilə görüşü Bakı vaxtı ilə saat 16:00-a təyin olunsa da, qarşılaşma Yasin Duranın başçılıq etdiyi hakimlər briqadasının ləngiməsi səbəbindən 22 dəqiqə gec başlayıb. Təmsilçimiz 53-cü dəqiqədə Emin Mahmudovun vurduğu qol sayəsində toplanışı qələbə ilə başa vurub. “Neftçi” bundan əvvəl Macarıstan “Kişvarda”sı ilə 2:2, Polşa “Visla”sı (Plotsk) ilə bərabərliyə qalmışdı.

“Bohemians”la qarşılaşan “Qəbələ” meydandan məğlub ayrılıb - 1:3. Əyalət təmsilçisinin heyətində 75-ci dəqiqədə penaltidən İsnik Alimi fərqlənib. Antalyadakı ilk yoldaşlıq oyununda Polşa “Zaqlembe”sinə 1:2 hesabı ilə uduzan “Qəbələ” ikinci sınağında Şimali Makedoniyanın “Borats” klubunu minimal hesabla yenmişdi - 1:0.

Türkiyəyə hamıdan öncə yollanan “Zirə” isə Şimali Makedoniyanın “Breqalnitsa” komandası ilə üz-üzə gəlib. 1:1 hesabı ilə başa çatan oyunda “Zirə”nin heyətində David Volkov fərqlənib.   

Qeyd edək ki, “Zirə” ilk yoxlama görüşündə Macarıstan "Zeç"inə 3:5 hesabı ilə məğlub. İkinci oyununda isə “Qurnik”  (Leçna) ilə 2:2 hesablı heç-heçə edib.

Paylaş:
Baxılıb: 183 dəfə

Xəbər lenti

Hamısına bax

Sosial

İqtisadiyyat

Prezident bu gün

Prezident bu gün

28 May 10:15

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31