Heydər Əliyev
yeni azerbaycan logo

Ana səhifə / İdman / “Birinci oyun finala bərabərdir”

“Birinci oyun finala bərabərdir”

13.01.2022 [14:03]

“Avropa çempionatına tam heyətlə hazırlaşırıq. Vaxtımız da əvvəlki toplanışla müqayisədə çoxdur. Komanda üçün hər cür şərait yaradılıb. Artıq 5 məşq keçmişik, qarşıda isə 3 məşqimiz var”. “Yeni Azərbaycan” xəbər verir ki, bunu Azərbaycan futzal yığmasının baş məşqçisi Joze Alesio da Silva deyib.

Avropa çempionatının final mərhələsinin D qrupunda yer alan yığmamız Bosniya və Herseqovina, Gürcüstan və İspaniya ilə qarşılaşacaq. Komandamız yanvarın 19-dan fevralın 6-dək davam edəcək yarışa hazırlığını davam etdirir. Yanvarın 16-da Belçikaya yola düşəcəyik milli həmin ölkənin komandası ilə yoldaşlıq görüşü də keçirəcək.

Joze Alesio da Silva turnirdə ilk oyunun onlar üçün çox vacib olduğunu bildirib: “Birinci oyun finala bərabərdir. Gürcüstanla matçda qazanılacaq qələbə digər görüşlərə hazırlaşmaq və növbəti addımlar atmaq baxımından önəmli olacaq. Komandada atmosfer yaxşıdır. Fiziki baxımdan futzalçılar hazırdır. Ölkə xaricində çıxış edən oyunçularımız klublarında daim oynayırlar. Yerli çempionatdakı milli üzvləri isə yanvarın 5-dən fiziki hazırlıq keçiblər. Ciddi zədəsi olan futzalçımız yoxdur”.

Braziliyalı mütəxəssis ötən ilin oktyabr və noyabr aylarında planlaşdırdıqları yoxlama görüşlərinin koronavirus pandemiyasına görə baş tutmadığını söyləyib. O, yenə də komandasını qitə birinciliyinə hazır sayır: “Pandemiya ilə əlaqədar danışıq apardığımız komandaların bir neçəsi imtina etdi. Elə ölkə oldu ki, Bakıya dəvət etdik, amma gələ bilmədi. Ancaq yenə də final mərhələsində daha yaxşı nəticə qazanmaq üçün çalışacağıq. Çünki heyətimizdə elə futzalçılar var ki, bu yarış onların karyerasında sonuncu olacaq”.

Paylaş
Baxılıb: 96 dəfə

Xəbər lenti

Hamısına bax

Gündəm

Xəbər lenti

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31