Terrora qarşı mübarizədə birlik əsas vasitədir

Bakı:

21 °C

57 %

1 m/s

Əlaqə

AZ RU EN

Ana səhifə / Gündəm / Terrora qarşı mübarizədə birlik əsas vasitədir

Terrora qarşı mübarizədə birlik əsas vasitədir

30.07.2011 [14:48]

Zaman-zaman Azərbaycan xalqına qarşı qanlı terror aksiyaları həyata keçirən ermənilər tarixin fərqli dönəmlərində reallaşdırdıqları işğallar nəticəsində torpaqlarımıza sahibləniblər. ümumiyyətlə, terror Ermənistanda dövlət siyasəti səviyyəsində həyata keçirilir. Qeyd etmək yerinə düşər ki, ermənilər tərəfindən xalqımıza qarşı həyata keçirilən terror aktlarının tarixi XVIII əsrdən başlayır. İlk erməni terror təşkilatları “Hnçaq”, “Armenakam”, “Daşnaksütyun”dur. Və bu təşkilatların həyata keçirdiyi terrorun əsas hədəfi azərbaycanlılar olublar. Bir neçə gün öncə Tovuz rayonunda azyaşlı uşaqları hədəfə alan terror hadisəsinin xarakterinə nəzər saldıqda görürük ki, ermənilərin öz çirkin siyasətlərini davam etdirdikləri ortadadır.
Məlum olduğu kimi, erməni terrorunun başlıca məqsədini xəyali “Böyük Ermənistan” dövlətinin yaradılmasına mane olanlara qarşı mübarizə təşkil edir. Bu tendensiya isə müasir dövrümüzə qədər “inkişaf” edib. Bu gün Azərbaycanın 20 faizə qədər torpaqlarını işğal altında saxlayan, bir milyona yaxın soydaşımızı öz yurd-yuvalarından didərgin salan, onların hüquqlarını pozan, o cümlədən, beynəlxalq təşkilatların münaqişənin həlli ilə bağlı tələblərini yerinə yetirməyən Ermənistan bölgədə terror fəaliyyətini davam etdirir. Hazırda Ermənistanın siyasi rəhbərliyində təmsil olunan Serj Sarkisyanın, Seyran Ohanyanın, keçmiş prezident Robert Köçəryanın rəhbərliyi və bilavasitə iştirakı ilə həyata keçirilən Xocalı soyqırımı XX əsrin ən qanlı terror aksiyalarındandır. Bu isə bir daha erməni xislətini, erməni kimliyini ifşa edir, işğalçıların məkrli niyyətlərini aşkar şəkildə nümayiş etdirir.
Digər tərəfdən, 1999-cü ildə Ermənistan parlamentində baş verən hadisələr artıq terrorun bu dövlətin idarəçilik sisteminə də yol tapdığını göstərir. Bir neçə gün öncə bu ölkənin prezidenti Serj Sarkisyanın verdiyi sərsəm bəyanatlar isə Ermənistanın öz terror siyasətini davam etdirmək arzusunda olduğunu və hələ də başqa dövlətlərin ərazilərinə qarşı iddialar irəli sürdüyünü təsdiqləyir.
Azərbaycan isə hər zaman terrora qarşı olduğunu, həmçinin, bütün problemlərin sülh yolu ilə tənzimlənməsində maraqlı olduğunu nümayiş etdirib. Dağlıq Qarabağ münaqişəsinin həlli prosesində sülh danışıqlarına üstünlük verən və dünyada sülhyaratma əməliyyatlarında iştirak edən ölkəmiz terror hadisələrini qətiyyətlə pisləyir. Bunu, bir neçə gün öncə ölkəmizdə səfərdə olan Türkiyənin Baş naziri Rəcəb Tayyib Ərdoğanla birgə keçirdiyi mətbuat konfransında Azərbaycan Prezidenti İlham Əliyev deyib: “Biz terrorizmin bütün formalarını qətiyyətlə pisləyirik və tam əminik ki, terrorçuluğa, terrorizmə qarşı mübarizə ancaq o təqdirdə səmərə verə bilər ki, bütün dövlətlər öz səylərini birləşdirsinlər”.
Türkiyənin Baş naziri isə öz növbəsində dünyada terrora qarşı yalnız birlik vasitəsilə mübarizə aparmağın gərəkliyini bildirib: “Bütün bunlar bizə bir şeyi göstərir ki, biz dünyadakı bu hadisələr qarşısında əl-ələ verəcəyik. Türkiyənin bu məsələdəki sıxıntısı, inanıram ki, Azərbaycanın sıxıntısıdır. Azərbaycanın terrorla bağlı belə bir sıxıntısı olsa, bizim sıxıntımızdır. Əl-ələ verərək bu mərhələləri, inşallah, aşacağıq”.
Pərviz SADAYOÄžLU

Paylaş:

Baxılıb: 1087 dəfə