Heydər Əliyevin anadan olmasının 88 illiyinə töhfə

Bakı:

10 °C

93 %

4 m/s

Əlaqə

AZ RU EN

Ana səhifə / Gündəm / Heydər Əliyevin anadan olmasının 88 illiyinə töhfə

Heydər Əliyevin anadan olmasının 88 illiyinə töhfə

04.05.2011 [11:01]

Azərbaycan Milli Elmlər Akademiyasının həqiqi üzvü, akademik Qərib Məmmədovun Azərbaycan xalqının ümümmilli lideri Heydər Əliyevin anadan olmasının 88 illiyinə ithaf olunmuş “Azərbaycanda Aqrar islahatlar: Tənəzzüldən Ərzaq Təhlükəsizliyinə doğru” kitabı çap olunub. 6 fəsil 352 səhifədən ibarət olan kitabda Azərbaycan Respublikasında müstəqilliyə qədərki dövr ərzində, yəni ümummilli Liderimiz Heydər Əliyevin respublikamıza rəhbərlik etdiyi 1969-82-ci illərdə gördüyü böyük işlərin nəticəsi olaraq, 1993-2003 -cü illərdə Azərbaycanda dünyada analoqu olmayan torpaq islahatlarının uğurla həyata keçirilməsindən bəhs edilir. Eyni zamanda, həmin zaman kəsiyində imzalanmış çoxsaylı Fərman, Sərəncam və digər hüquqi normativ aktlar təqdim edilməklə Ulu öndərimizin yaratdığı hüquqi baza əsasında ölkəmizdə sosial-ədalət prinsiplərinə söykənən aqrar münasibətlərin formalaşması konkret faktlarla göstərilir.
Redaktoru tarix elmləri doktoru, professor Əli Həsənov olan kitabda Azərbaycanda həyata keçirilən torpaq islahatlarından söhbət açılır, bu islahatların elmi-hüquqi əsasları haqqında geniş məlumatlar verilir və təqdirəlayiq bir model olaraq xalq arasında deyildiyi kimi “Heydər Əliyev torpaq islahatları”nın nə qədər dərin elmi-təcrübi metodologiyaya qadir olduğu bir daha sübut edilir.
Kitabda istər 1969-82-ci, istərsə də 1993-2003-cü illərdə Ulu öndərimiz tərəfindən aqrar islahatlara dair qəbul edilmiş çoxsaylı Fərman, Sərəncam və digər hüquqi normativ aktların uğurlu nəticəsi olaraq cənab Prezident İlham Əliyevin 2003-cü ildən bu günə qədər davam etdirdiyi mahiyyət və məzmun baxımından heç də torpaq islahatından az əhəmiyyəti olmayan “Azərbaycan Respublikası regionlarının sosial-iqtisadi inkişafı Dövlət Proqramı (2004-2008-ci illər)”, “Azərbaycan Respublikasının 2009-2013-cü illərdə sosial-iqtisadi inkişafı Dövlət Proqramı”, “Azərbaycan Respublikasında (2008-2015-ci illər) əhalinin ərzaq məhsulları ilə etibarlı təminatına dair Dövlət Proqramı”nın hazırlanması və bu kimi digər dövlət əhəmiyyətli proqram və qanunların uğurla davam etdirilməsindən bəhs edilir.
Müəllif ölkəmizdə analoqu olmayan iqtisadi və sosial inkişafın hələ bundan sonra da yalnız möhtərəm Prezidentimiz İlham Əliyevin rəhbərliyi altında davamlı olacağını əvvəlcədən görən ümummilli liderimiz Heydər Əliyevin 1 oktyabr 2003-cü il tarixdə Azərbaycan xalqına son müraciətində “Mən ona özüm qədər inanıram” deməklə ölkəmizin və xalqımızın əbədi və xoş gələcəyini cənab İlham Əliyevə etibar etdiyindən qürurla söhbət açır.
“Azərbaycanda Aqrar islahatlar: Tənəzzüldən Ərzaq Təhlükəsizliyinə doğru” kitabı -
1. Müstəqilliyəqədərki dövrdə Azərbaycanda aqrar sahənin vəziyyəti;
2. Azərbaycanda torpaq islahatının siyasi və iqtisadi əsasları;
3. Azərbaycanda torpaq islahatının hüquqi məsələləri;
4. İlham Əliyevin Prezident kimi fəaliyyətə başlaması regionların sosial-iqtisadi inkişafının daha da yüksəlməsinə, torpaq-əkinçi münasibətlərində yeni mərhələyə yol açdı;
5. Azərbaycan dövlət torpaq kadastr sistemi dünya standartlarına cavab verir;
6. Qanunvericilikdəki dəyişikliklər torpaq üzərində hüquqi münasibətlərin şəffaflığını təmin edir - başlıqlı fəsillərdən ibarətdir.
Kitab ölkəmizin aqrar tarixi ilə maraqlananlar, bu sahədə elmi tədqiqat işləri ilə məşğul olmaq istəyən mütəxəssislər və elm xadimləri, o cümlədən, Ulu öndərin aqrar siyasəti və onun bu günkü nəticələri ilə tanış olmaq istəyən geniş oxucu kütləsi üçün nəzərdə tutulub.

Paylaş:

Baxılıb: 951 dəfə