Bakının barışdırıcı missiyası və geosiyasi dialoq təşəbbüsləri...

Bakı:

6 °C

93 %

10 m/s

Əlaqə

AZ RU EN

Ana səhifə / Gündəm / Bakının barışdırıcı missiyası və geosiyasi dialoq təşəbbüsləri...

Bakının barışdırıcı missiyası və geosiyasi dialoq təşəbbüsləri...

27.01.2022 [21:54]

Xəzər-Qara dəniz strateji xəttində anlaşma və uzlaşmanın təmin olunmasında müstəsna rola malikdir

Azərbaycan regional miqyaslı, qlobal xarakterli geostrateji missiya yerinə yetirir

Avrasiyanın ən önəmli strateji məntəqələrindən olan Xəzər-Qara dəniz geosiyasi hövzəsində qaynar proseslər və intensiv diplomatik trafik müşahidə edilir. Xüsusilə də, ABŞ ilə Rusiya arasında Ukrayna gərginliyinin artması, hərbi qarşıdurma ehtimalının güclənməsi diqqəti çoxtərəfli diplomatiyaya yönəldib. Bu prosesin fəal və təşəbbüskar qüvvələri qismində isə mühüm təsir mexanizmlərinə malik regional subyektlər çıxış edirlər.

Cənubi Qafqazın lider dövləti olan Azərbaycan konstruktiv, barışdırıcı məzmuna malik strateji diplomatiyası və xarici siyasət kursu ilə fərqlənir, çox mühüm təşəbbüslər və ideyalarla çıxış edir. Azərbaycan Prezidenti İlham Əliyevin yanvarın 14-də Ukraynaya işgüzar səfəri isə tarixinə, geosiyasi əhəmiyyətinə görə bu baxımdan xüsusi önəm daşıyır. Ekspertlərin də vurğuladıqları kimi, səfər Xəzər-Qara dəniz strateji xəttində və Avrasiya geosiyasətində diplomatik trafikin ən vacib və mühüm həlqələrindəndir. Daha sonra İlham Əliyev ilə Vladimir Putin arasında telefon danışığı zamanı Ukrayna probleminin müzakirə olunması isə göstərir ki, Azərbaycan Prezidenti regional təhlükəsizlik məsələlərində geosiyasi dialoqun təmin olunmasında müstəsna rol oynayır. Paralel olaraq Bakı ilə Ankaranın birgə təşəbbüsləri - geostrateji fəallığı bölgədə gərginliyin öz yerini anlaşma və uzlaşmaya verməsinə əlverişli şərait - dayanıqlı zəmin yaradır. Yeri gəlmişkən, Rusiya Prezidentinin sözçüsü Dmitri Peskov deyib ki, Vladimir Putin Türkiyəyə səfər edəcək. "Putin böyük məmnuniyyətlə Ərdoğanın dəvətini qəbul edib. Epidemioloji vəziyyət və iş qrafiki imkan verən kimi Putin Türkiyəyə səfər edəcək",-deyə o bildirib.

Prezident İlham Əliyev hər zaman deyir ki, ölkəmiz toqquşma deyil, əməkdaşlıq məkanıdır. Azərbaycan İkinci Qarabağ müharibəsində qələbə qazanmaqla həm də bütöv bir regionu - Cənubi Qafqazı sülh, sabitlik və əməkdaşlıq məkanına çevirmək istiqamətində həlledici addım atdı. Dövlət başçısının qeyd etdiyi kimi, Vətən müharibəsindən sonra yeni reallıqlar yaranıb. Azərbaycan kommunikasiyaların bərpası, Türkiyə ilə ortaq təşəbbüs əsasında "3+3" formatında yeni əməkdaşlıq platformasının yaradılması kimi istiqamətlərdə strateji fəallıq nümayiş etdirməklə regionda yeni düzən - nizam formalaşdırır. Üstəlik, bu geosiyasi fəaliyyət Cənubi Qafqazla məhdudlaşmır, bir çox dövlətlərin, o cümlədən güc mərkəzlərinin strateji maraqlarının olduğu regionları əhatə edir. Ukrayna böhranı fonunda Azərbaycan Prezidentinin dərin strateji diplomatiya siyasətinin Xəzər-Qara dəniz bölgəsində təhlükəsizliyin təmin olunmasını - sülhyaratma prosesini də əhatə etməsi ölkəmizin geosiyasi missiyasının regional miqyaslı, qlobal xarakterli olduğunu təsdiqləyir.

Nurlan QƏLƏNDƏRLİ

Paylaş:

Baxılıb: 1032 dəfə