Prezident İlham Əliyev Abşeron rayon İcra Hakimiyyətinin yeni inzibati binasının açılışında iştirak edib

Bakı:

13 °C

88 %

4 m/s

AZ RU EN

Ana səhifə / Gündəm / Prezident İlham Əliyev Abşeron rayon İcra Hakimiyyətinin yeni inzibati binasının açılışında iştirak edib

Prezident İlham Əliyev Abşeron rayon İcra Hakimiyyətinin yeni inzibati binasının açılışında iştirak edib

25.12.2009 [10:08]

Dünən Prezident İlham Əliyev və xanımı Mehriban Əliyeva Xırdalan şəhərində Abşeron rayon İcra Hakimiyyətinin yeni inzibati binasının açılışında iştirak ediblər.
Son illərdə Abşeron rayonunda aparılan genişmiqyaslı quruculuq işləri bu ilin 9 ayında da davam etdirilib. Rayon İcra Hakimiyyəti üçün inşa olunan yeni inzibati bina da bu prosesin tərkib hissəsidir. Böyük iqtisadi və sənaye potensialına malik olan Abşeron rayonunda son illərdə aparılan abadlıq işləri Xırdalan şəhəri də daxil olmaqla qəsəbə və kəndlərin inkişafında mühüm rol oynayır. Prospekt və küçələr boyunca yerləşən binaların və parkların müasir, zövqoxşayan forma və üslubda bərpası, yenidən qurulması işi davam etdirilir.
Cari ilin rayonda “Səhiyyə ili” elan edilməsi bu sahədə mühüm tədbirlərin həyata keçirilməsi ilə nəticələnib. Yeni məktəb binaları inşa olunub, sahibkarlığın inkişafına xüsusi diqqət yetirilib. Bu il rayonda 1000-ə yaxın yeni iş yeri açılıb. Dövlətimizin başçısının təşəbbüsü ilə ölkəmizin bütün bölgələrində həyata keçirilən quruculuq işləri Abşeronun da inkişafında mühüm nailiyyətlərlə müşahidə olunur. Regionların sosial-iqtisadi inkişafı Dövlət Proqramının icrası isə bu prosesə əlavə impuls verib.
Xırdalan şəhərində inşa olunmuş Abşeron rayon İcra Hakimiyyətinin yeni inzibati binasının açılışına gələn Prezident İlham Əliyevi və xanımı Mehriban Əliyevanı İcra Hakimiyyətinin əməkdaşları hərarətlə qarşılayıblar. Mehriban xanıma gül dəstələri təqdim olunub.
Abşeron rayon İcra Hakimiyyətinin başçısı Zakir Fərəcov dövlətimizin başçısına məlumat verib ki, dördmərtəbəli, xüsusi memarlıq üslubunda inşa olunan yeni inzibati binada əməkdaşların fəaliyyəti üçün hər cür şərait yaradılıb. Yeni binada Ulu öndərin büstü qoyulub, Heydər Əliyevin Abşeron rayonunun inkişafında göstərdiyi xidmətləri əks etdirən fotostend yaradılıb.
Prezident İlham Əliyev İcra Hakimiyyətindəki iş otaqlarında yaradılan şəraitlə tanış olub. Bildirilib ki, otaqların hamısı informasiya və kommunikasiya texnologiyaları, mebel və inventarla tam təchiz edilib. Binada müxtəlif tədbirlərin keçirilməsi üçün geniş akt zalı və digər müşavirə otaqları da var.
Bina ilə tanışlıqdan sonra dövlətimizin başçısı Abşeron rayon İcra Hakimiyyətinin kollektivi ilə görüşüb, onları təbrik edərək deyib: “Sağ olun, sizi bu gözəl binanın açılışı münasibətilə təbrik edirəm. Yaxşı işləmək üçün hər bir şərait vardır. Yaxşı işləmək və yeni ildə yeni uğurlara nail olmaq lazımdır. Sizi salamlayıram və qarşıdan gələn bayramlar münasibətilə təbrik edirəm. Sağ olun!”.

Paylaş:

Baxılıb: 1252 dəfə