"Yeni Azərbaycan"ın "Güclü dövlət naminə" təşviqat kampaniyası

Bakı:

6 °C

93 %

10 m/s

Əlaqə

AZ RU EN

Ana səhifə / Gündəm / "Yeni Azərbaycan"ın "Güclü dövlət naminə" təşviqat kampaniyası - 14 mart

"Yeni Azərbaycan"ın "Güclü dövlət naminə" təşviqat kampaniyası - 14 mart

16.03.2009 [09:16]

“Yeni Azərbaycan” təşviqat qrupu martın 18-də keçiriləcək ümumxalq səsverməsinin təşviqat kampaniyası çərçivəsində “Güclü dövlət naminə” devizi altında paytaxt Bakıda və ölkənin digər bölgələrində bir sıra görüşlər keçirib.
“Güclü dövlət naminə” təşviqat kampaniyası çərçivəsində Bakının Səbail, Nəsimi rayonlarında, Əzizbəyov rayonunun Şağan qəsəbəsində, Qaradağ rayonunun Müşfiqabad qəsəbəsində, Xırdalan şəhərində, Lerik rayonunun Şingədulan, Nüvədi, Siyov kəndlərində, Cəlilabad rayonunun Hamarqışlaq, Seyidbazar, Sabirabad kəndlərində, Hacıqabul rayonunun Padar, Pirsaat qəsəbələrində və Qarasu kəndində, İmişli şəhərində və rayonun Sarıxanlı, Boşçalılar, Xoşçobanlı kəndlərində, Neftçala rayonunun Xolqaraqaşlı, Xolqarabucaq, Qırşımızıkənd, Qaçaqkənd, Kürkənd, Yenikənd Yuxarı Qaramanlı, Cəngam kəndlərində, Qəbələ rayonunun Hacıallı, Böyük Əmili, Zarağan, Yenikənd kəndlərində, Xızı rayonunun Yeni Yaşma, Ağdərə, Məşədi Həsən, Qarabulaq kəndlərində, Dəvəçi şəhərində və rayonunun Sincanboyat, Hacıqaraqaşlı, çayqaraqaşlı kəndlərində, Quba şəhərində və rayonun Amsar kəndində, Ağsu rayonunun Ərəbmehdibəy, Xəlilli, Qəşəd, Ləngəbiz kəndlərində, İsmayıllı rayonunun Quşencə, Kürdmaşı, Hacıhətəmli, Mollaisaqlı kəndlərində, Göyçay şəhərində və rayonun Şəkər, Bığır, İnçə kəndlərində, Ağdaş şəhərində və rayonun Yenicə, Pirəcə, Kotavan kəndlərində, Ucar rayonunun Yuxarı Şilyan, Bərcüşad, Quləbənd kəndlərində, Zərbad rayonunun Bıçaqçı, Körpükənd, Məlikli, Qoruqbağı kəndlərində, Bərdə rayonunun Mehdili, Zümürxan, Kolayır kəndlərində, Yevlax şəhərində və rayonun Qaramanlı, Gülöyşə kəndlərində və Mingəçevir şəhərində seçicilərlə görüşlər keçirilib.
“Yeni Azərbaycan” referendum üzrə təşviqat qrupunun səlahiyyətli nümayəndələrindən, YAP İcra Katibinin müavini Mübariz Qurbanlı, YAP İdarə Heyətinin üzvlərindən MM-in deputatı Mixail Zabelin, Kərim Kərimov, MM-in komissiya sədrlərindən Eldar İbrahimov və Hadı Rəcəbli, MM-in deputatlarından Mirkazım Kazımov, Məlahət İbrahimqızı, Tahir Süleymanov, Ərəstun Cavadov, çingiz Əsədullayev, İlham Məmmədov, YAP GB-nın sədri Ramil Həsənov, təşviqat qrupunun vəkillərindən YAP İdarə Heyətinin üzvlərindən MM-in komissiya sədri Arif Rəhimzadə, MM-in deputatları Abel Məhərrəmov və Nizami Xudiyev, YAP Səbayel rayon təşkilatının sədri Zahid Qaralov və BDU-nun professoru Şahlar Əsgərov, MM-in deputatlarından Fəttah Heydərov, Əhəd Abıyev, Yaqub Mahmudov, Azərbaycan Dövlət Pedaqoji Universitetinin rektoru Yusif Məmmədov, Azərbaycan Müəllimlər İnstitutunun rektoru Aqiyə Naxçıvanlı, Azərbaycan Dövlət Pedaqoji Kollecinin rektoru Nurlana Əliyeva, Bakı Slavyan Universitetinin rektoru Kamal Abdullayev və başqaları keçirilən görüşlərdə iştirak ediblər.
İqtisadi cəhətdən güclü dövlətin vətəndaşı şərəflidir. Güclü dövlətin vətəndaşının hüquqları hər zaman qorunur və müdafiə olunur, onun hüquqları ölkə hüdudlarında olduğu kimi, ölkədən kənarda da hörmətlə qarşılanır.
İqtisadi qüdrəti olan dövlət öz vətəndaşlarının müdafiəsini və mənafeyini bütün parametrlər üzrə yüksək səviyyədə qura bilir. Azərbaycan 1993-cü ildən başlayan uzaqgörən və düşünülmüş siyasət, bu gün də həmin siyasi kursun Prezident İlham Əliyev tərəfindən layiqincə və uğurla davam etdirilməsi sayəsində öz sözünü həmişə deyə bilib. Bu mənada, Azərbaycan regionda öz sözü ilə seçilən bir ölkədir. Azərbaycan Respublikasının Konstitusiyasına da təklif olunan əlavə və dəyişikliklər, aparılan islahatlar ölkə vətəndaşlarının müdafiəsini və mənafeyini daha yüksək səviyyədə və daha etibarlı təminatını nəzərdə tutub.
Hüquqi dövlət olan Azərbaycan sivil, demokratik qanunlarla idarə olunur. Amma bütün qanunlar özlüyündə Ana Qanun əsasında yaranır. Yəni, Konstitusiya dövlətin siyasi, iqtisadi əsasını, dövlətin idarə formasını, vətəndaşların hüquq və azadlıqlarını, məhkəmə sistemini və s. sahələri əhatə edən ən ali sənəddir. Konstitusiya adətən, ümumxalq səsverməsi yolu ilə qəbul olunur. çünki bu ali sənəd konkret bir sahəni deyil, dövlətin ümumi idarəetmə formasını, hər birimizin maraq və mənafeyini əks etdirir. Bu baxımdan, Konstitusiya səsvermə hüququ olan seçicilərin ümumi razılığı əsasında, yəni səsvermə yolu ilə qəbul olunur. İnsanlar dövlətin idarəçilik formasına və bütövlükdə cəmiyyət həyatını təmzimləyən hüquqi münasibətlər barədə öz mövqelərini bildirməlidirlər.
Keçirilən hər bir görüşdə bildirilib ki, dövlət quruculuğunun inkişafı ilə bağlı qanunlarımıza dəyişikliklər ediriksə, buna müvafiq olaraq, Konstitusiyanın özünə əlavə və dəyişikliklərin edilməsi zərurəti ortaya çıxır. Konstitusiyaya əlavə və dəyişliklərlə bağlı İlk Referendumun 2002-ci ilin avqustunda keçirildiyini xatırladan görüş iştirakçıları qeyd ediblər ki, həmin vaxtdan ötən dövr ərzində ölkəmizin bütün parametrlər üzrə inkişafında mühüm dəyişikliklər baş verib. Azərbaycan bir sıra beynəlxalq konvensiyalara qoşulub. Həmin sənədlərin müstəqil dövlətmizin üzərinə qoyduğu öhdəliklər Azərbaycan Konstitusiyasında da uyğun dəyişikliklərin edilməsini vacib edib.
Konstitusiyaya təklif olunan əlavə və dəyişikliklərlə bağlı ümumxalq səsverməsinin təşviqat kampaniyası çərçivəsində, martın 14-də “Yeni Azərbaycan” təşviqat qrupunun səlahiyyətli nümayəndələrinin və vəkillərinin iştirakı ilə keçirilən görüşlərdə geniş maarifləndirici və izahetmə işləri həyata keçirilib.
Görüşlərdə qeyd olunub ki, ölkəmizin son illər sürətli və dinamik inkişafı, demokratik inkişaf sahəsində əldə edilmiş uğurlar Konstitusiyaya yeni əlavələr və dəyişikliklər edilməsi zərurətini ortaya çıxarıb. Referenduma çıxarılmış əlavə və dəyişikliklər insan hüquq və azadlıqlarının təminatını və müdafiəsini daha da genişləndirəcək və sosial ədalət prinsiplərinin kifayət qədər təkmilləşdirilməsinə gətirib çıxaracaq.
Konstitusiyaya təklif olunan əlavə və dəyişiklərin əsas mahiyyəti barədə seçicilərə məlumat verilməsi və onlarda Konstitusiya aktının məqsədi və məramı barədə ətraflı təsəvvür yaradılması şəffaflığı təmin edən başlıca amillərdəndir. “Güclü dövlət naminə” devizi altında təşviqat kampaniyası aparan “Yeni Azərbaycan” təşviqat qrupu da məhz bu məqsədlə Konstitusiyaya təklif olunan əlavə və dəyişiklərin ümumxalq və dövlətçilik mənafeyinə xidmət etdiyini seçicilərin nəzərinə çatdırır.

Paylaş:

Baxılıb: 1357 dəfə