Düşənbədə su ehtiyatlarına həsr olunmuş beynəlxalq konfrans keçiriləcək

Bakı:

24 °C

56 %

0 m/s

Əlaqə

AZ RU EN

Ana səhifə / Dünya / Düşənbədə su ehtiyatlarına həsr olunmuş beynəlxalq konfrans keçiriləcək

Düşənbədə su ehtiyatlarına həsr olunmuş beynəlxalq konfrans keçiriləcək

21.05.2026 [20:42]

Mayın 25-dən 28-dək Düşənbədə 2018-2028-ci illər üçün “Davamlı inkişaf naminə su” Beynəlxalq Fəaliyyət Onilliyi üzrə Dördüncü Beynəlxalq Yüksək Səviyyəli Konfrans keçiriləcək.

AZƏRTAC xəbər verir ki, bu tədbir Tacikistan hökumətinin “Davamlı inkişaf naminə su” Beynəlxalq Fəaliyyət Onilliyinin məqsədlərinin həyata keçirilməsini dəstəkləməyə yönəlmiş təşəbbüsü olan Düşənbə Su Prosesinin bir hissəsidir. Proses çərçivəsində konfranslar Birləşmiş Millətlər Təşkilatı ilə əməkdaşlıq şəraitində hər iki ildən bir keçirilir.

Qarşıdan gələn konfransın əsas məqsədi BMT Su Konfransının Fəaliyyət üçün Su Gündəliyində qeyd olunmuş könüllü öhdəliklərin həyata keçirilməsi məqsədilə kollektiv səyləri stimullaşdırmaq, yeni tərəfdaşlıqları dəstəkləmək və 2030-cu il Davamlı İnkişaf Gündəliyinin məqsədlərinə çatmaq istiqamətində fəaliyyətləri sürətləndirməkdir.

Tacikistanın xarici işlər naziri Sirociddin Muhriddin beynəlxalq ictimaiyyətə müraciətində suyun təkcə təbii sərvət deyil, həm də həyatın təməlidir, insanları, iqtisadiyyatı, qida sistemlərini, enerjini, sağlamlığı və rifahı birləşdirir.

O, dünyanın artan su problemləri, o cümlədən dağıdıcı daşqınlar, quraqlıqlar, su çatışmazlığı, şirin su sistemlərinin çirklənməsi və iqlim dəyişikliyinin yaratdığı buzlaqların sürətlə əriməsi problemləri ilə üzləşdiyini qeyd edib. Nazir su sektorunda qlobal əməkdaşlığın müasir dövrdə daha aktual olduğunu vurğulayıb.

Sirociddin Muhriddin, həmçinin Düşənbə Su Prosesinin dialoq, əməkdaşlıq və praktik fəaliyyət üçün vacib qlobal platformaya çevrildiyini qeyd edib. O, hökumətləri, beynəlxalq və regional təşkilatları, maliyyə qurumlarını, akademik dairələri, vətəndaş cəmiyyətini, gəncləri, özəl sektoru və digər maraqlı tərəfləri Düşənbədə keçiriləcək konfransda iştiraka dəvət edib. Konfrans Seneqal və Birləşmiş Ərəb Əmirlikləri tərəfindən birgə keçiriləcək 2026-cı il BMT Su Konfransı üçün əsas hazırlıq tədbiri olacaq.

Forumlar və əlavə tədbirlər konfransın rəsmi açılışından bir gün əvvəl, mayın 25-də keçiriləcək. Tədbirin rəsmi açılışı və əsas müzakirələri isə mayın 25-27-sində Düşənbədə baş tutacaq. Tacikistanın su ehtiyatlarının idarə olunması sahəsində təcrübəsini öyrənmək üçün beynəlxalq iştirakçıların mayın 27-28-də sahə səfərləri və təlim turları planlaşdırılır.

Düşənbə Su Prosesinin bir hissəsi olaraq, əvvəllər “Davamlı inkişaf naminə su” Beynəlxalq Fəaliyyət Onilliyi çərçivəsində 2018, 2022 və 2024-cü illərdə üç yüksək səviyyəli konfrans keçirilib.

Paylaş:

Baxılıb: 294 dəfə