Heydər Əliyev
yeni azerbaycan logo

Ana səhifə / Dünya / Media: ABŞ-ın iki qırıcı təyyarəsi Venesuelanın hava məkanına daxil olub

Media: ABŞ-ın iki qırıcı təyyarəsi Venesuelanın hava məkanına daxil olub

10.12.2025 [20:49]

ABŞ-a məxsus iki ədəd F-18 qırıcı təyyarəsi çərşənbə axşamı Venesuelanın hava məkanına daxil olub və orada təxminən 40 dəqiqə dövrə vurub.

AZƏRTAC xəbər verir ki, “Miami Herald” qəzetinin məlumatına görə, döyüş təyyarələri Marakaybo gölü üzərindən, təxminən 25 min fut (təxminən 7 min 500 metr) hündürlükdən uçub.

Gölün yaxınlığında yerləşən Suliya və Falkon şəhərləri Venesuelanın enerji sektoru üçün vacib bölgələrdir. Burada təxminən 150 milyard barel xam neft yataqları yerləşir.

Döyüş təyyarələri, həmçinin Venesuelanın ikinci ən böyük şəhəri Marakayboya və Hərbi Hava Qüvvələrinin “Rafael Urdaneta” aviabazasına 100 mil (təxminən 160 kilometr) yaxınlaşıb.

Qeyd edək ki, Vaşinqton Venesuela hakimiyyətini narkotik vasitələrin qanunsuz dövriyyəsi ilə kifayət qədər mübarizə aparmamaqda ittiham edir. Ağ Ev Venesuela Prezidenti Nikolas Maduronu narkotik kartellərdən birinin lideri olmaqda günahlandırır.

Hazırda ABŞ Hərbi Dəniz Qüvvələri narkotiklərin qanunsuz dövriyyəsi ilə mübarizə bəhanəsi ilə “USS Gerald R. Ford” təyyarədaşıyan gəmisinin başçılıq etdiyi zərbə qrupunu, atom sualtı qayığını və 16 mindən çox hərbçini Karib dənizinə yerləşdirib.

ABŞ mediası Birləşmiş Ştatların tezliklə Venesueladakı narkotik kartellərinə qarşı hərbi əməliyyatlara başlaya biləcəyini yazır.

Paylaş:
Baxılıb: 266 dəfə

Xəbər lenti

Hamısına bax

Sosial

İqtisadiyyat

Siyasət

Analitik

Dünya

Analitik

İranda gərginlik

13 Yanvar 09:11  

Sosial

Yeni ilin “köhnəsi”

13 Yanvar 08:38  

YAP xəbərləri

Enerji siyasəti

12 Yanvar 22:32

YAP xəbərləri

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31