Heydər Əliyev
yeni azerbaycan logo

Ana səhifə / Daxili siyasət / 20 Yanvar faciəsinin ildönümü Xarici İşlər Nazirliyində qeyd olunub

20 Yanvar faciəsinin ildönümü Xarici İşlər Nazirliyində qeyd olunub

17.01.2018 [10:18]

Yanvarın 16-da Azərbaycan Respublikası Xarici İşlər Nazirliyində (XİN) 20 Yanvar faciəsinin növbəti ildönümünə həsr olunmuş anım mərasimi keçirilib.
AZƏRTAC xəbər verir ki, əvvəlcə mərasim iştirakçıları Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin xatirəsini bir dəqiqəlik sükutla yad ediblər.
Anım mərasimində çıxış edən Xarici İşlər Nazirliyinin mətbuat xidmətinin rəhbəri Hikmət Hacıyev 20 Yanvar faciəsinin səbəb və nəticələri haqqında məlumat verib. O bildirib ki, 20 Yanvar hadisələri faciəvi olsa da milli dövlətçiliyimizin bərpasında və milli dövlətçiliyimizə gedən yolda çox önəmli xarakter daşıyır. Azərbaycanın xarici siyasətinin əsas vəzifələrindən biri də 20 Yanvar faciəsinin beynəlxalq ictimaiyyətə çatdırılması, dünya informasiya məkanında bu faciənin əsl həqiqətlərinin üzə çıxarılmasıdır. 20 Yanvar faciəsi həm də Azərbaycan tarixində bir qürur mənbəyidir.
Hikmət Hacıyev təəssüf hissi ilə qeyd edib ki, 20 Yanvar faciəsi indiyədək öz layiqli beynəlxalq hüquqi-siyasi qiymətini almayıb. Bu da Azərbaycana qarşı həyata keçirilən ikili standartlar kampaniyasının bir tərkib hissəsidir.
XİN-in mətbuat katibi deyib ki, 20 yanvar faciəsi 1988-ildə Ermənistanda azərbaycanlılara qarşı başlayan etnik təmizləmə siyasətinin, Xocalı faciəsinin və Azərbaycan torpaqlarının işğalının tərkib hissəsidir. Sovet ordusu bu faciəni törədərkən Əfqanıstanda iştirak etmiş heyətdən və ermənilərdən istifadə edib. Onlar hücuma Əfqanıstan əməliyyatı kontekstində rəng verməyə çalışırdılar.
Xarici İşlər Nazirliyinin kadrlar idarəsinin müavini Vüqar Hacıyev bildirib ki, çoxsaylı qurbanlara baxmayaraq, 20 Yanvar hadisələri Azərbaycan tarixinin parlaq bir nümunəsi, Azərbaycan xalqının azadlıq və ərazi bütövlüyü uğrunda mübarizə tarixinin şanlı səhifələrindən biridir. Azadlıq uğrunda mübarizə aparan 20 Yanvar faciəsi qurbanlarının xatirəsi xalqımızın qəlbində yaşayır və daim yaşayacaq.

Paylaş
Baxılıb: 1228 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30