Baş nazirin müavini Əli Həsənov Yasamal və Abşeron rayonlarında məcburi köçkünlərlə görüşüb

Bakı:

7 °C

87 %

7 m/s

AZ RU EN

Ana səhifə / Daxili siyasət / Baş nazirin müavini Əli Həsənov Yasamal və Abşeron rayonlarında məcburi köçkünlərlə görüşüb

Baş nazirin müavini Əli Həsənov Yasamal və Abşeron rayonlarında məcburi köçkünlərlə görüşüb

26.09.2014 [09:39]

Sentyabrın 25-də Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov Yasamal rayonu ərazisindəki Qanlı göl ətrafında məskunlaşan və sentyabrın 8-də səhər saatlarında Abşeron rayonunun Xırdalan şəhərindəki tikintisi yarımçıq qalmış beşmərtəbəli yaşayış binasında baş vermiş partlayış nəticəsində evləri dağılmış məcburi köçkün ailələri üçün müvəqqəti olaraq ərazidə Fövqəladə Hallar Nazirliyi tərəfindən quraşdırılmış çadırlarda yerləşdirilmiş məcburi köçkünlərlə görüşüb.
Qaçqınların və Məcburi Köçkünlərin İşləri üzrə Dövlət Komitəsinin mətbuat xidmətindən AzərTAc-a bildiriblər ki, əvvəlcə Qanlı göl ətrafında məskunlaşan məcburi köçkünlərlə görüşən Əli Həsənov Bakı şəhərinin baş planına əsasən bu ərazinin də tam abadlaşdırılması nəzərdə tutulduğundan burada məskunlaşan məcburi köçkünlərin yaxın günlərdə onlar üçün Yasamal rayonu ərazisində tikilmiş binaya köçürüləcəklərini diqqətə çatdırıb.
Məcburi köçkünlərlə görüşdə, həmçinin onların bir sıra problemləri dinlənilib, narahatlıq doğura biləcək məsələlərə hərtərəfli aydınlıq gətirilib.
Baş nazirin müavini Əli Həsənov bildirib ki, Azərbaycan Respublikasının Prezidenti İlham Əliyev Ermənistan-Azərbaycan, Dağlıq Qarabağ münaqişəsi nəticəsində doğma yurdlarından didərgin düşmüş qaçqın və məcburi köçkünlərə kifayət qədər diqqət və qayğı göstərir, onların problemlərinin həlli istiqamətində ardıcıl olaraq müvafiq qərarlar qəbul edilir.
Görüşdə əraziləri işğal olunmuş rayonların icra hakimiyyətlərinin başçıları da iştirak ediblər.
Sonra Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov Abşeron, Qubadlı, Zəngilan, Füzuli və Cəbrayıl rayon icra hakimiyyətlərinin başçıları ilə birlikdə Xırdalan şəhəri ərazisində FNH tərəfindən qurulmuş çadırlardakı vəziyyətlə yerində tanış olub, müvafiq tapşırıq və tövsiyələrini verib.
Əli Həsənov, həmçinin qeyd edib ki, hazırda partlayış olan binanın iki blokunda təmir-bərpa işləri davam etdirilir. Tezliklə həmin iki blokdan köçürülən məcburi köçkünlər öz yerlərinə qaytarılacaqlar. Partlayış nəticəsində tam yararsız hala düşmüş digər bir blokun sakinləri isə yaxın vaxtlarda yeni mənzillərlə təmin olunacaqlar.
Baş nazirin müavini Əli Həsənov onların nəzərinə çatdırıb ki, baş vermiş hadisə nəticəsində yaranmış vəziyyət ilk gündən Prezident İlham Əliyevin diqqət mərkəzindədir.
Qeyd edək ki, ərazidə tibb məntəqəsi, yeməkxana və digər zəruri xidmət məntəqələrinin normal fəaliyyəti üçün hərtərəfli şərait yaradılıb, onlar zəruri avadanlıqla təchiz ediliblər. Məcburi köçkünlərin gündəlik tələbat mallarına ehtiyaclarının təmin olunması üçün müvafiq tədbirlər həyata keçirilib. Həmçinin onlar gündə üç dəfə isti yeməklə və digər zəruri ərzaq məhsulları ilə, yataq dəstləri ilə, digər avadanlıqla da təmin ediliblər.
Məcburi köçkünlər baş vermiş bu faciəvi hadisə ilə əlaqədar yaranmış çətinliklərin aradan qaldırılması istiqamətində dərhal və operativ surətdə atılan addımlara görə Azərbaycan Prezidentinə minnətdarlıqlarını bildiriblər.

Paylaş:

Baxılıb: 1431 dəfə