Yeni reallıqlardan irəli gələn hədəflər uğurla reallaşdırılır

Bakı:

24 °C

94 %

4 m/s

Əlaqə

AZ RU EN

Ana səhifə / Arxiv / Yeni reallıqlardan irəli gələn hədəflər uğurla reallaşdırılır

Yeni reallıqlardan irəli gələn hədəflər uğurla reallaşdırılır

10.09.2026 [12:12]

Sentyabrın 9-da Yeni Azərbaycan Partiyası (YAP) Ağdaş rayon təşkilatının IX konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət olunub, önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

YAP Ağdaş rayon təşkilatının sədri Əlişah Rəcəbov hesabat məruzəsi ilə çıxış edərək bildirib ki, Ulu Öndər Heydər Əliyevin müəyyən etdiyi inkişaf yolu Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyev tərəfindən böyük əzmkarlıq və ardıcıllıqla davam etdirilir. Vurğulanıb ki, YAP Ağdaş rayon təşkilatı fəaliyyətində Ulu Öndər Heydər Əliyevin zəngin siyasi irsinin, dövlətçilik fəlsəfəsinin və milli ideyalarının təbliğinə, Prezident İlham Əliyevin rəhbərliyi ilə həyata keçirilən dövlət siyasətinin mahiyyətinin ictimaiyyətə çatdırılmasına xüsusi əhəmiyyət verir.

Ağdaş Rayon İcra Hakimiyyətinin başçısı Orxan Hüseynzadə çıxış edərək diqqətə çatdırıb ki, Yeni Azərbaycan Partiyası ölkəmizin ictimai-siyasi həyatında müstəsna rola malik olan, xalqımızın böyük etimadını qazanan siyasi qüvvədir: “Yeni Azərbaycan Partiyasının keçdiyi şərəfli yol müasir Azərbaycanın uğur salnaməsinin mühüm hissəsidir”.

YAP İdarə Heyətinin üzvü Amin İsmayılov isə bildirib ki, prinsipləri, amalları milli mənafelərə əsaslanan, təməli sağlam olan, daim Azərbaycan xalqının maraqlarını müdafiə edən Yeni Azərbaycan Partiyası bundan sonra da Azərbaycanın ictimai-siyasi həyatında fəal iştirak edəcək və ölkəmizin strateji hədəflərinə çatmasına öz töhfəsini verəcəkdir.

Çıxış edən YAP Mərkəzi Aparatının Təşkilat şöbəsinin baş məsləhətçisi Fəsli Nəbiyev xalqımızın Prezident, Yeni Azərbaycan Partiyasının Sədri İlham Əliyevin ətrafında sıx birləşərək qarşıda duran strateji hədəflərin reallaşdırılması naminə həmrəylik nümayiş etdirdiyini diqqətə çatdırıb. Onun sözlərinə görə, Ulu Öndər Heydər Əliyevin dövlətçilik irsinin gənc nəslə aşılanması, eləcə də Prezident, Yeni Azərbaycan Partiyasının Sədri İlham Əliyevin rəhbərliyi ilə həyata keçirilən strateji kursun cəmiyyətdə geniş təbliği fəaliyyətin prioritet istiqamətləridir. O bildirib ki, partiyanın VII qurultayından sonra yerli strukturların iş mexanizminin effektivliyinin artırılması məqsədilə ardıcıl addımlar atılıb.

Tədbirdə Rabitə işçiləri ərazi partiya təşkilatının sədri Nicat Heydərov, Mərkəzi Aran Regional Mədəniyyət idarəsi ərazi partiya təşkilatının sədr müavini Turanə Şıxalıyeva və partiyanın gənc fəalı Nəzrin Hüseynzadə çıxış ediblər.

Konfransda YAP Ağdaş rayon təşkilatının hesabat dövründəki fəaliyyəti qənaətbəxş hesab edilib və Yeni Azərbaycan Partiyasının VIII qurultayına nümayəndələr seçilib.

Tədbir Yeni Azərbaycan Partiyasının Himninin səsləndirilməsi ilə başa çatıb.

Paylaş:

Baxılıb: 435 dəfə