YAP Tərtər Rayon Təşkilatının inzibati binasında tədbir keçirilib

Bakı:

26 °C

61 %

9 m/s

Əlaqə

AZ RU EN

Ana səhifə / Arxiv / YAP Tərtər Rayon Təşkilatının inzibati binasında tədbir keçirilib

YAP Tərtər Rayon Təşkilatının inzibati binasında tədbir keçirilib

14.07.2026 [14:05]

14 iyul – Ulu Öndər Heydər Əliyevin Azərbaycanda siyasi hakimiyyətə gəlişinin ildönümü münasibəti ilə Yeni Azərbaycan Partiyası Tərtər rayon təşkilatı və Tərtər Rayon İcra Hakimiyyətinin birgə təşkilatçılığı ilə YAP Tərtər Rayon Təşkilatının inzibati binasında tədbir keçirilmişdir.

Əvvəlcə Ulu Öndər Heydər Əliyevin və Azərbaycanın ərazi bütövlüyü, suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilmiş, Azərbaycan Respublikasının Dövlət Himni səsləndirilmişdir.

Tədbiri giriş sözü ilə açan YAP Tərtər rayon təşkilatının sədr müavini Azər Ağayev bildirmişdir ki, XX yüzilliyin 60-cı illərinin sonunda Heydər Əliyevin doğma xalqa həsr olunmuş ömür yolunda yeni, daha geniş, çoxşaxəli, qaynar fəaliyyət dövrü başlandı. 1969-cu ildə Azərbaycan SSR-də həyatın bütün sahələrində dərin tənəzzülün hökmranlıq etdiyi bir şəraitdə Heydər Əliyev Azərbaycan Kommunist Partiyası Mərkəzi Komitəsinin Birinci katibi seçildi və ölkənin ali idarəçilik sükanı arxasına keçdi. Bununla, Sovet Azərbaycanının tarixində böyük dönüş dövrü başlandı. Tarixi inkişafın sonrakı gedişi sübut etdi ki, bugünkü yeni, müstəqil Azərbaycanı Heydər Əliyev hələ o zaman qurmağa başlamışdı.
Sovet rejiminin bütün xüsusiyyətlərinə dərindən bələd olan və zəngin idarəçilik təcrübəsi qazanmış Heydər Əliyev Azərbaycanı düşmüş olduğu çox ağır vəziyyətdən çıxarmaq üçün qəti addımlar atmağa başladı. O, dahiyanə uzaqgörənliklə, dərindən ölçüb-biçərək ölkənin uzunmüddətli, dinamik və hərtərəfli inkişafını təmin edən kompleks inkişaf proqramları hazırlatdı və dərhal onların icrasına başlandı. Xalq ilk addımlarındanca Heydər Əliyevi rəğbətlə qarşıladı, onu sevdi və arxasınca getdi. Azərbaycan xalqının tarixində Heydər Əliyev dövrü başlandı.

Çıxış edən Tərtər Rayon İcra Hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev 1969-cu il 14 iyul tarixi Azərbaycanın müasir inkişaf yolunun başlanğıcı kimi tarixə düşmüşdür. Ulu Öndər Heydər Əliyevin respublikaya rəhbər seçilməsi ilə ölkənin bütün sahələrində genişmiqyaslı islahatlara başlanılmış, iqtisadiyyatın, elm, təhsil, mədəniyyət və sənayenin inkişafı üçün möhkəm təməl yaradılmışdır. Qeyd olunmuşdur ki, məhz həmin dövrdə formalaşdırılan inkişaf strategiyası sonrakı illərdə Azərbaycanın müstəqilliyinin möhkəmlənməsində mühüm rol oynamışdır.

Sonra Tərtər Aqrar İnkişaf Mərkəzinin sektor müdiri Tural Həsənov, rayon Mərkəzi Xəstəxananın həkimi Lütfiyyə Bağırova və Heydər Əliyev Mərkəzinin bələdçisi Əzizə Kərimova Ümummilli Lider Heydər Əliyevin zəngin dövlətçilik irsindən bəhs edərək qeyd etmişlər ki, xalqımızın taleyində əvəzsiz xidmətləri olan dahi şəxsiyyətin müəyyən etdiyi inkişaf yolu bu gün Azərbaycan Prezidenti cənab İlham Əliyev tərəfindən uğurla davam etdirilir. Bildirilmişdir ki, ölkəmizdə əldə olunan mühüm nailiyyətlər, ərazi bütövlüyümüzün və suverenliyimizin tam bərpa olunması Ulu Öndərin siyasi kursunun uğurlu davamının bariz nümunəsidir.

Çıxışlarda vurğulanmışdır ki, Ümummilli Lider Heydər Əliyevin xalqımıza bəxş etdiyi dövlətçilik ideyaları, milli həmrəylik prinsipləri və uzaqgörən siyasəti hər zaman Azərbaycan dövlətinin inkişafına xidmət edəcək, gələcək nəsillər üçün etibarlı yol göstəricisi olaraq qalacaqdır.

Sonda tədbir iştirakçıları Ulu Öndərin zəngin siyasi irsinin öyrənilməsi və təbliğinin hər bir vətəndaşın müqəddəs borcu olduğunu qeyd etmişlər.

Paylaş:

Baxılıb: 288 dəfə