“15 İyun – Azərbaycan dövlətçiliyinin xilas günü” mövzusunda tədbir təşkil keçirilib

Bakı:

25 °C

65 %

2 m/s

Əlaqə

AZ RU EN

Ana səhifə / Arxiv / “15 İyun – Azərbaycan dövlətçiliyinin xilas günü” mövzusunda tədbir təşkil keçirilib

“15 İyun – Azərbaycan dövlətçiliyinin xilas günü” mövzusunda tədbir təşkil keçirilib

10.06.2026 [14:03]

Yeni Azərbaycan Partiyası (YAP) Tərtər rayon təşkilatının Gigiyena və Epidemiologiya Mərkəzi ərazi partiya təşkilatında 15 İyun – Milli Qurtuluş Günü münasibətilə “15 İyun – Azərbaycan dövlətçiliyinin xilas günü” mövzusunda tədbir təşkil keçirilib.

Tədbir başlamazdan əvvəl müasir müstəqil Azərbaycan dövlətinin qurucusu, ümummilli lider Heydər Əliyevin və ölkəmizin ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Tərtər rayon təşkilatının əməkdaşı Gündüz Alıkişiyev 15 İyun tarixinin Azərbaycanın ictimai-siyasi həyatındakı müstəsna əhəmiyyətindən, ümummilli lider Heydər Əliyevin xilaskarlıq missiyasından və dövlətçiliyimizin qorunub saxlanılmasındakı tarixi xidmətlərindən bəhs edib. Qeyd edib ki, 1993-cü ilin iyununda ölkədə baş qaldıran dərin siyasi və iqtisadi böhran, vətəndaş müharibəsi təhlükəsi Azərbaycanı müstəqilliyini itirmək həddinə gətirmişdi. Belə bir çətin məqamda xalqın təkidli xahişi və tələbi ilə ulu öndər Heydər Əliyevin hakimiyyətə qayıdışı ölkəni parçalanmaqdan və məhv olmaqdan xilas etdi. Məhz ümummilli liderin cəsarəti, müdrikliyi və uzaqgörən siyasəti sayəsində ölkədə daxili sabitlik bərqərar olundu, dövlətçilik ənənələri bərpa edildi və Azərbaycanın beynəlxalq aləmdə nüfuzu sürətlə artmağa başladı. Gündüz Alıkişiyev bu gün Ulu Öndərin siyasi kursunun Prezident İlham Əliyev tərəfindən uğurla davam etdirildiyini, bu siyasət nəticəsində Azərbaycanın öz ərazi bütövlüyünü tam bərpa edərək qüdrətli bir dövlətə çevrildiyini xüsusi vurğulayıb.

Gigiyena və Epidemiologiya Mərkəzi ərazi partiya təşkilatının sədri İntiqam Mustafayev çıxış edərək, Milli Qurtuluş Gününün xalqımızın tarixindəki rolunu yüksək qiymətləndirib və bu günün dövlətçiliyimizin möhkəmlənməsindəki tarixi dönüş nöqtəsi olduğunu vurğulayıb.

Daha sonra ərazi partiya təşkilatının üzvləri Aytəkin Əliyeva , İradə Həmidova, Aytən Nəcəfli və Şəhanə Ocaqverdiyeva çıxış edərək 15 İyunun milli yaddaşımızdakı yeri, qazanılan uğurlar və partiyamızın ölkəmizin inkişafındakı rolu ilə bağlı fikirlərini bölüşüblər. Qeyd etdilər ki, Milli Qurtuluş Gününün bəxş etdiyi tarixi sabitlik sayəsində ölkəmiz bu gün Müzəffər Ali Baş Komandan İlham Əliyevin rəhbərliyi ilə öz suverenliyini tam bərpa etmiş güclü bir dövlətdir. Partiya üzvləri bu siyasi xəttə hər zaman sadiq qalacaqlarını və dövlətin tərəqqisi naminə var qüvvələri ilə çalışacaqlarını bildiriblər.

Paylaş:

Baxılıb: 263 dəfə