Enerji təhlükəsizliyi müasir dünyanın strategiyasıdır

Bakı:

26 °C

51 %

4 m/s

Əlaqə

AZ RU EN

Ana səhifə / Arxiv / Enerji təhlükəsizliyi müasir dünyanın strategiyasıdır

Enerji təhlükəsizliyi müasir dünyanın strategiyasıdır

04.06.2026 [19:05]

Azərbaycan Respublikasının Prezidenti İlham Əliyev 2026-cı il 1 iyun tarixində Bakı Enerji Həftəsinin rəsmi açılış mərasimində çıxışı edib. Çıxış zamanı Prezident qeyd etdi ki,enerji təhlükəsizliyi məsələsi müasir beynəlxalq münasibətlər sistemində ən mühüm məsələlərdəndir. Enerji təhlükəsizliyi artıq yalnız iqtisadi problem deyil, eyni zamanda milli təhlükəsizlik, siyasi sabitlik və beynəlxalq sistemin əsas sütunlarından biridir. Dünyada və enerji bazarındakı dəyişikliklər və artan enerji tələbatı təhlükəsizlik məsələlərini daha da aktual edir.

Dövlət başçısının çıxışında Azərbaycanın beynəlxalq enerji bazarında səlahiyyətli kimi mühüm mövqe qazandığını diqqətə çatdırdı. Dövlət başçısı bildirilmişdir ki, dövlətin uzun illər ərzində yürütdüyü uğurlu enerji siyasəti ölkəmizi əsas enerji mərkəzlərindən birinə çevirmişdir. Xüsusilə qaz layihələrinin həyata keçirilməsi, yeni ixrac marşrutlarının yaradılması və enerji təchizatının artırılması Azərbaycanın dünya bazarındakı rolunu daha da artırdı. Prezident İlham Əliyev bildirmişdir ki, Azərbaycan enerji layihələrinin icrasının hər bir zaman kəsiyində, uzunmüddətli əməkdaşlıq prinsiplərinə sadiq qalmışdır.

Çıxış zamanı Prezident enerji təhlükəsizliyinin yalnız enerji mənbələrinin mövcudluğu ilə deyil, həm də onların təhlükəsizliyi, dayanıqlı şəkildə dünya bazarına çatdırılması ilə bağlı olduğu bildirmişdir. Dövlət başçısı Cənub Qaz Dəhlizi layihəsinin Avropanın enerji ilə təmin edilməsində mühüm rol oynadığını vurğulamışdır. Bu layihələr həm region arasında əlaqələr gücləndirir, həm də qlobal enerji təhlükəsizliyinə mühüm töhfə verir.

Prezident İlham Əliyev müasir iqtisadi siyasətin təhlükəsizliyinə də toxunmuşdur. Bildirmişdir ki, dünyada iqlim dəyişiklikləri, ekoloji inkişaf və karbon emissiyalarının azaldılması məsələləri alternativ enerji mənbələrinin inkişafına təsir edir. Azərbaycan da bu qlobal çağırışlara uyğun olaraq yaşıl enerji strategiyasını inkişaf etdirir. Ölkəmizdə günəş və külək enerjisi sahəsində iri layihələrin həyata keçirilməsi, xarici investorların cəlbi və “yaşıl enerji zonaları”nın yaradılması bu görülən işlərinin mühüm hissəsidir. Prezident qeyd edib ki, Azərbaycanın yalnız güclü enerji resurslarının ixracı ilə əlaqədar olmaq deyil, eyni gələcək enerji bazarında da güclü mövqe tutur.

Çıxışda enerjidə rəqəmsallaşma və texnologiyanın sektora təsir məsələlərinə də diqqət ayrılıb. Müasir inkişaf, enerji infrastrukturlarının təhlükəsizliyi, kibertəhlükəsizlik və innovativ texnologiyanın tətbiqi enerji siyasətinin əsas istiqamətlərindən biri hesab olunur. Prezident İlham Əliyev qeyd edib ki, Azərbaycan Respublikasında müasir texnologiyaların tətbiqinə xüsusi önəm verilir. Müasir texnologiyaların tətbiqi enerji sistemlərini daha dayanıqlı və səmərəli fəaliyyət göstərməyə imkan yaradır.

Dövlət başçısı çıxışının sonunda vurğuladı ki, enerji təhlükəsizliyi beynəlxalq iqtisadi etimad və siyasi sabitlik olmadan mümkün deyil. Azərbaycan bundan sonra da etibarlı tərəfdaş kimi dünya enerji bazarında öz yerini qoruyacaq. Dövlətimizin enerji siyasəti yalnız ölkəmizin iqtisadi inkişafına təsir etmir, eyni zamanda regionda sabitliyin qorunub saxlanılmasına, qarşıdurmaların qarşısının alınmasına və regionun davamlı inkişafının gücləndirilməsinə xidmət edir.

Nicat Əsədli

YAP Ordubad rayon təşkilatının əməkdaşı

Paylaş:

Baxılıb: 252 dəfə