Qaradağda “Nə? Harada? Nə zaman?” intellektual oyunu keçirilib

Bakı:

17 °C

82 %

6 m/s

Əlaqə

AZ RU EN

Ana səhifə / Arxiv / Qaradağda “Nə? Harada? Nə zaman?” intellektual oyunu keçirilib

Qaradağda “Nə? Harada? Nə zaman?” intellektual oyunu keçirilib

04.05.2026 [10:23]

2026-cı il 1 may tarixində Ümummilli Lider Heydər Əliyevin anadan olmasının 103-cü ildönümü münasibətilə Yeni Azərbaycan Partiyası (YAP) Qaradağ rayon təşkilatı və Bakı şəhər Gənclər və İdman İdarəsi Qaradağ rayon sektorunun birgə təşkilatçılığı ilə Qaradağ Gənclər Evində məktəblilər arasında “Nə? Harada? Nə zaman?” intellektual oyunu keçirilib.

Tədbir Azərbaycan Respublikasının Dövlət Himninin səsləndirilməsi ilə başlayıb. Sonra Ümummilli Lider Heydər Əliyevin və ölkəmizin ərazi bütövlüyü və suverenliyi uğrunda canlarını fəda etmiş şəhidlərin əziz xatirəsi bir dəqiqəlik sükutla yad edilib.

Tədbiri açan Qaradağ Gənclər evinin direktoru Leyla Məmmədova Ulu Öndər Heydər Əliyevin Azərbaycan dövlətinin xilası və inkişafı istiqamətində əvəzedilməz xidmətlərindən bəhs edib. İntelektual yarışın təşkilatçılarına minnətdarlığını bildirən direktor belə tədbirlərin Ümummilli Liderin zəngin irsinin gənclər tərəfindən öyrənilməsinə mühüm təsir göstərdiyini deyib.

Tədbirdə çıxış edən YAP Qaradağ rayon təşkilatının sədr müavini Faiq Qurbanov Ulu Öndər Heydər Əliyevin müasir müstəqil Azərbaycan dövlətinin qurulmasındakı müstəsna xidmətlərindən, Yeni Azərbaycan Partiyasının yaranması və fəaliyyətindən bəhs edib. O bildirib ki, dövlətçiliyin möhkəmləndirilməsi, milli-mənəvi dəyərlərin qorunması və gənc nəslin vətənpərvərlik ruhunda yetişdirilməsində Ulu Öndərin rolu əvəzsizdir. Həmçinin Faiq Qurbanov vurğulayıb ki, Prezident İlham Əliyevin rəhbərliyi ilə həyata keçirilən gənclər siyasəti Ulu Öndərin müəyyən etdiyi strateji kursun uğurla davam etdirilməsinin birbaşa təsdiqidir. Neft kapitalını insan kapitalına çevirəcəyini bildirən Prezident İlham Əliyev Azərbaycan gənclərinin hərtərəfli inkişafı, yüksək səviyyəli təhsili üçün lazım olan bütün addımları atır.

Tədbirin əsas məqsədinin Ümummilli lider Heydər Əliyevin zəngin irsinin öyrənilməsi və təbliği, eləcə də gənclərin intellektual inkişafına dəstək vermək olduğunu qeyd edən YAP rayon təşkilatı sədrinin müavini iştirakçılara uğurlar arzulayıb.

Bakı şəhər Gənclər və İdman İdarəsi Qaradağ rayon sektorunun müdiri Elçin Abbasov çıxışında Ulu Öndərin gənclərin inkişafına, maariflənməsinə və sağlam böyüməsinə verdiyi töhfələrdən danışıb. O bildirib ki, bu cür tədbirlər həm Ulu Öndər Heydər Əliyev irsinin təbliği, həm də rayon məktəbləri arasında əlaqələrin möhkəmləndirilməsi baxımından mühüm əhəmiyyət daşıyır.

Sonra iştirakçılara intellektual oyunun qaydaları barədə ətraflı məlumat verilib.

İntelektual yarışın nəticələrinə əsasən, Qaradağ rayonu 228 nömrəli tam orta məktəbin komandası I yerə, 321 nömrəli tam orta məktəbin komandası II yerə, 106 və 222 nömrəli tam orta məktəblərin komandaları isə eyni xal topladıqlarına görə III yerə layiq görülüb.

Qeyd edək ki, qaliblərə mükafatlar Ümummilli Lider Heydər Əliyevin anadan olmasınnı 103-cü ildönümü ilə əlaqədar mayın 8-də keçiriləcək ümumrayon tədbirində təqdim ediləcək.

Paylaş:

Baxılıb: 311 dəfə