Regionda etibarlı strateji tərəfdaş

Bakı:

10 °C

76 %

7 m/s

Əlaqə

AZ RU EN

Ana səhifə / Arxiv / Regionda etibarlı strateji tərəfdaş

Regionda etibarlı strateji tərəfdaş

13.03.2026 [20:30]

Elmin Məmmədov

YAP Ağdam rayon təşkilatının əməkdaşı

Azərbaycan regionda etibarlı strateji tərəfdaş nüfuzuna sahib olan dövlət olaraq hər zaman balanslaşdırılmış siyasət həyata keçirməkdədir. Bu gün Azərbaycan beynəlxalq müstəvidə etibarlı və strateji tərəfdaş kimi tanınmışdır.

Bu gün əldə olunmuş bütün uğurların müəllifi ölkə Prezidenti cənab İlham Əliyevdir və Onun apardığı uğurlu daxili, xarici siyasət kursunun məntiqi nəticəsidir. Ölkəmizin təşəbbüskarı olduğu layihələr təkcə region üçün deyil, dünya miqyasında da böyük əhəmiyyət daşıyır. Beynəlxalq əlaqələrimizin möhkəmləndirilməsində ikitərəfli ticari-iqtisadi əlaqələrin inkişafı məqsədilə keçirilən iclaslar da böyük əhəmiyyət kəsb edir.

Müasir dünya siyasətində etibarlı tərəfdaş kimi tanınan, Cənubi Qafqaz regionunun lider ölkəsi olan Azərbaycan həm ikitərəfli münasibətlər, həm də beynəlxalq təşkilatlar çərçivəsində səmərəli və qarşılıqlı faydalı əməkdaşlıq əlaqələrini uğurla davam etdirir.

11 Mart 2026-cı il tarixində Azərbaycan Respublikasının Prezidenti İlham Əliyev və Avropa İttifaqı Şurasının Prezidenti Antonio Koşta mətbuata bəyanatlarla çıxış ediblər. Mətbuata bəyanat zamanı Prezident cənab İlham Əliyev çıxış edərək bildirdi ki, "Bizim üçün Avropa bazarı artım potensialına malik ümumi qaz ixracımızın yarısını təşkil edir. Elə bu ayın əvvəlində, biz Cənub Qaz Dəhlizi Məşvərət Şurasının illik toplantısını keçirdik və bu tədbirə Azərbaycan və Avropa Komissiyası ev sahibliyi edir. Orada öz nitqimdə mən auditoriyanı məlumatlandırdım ki, biz bu il qaz hasilatını artırmağı planlaşdırırıq. Biz qazı yeni yataqda hasil etməyə başlayacağıq. Bu gündən etibarən növbəti iki və ya üç il ərzində, - əgər hər şey cədvələ uyğun gedərsə, - bizim bugünkü həcmlə müqayisədə minimum 10 milyard kubmetr əlavə qazımız olacaq. Enerji sahəsində əməkdaşlığımızın digər istiqaməti bərpaolunan enerji ilə bağlıdır ki, onun da böyük potensialı var. Biz külək, Günəş və su elektrik enerjisinə böyük sərmayələr yatırırıq. Planımız beş və ya altı il ərzində ixraca hazır olan 6-8 giqavatlıq bərpaolunan enerjiyə malik olmaqdır. Bir sözlə, hazırda biz Avropa tərəfdaşları ilə ötürülmə xətləri, dəniz dibi kabelləri, enerji infrastrukturunun digər fərqli hissələri üzərində çalışırıq." Qeyd edək ki, Azərbaycan Respublikasının Prezidenti cənab İlham Əliyev ilə Antonio Koşta arasında keçirilən görüş və səsləndirilən bəyanatlar təkcə iki tərəf arasında münasibətlərin hazırkı vəziyyətini deyil, eyni zamanda bu münasibətlərin gələcək istiqamətlərini aydın şəkildə ortaya qoydu. Azərbaycan ilə Avropa İttifaqı arasında əməkdaşlıq bu gün müxtəlif səviyyələrdə fəal mərhələyə daxil olub. Son illərdə qarşılıqlı səfərlərin intensivləşməsi, siyasi dialoqun dərinləşməsi və iqtisadi əlaqələrin genişlənməsi tərəflər arasında formalaşan etimadın bariz göstəricisidir.

Paylaş:

Baxılıb: 342 dəfə