Bakıdan Balkanlara uzanan əməkdaşlıq körpüsü: Diplomatiyamızın növbəti zəfəri

Bakı:

18 °C

72 %

3 m/s

Əlaqə

AZ RU EN

Ana səhifə / Arxiv / Bakıdan Balkanlara uzanan əməkdaşlıq körpüsü: Diplomatiyamızın növbəti zəfəri

Bakıdan Balkanlara uzanan əməkdaşlıq körpüsü: Diplomatiyamızın növbəti zəfəri

18.02.2026 [11:57]

Elçin Quliyev

YAP Nərimanov Rayon Təşkilatının sədri

Birmənalı şəkildə qeyd etməliyik ki, Prezident İlham Əliyevin Serbiyaya səfəri Azərbaycanın son illərdə yürütdüyü çoxşaxəli və praqmatik xarici siyasətin növbəti uğurlu diplomatik nəticəsi kimi dəyərləndirilməlidir.

Bu səfər təkcə ikitərəfli münasibətlərin inkişafı deyil, eyni zamanda, Azərbaycanın Avropa siyasi və enerji arxitekturasında mövqeyinin daha da möhkəmləndirilməsi baxımından mühüm hadisədir.

Eyni zamanda, Prezident İlham Əliyevin Serbiya Respublikasına rəsmi səfəri iki ölkə arasında mövcud olan strateji tərəfdaşlığın inkişafında mühüm mərhələdir.

Səfər çərçivəsində keçirilən görüşlər, Strateji Tərəfdaşlıq Şurasının ilk iclası, eləcə də mətbuata verilən bəyanatlar Azərbaycan-Serbiya münasibətlərinin müxtəlif istiqamətlər üzrə ardıcıl şəkildə genişləndirildiyini bir daha nümayiş etdirdi.

Serbiya kimi regional təsir imkanlarına malik bir dövlətlə strateji tərəfdaşlığın dərinləşdirilməsi Azərbaycanın Avropa ilə münasibətlərində etibarlı və balanslı aktor obrazını gücləndirir.

Prezident İlham Əliyevin Serbiya Prezidenti Aleksandar Vuçiç ilə apardığı danışıqlar qarşılıqlı siyasi etimadın artıq taktiki deyil, strateji səviyyəyə keçdiyini nümayiş etdirir.

Səfərin əsas uğur komponentlərindən biri enerji sahəsində əldə olunan razılaşmalar və verilən siyasi mesajlardır. Azərbaycan bu gün təkcə enerji ixracatçısı deyil, Avropanın enerji təhlükəsizliyində söz sahibi olan ölkədir.

Eyni zamanda, Serbiya ilə qaz təchizatı və enerji əməkdaşlığı üzrə müzakirələr Bakının Avropa üçün alternativsiz tərəfdaş statusunu bir daha təsdiqlədi.

Bu, eyni zamanda, Azərbaycanın geosiyasi çəkisinin iqtisadi alətlər vasitəsilə necə səmərəli şəkildə artırıldığının real nümunəsidir. Digər mühüm məqam Serbiya tərəfinin Azərbaycanın ərazi bütövlüyünə və suverenliyinə nümayiş etdirdiyi açıq siyasi dəstəkdir.

Bu yanaşma Prezident İlham Əliyevin prinsipial və nəticəyönlü diplomatiyasının məntiqi nəticəsi kimi qiymətləndirilməlidir. Rəsmi Bakı beynəlxalq münasibətlərdə emosiyalara deyil, maraqlara və qarşılıqlı faydaya əsaslanan xətt yürütməyin nə qədər effektiv olduğunu bir daha sübut edir.

İqtisadi və investisiya sahəsində perspektivlər də səfərin uğur göstəricilərindəndir. İnfrastruktur, nəqliyyat və kənd təsərrüfatı istiqamətlərində müzakirə olunan layihələr Azərbaycan kapitalının Balkan ölkələri bazarında möhkəmlənməsi üçün yeni imkanlar açır.

Bu isə siyasi dialoqun real iqtisadi nəticələrlə tamamlandığını göstərir. Nəticə etibarilə, Prezident İlham Əliyevin Serbiyaya səfəri Azərbaycanın regional və qlobal miqyasda öz maraqlarını dəqiq hesablayan, sözünü əməli addımlarla möhkəmləndirən güclü dövlət olduğunu bir daha ortaya qoydu.

Səfər çərçivəsində nəqliyyat-logistika sahəsində əməkdaşlıq, regional bağlantıların inkişafı və beynəlxalq layihələrdə birgə iştirak məsələləri də müzakirə edildi.

Ümumilikdə, Prezident İlham Əliyevin səfəri Azərbaycan Serbiya əlaqələrinin möhkəmləndirilməsi, strateji tərəfdaşlığın yeni mərhələyə keçidi. Qarşılıqlı maraq doğuran sahələrdə əməkdaşlığın dərinləşdirilməsi baxımından əhəmiyyətli nəticələrlə yadda qaldı.

Bu səfər həm siyasi, həm iqtisadi, həm də geostrateji baxımdan Azərbaycanın aktiv diplomatiyasının növbəti uğur səhifəsi kimi tarixə düşür. Bir sözlə, Azərbaycanın paytaxtı Bakıdan Balkanlara növbəti əməkdaşlıq körpüsü uzanmaqdadır.

Paylaş:

Baxılıb: 395 dəfə