Mühüm mesajlar və strateji prioritetlər

Bakı:

25 °C

57 %

7 m/s

Əlaqə

AZ RU EN

Ana səhifə / Arxiv / Mühüm mesajlar və strateji prioritetlər

Mühüm mesajlar və strateji prioritetlər

08.01.2026 [17:37]

Azərbaycan Respublikasının Prezidenti İlham Əliyev 5 yanvar 2026-cı il tarixində yerli televiziya kanallarına müsahibə verib. Prezident müsahibəsində 2025-ci ilin uğurlarını, ölkədəki sülh və təhlükəsizlik vəziyyətini, həmçinin 2026-cı ilin strateji prioritetlərini açıqlayıb. Çıxışında həm daxili idarəetmə, həm milli dəyərlərin qorunması, həm də iqtisadi inkişaf və beynəlxalq əməkdaşlıq məsələlərinə toxunaraq cəmiyyətə və dövlət qurumlarına aydın mesajlar verib.

Dövlətimizin başçısı 2025-ci ili Azərbaycan üçün tarixi il adlandıraraq, xüsusilə Ermənistan–Azərbaycan münaqişəsinin siyasi həllinin əldə olunmasını vurğulayıb. O, bildirib ki, artıq ölkə sülh şəraitində fəaliyyət göstərir və bu vəziyyətin qorunması hər bir vətəndaşın və dövlət qurumunun məsuliyyətidir. Prezidentin sözlərinə görə, sülh və stabillik yalnız regional təhlükəsizliyi təmin etmir, həm də ölkənin iqtisadi və sosial inkişafı üçün əsas şərtdir.

Müsahibədə Azərbaycanın xarici siyasətindəki uğurlara da diqqət yetirilib. Dövlətimizin başçısı müsahibəsində bildirib ki, Azərbaycan beynəlxalq münasibətlərdə yeni mərhələyə qədəm qoyub, ABŞ və digər qlobal tərəfdaşlarla dialoq inkişaf etdirilib, regional əməkdaşlıq genişləndirilib. O, həmçinin vurğulayıb ki, Azərbaycanın milli maraqları beynəlxalq səviyyədə prioritet olaraq qorunur və qlobal məsələlərdə ölkənin mövqeyi strateji maraqlara söykənir.

Daxili siyasət sahəsində Prezident İlham Əliyev kadr məsuliyyətinə, idarəçilikdə şəffaflığa və milli dəyərlərin qorunmasına toxunub. O, bəzi təyinatların nəticə vermədiyini qeyd edərək, məsuliyyət prinsiplərinin tətbiq olunduğunu açıqlayıb. Eyni zamanda, milli dilin və mədəniyyətin qorunması dövlət siyasətinin prioritetlərindən biri kimi diqqətə çatdırılıb.

Müdafiə sənayesi və iqtisadi inkişaf məsələlərinə də geniş yer verən Prezident bildirib ki, Azərbaycan hərbi məhsullarını təxminən 20 ölkəyə ixrac edir. Bu, həm milli təhlükəsizliyin gücləndirilməsi, həm də iqtisadi potensialın artırılması baxımından strateji uğur kimi qiymətləndirilir. Prezidentin sözlərinə görə, müdafiə sənayesi ölkənin texnoloji inkişafını sürətləndirir və yerli istehsalın güclənməsinə töhfə verir.

Müsahibə yalnız yerli auditoriya üçün deyil, eyni zamanda qlobal mediada da diqqətə layiq görülüb. Xarici nəşrlər Azərbaycan Prezidentinin çıxışını ölkənin şəffaf diplomatiyasının və strateji inkişaf yolunun nümayişi kimi təqdim ediblər. Prezidentin açıqlamaları həm dövlət qurumları, həm ictimaiyyət, həm də beynəlxalq tərəfdaşlar üçün açıq və aydın mesajlar daşıyır.

Beləliklə, Prezidenti İlham Əliyevin 5 yanvar 2026-cı il müsahibəsi Azərbaycan üçün yeni dövrün başlanğıcını simvolizə edir. Sülh, təhlükəsizlik, milli dəyərlər, iqtisadi inkişaf və beynəlxalq əməkdaşlıq kimi prioritetlər müsahibədə aydın şəkildə göstərilib və ölkənin 2026-cı ildə strateji inkişaf yolunda yeni mərhələyə qədəm qoyduğunu nümayiş etdirib.

Fidan Hüseynova

YAP Quba rayon təşkilatının sədri

Paylaş:

Baxılıb: 931 dəfə