Şəmkirdə Ümummilli Lider Heydər Əliyevin anadan olmasının 102-ci ildönümü münasibətilə silsilə tədbirlər davam edir

Bakı:

24 °C

61 %

4 m/s

AZ RU EN

Ana səhifə / Arxiv / Şəmkirdə Ümummilli Lider Heydər Əliyevin anadan olmasının 102-ci ildönümü münasibətilə silsilə tədbirlər davam edir

Şəmkirdə Ümummilli Lider Heydər Əliyevin anadan olmasının 102-ci ildönümü münasibətilə silsilə tədbirlər davam edir

06.05.2025 [17:05]

06 may 2025-ci il tarixdə Yeni Azərbaycan Partiyası Şəmkir rayon təşkilatı və Şəmkir Təhsil Sektorunun birgə təşkilatçılığı ilə 2025-ci il “Konstitusiya və Suverenlik İli” çərçivəsində Ümummilli Lider Heydər Əliyevin anadan olmasının 102 - ci ildönümü münasibətilə “Müstəqil Azərbaycan Ulu öndərin indiki və gələcək nəsillərə əmanəti, onun zəngin və çoxşaxəli irsi isə xalqımızın milli sərvətidir” mövzusunda tədbir keçirildi.

Tədbirdə YAP Şəmkir rayon təşkilatının sədri Fəxrəddin Vəliyev, Şəmkir Təhsil Sektorunun müdiri Elşən Ələsgərov, rayon təşkilatının əməkdaşları və partiya fəalları iştirak etdilər.

İlk öncə Ümummilli Lider Heydər Əliyevin və müqəddəs şəhidlərin əziz xatirəsi bir dəqiqəlik sükutla yad edildi.

YAP Şəmkir rayon təşkilatının sədri Fəxrəddin Vəliyev çıxış edərək Möhtərəm Prezidentimizin 28 dekabr 2024-cü il tarixli Sərəncamı ilə 2025-ci ilin “Konstitusiya və Suverenlik İli” elan edildiyini və 10 may 2025- ci il tarixdə Ümummilli Lider Heydər Əliyevin anadan olmasının 102-ci ildönümünün qeyd olunacağını diqqətə çatdırdı. Rayon təşkilatının sədri keçirilən bu silsilə tədbirlərin mahiyyətindən, əhəmiyyətindən, xalqımızın milli sərvəti sayılan ərazi bütövlüyümüzün, suverenliyimizin bərpa olunmasından, bütün ölkə ərazisində konstitusiya quruluşumuzun bərqərar edilməsindən, Möhtərəm Prezidentimiz İlham Əliyev cənablarının rəhbərliyi altında qazanılan misilsiz qələbə sayəsində Dövlət Bayrağımızın bu gün bütün ərazilərimizdə əzəmətlə dalğalanmasından ətraflı danışdı.

Sonra çıxış edən Şəmkir Təhsil Sektorunun müdiri Elşən Ələsgərov, Şəmkir şəhər Fərman Salmanov adına tam orta məktəbin tarix müəllimi, partiya faəlı Nəriman Əhmədov və digər partiya fəalları çıxış edərək Ulu Öndər Heydər Əliyev olan Milli Konstitusiyamızın qəbul edilməsinin 30 illiyini və Vətən müharibəsində qazanılan Möhtəşəm Zəfərin 5 illiyini, Ümummilli Lider Heydər Əliyevin anadan olmasının 102-ci ildönümünü təntənə ilə qeyd edəcəkdir. Natiqlər Ulu Öndər Heydər Əliyevin şərəfli və mənalı ömür yolundan, onun misilsiz xidmətlərindən, Möhtərəm Prezidentimiz tərəfindən imzalanan Sərəncamın mühüm tarixi əhəmiyyətindən, qazanılan uğurlardan, əldə olunan nailiyyətlərdən, qarşıda duran mühüm vəzifələrdən ətraflı danışdılar. Onlar Ümummilli Lider Heydər Əliyevin siyasi kursunun bu gün uğurla davam etdirildiyini və müstəqil, suveren Azərbaycanın beynəlxalq aləmdə söz, nüfuz sahibi olduğunu və hazırda ölkəmizin yeni bir inkişaf dövrünü yaşadığını xüsusi vurğuladılar.

Tədbirin sonunda rayonun ictimai-siyasi həyatında fərqlənən bir neçə fəal partiya üzvlərinə fəxri fərmanlar təqdim olundu.

Paylaş:

Baxılıb: 557 dəfə