Çoxşaxəli və praqmatik siyasəti

Bakı:

26 °C

55 %

3 m/s

Əlaqə

AZ RU EN

Ana səhifə / Arxiv / Çoxşaxəli və praqmatik siyasəti

Çoxşaxəli və praqmatik siyasəti

10.05.2024 [20:21]

Prezident İlham Əliyevin çoxşaxəli və praqmatik siyasəti sayəsində Azərbaycan Respublikası ilə Slovakiya Respublikası arasında diplomatik münasibətlər iqtisadi, hərbi, mədəni və humanitar sahədə əməkdaşlığımız gündən günə güclənməkdədir. Ulu öndər Heydər Əliyevin hakimiyyətə gəlişi ilə müstəqilliyini möhkəmləndirmiş Azərbaycanın müstəqilliyini ilk illərdə tanıyan Respublikalardan biri də Slovakiya Respublikası olmuşdur. Slovakiya Respublikası ölkəmizi müstəqil respublika kimi tanıdıqdan sonra iki dövlət arasında qısa zaman çərçivəsində ciddi diplomatik münasibətlər qurulmuşdur. Bu diplomatik münasibətlərin genişlənməsi sahəsində cənab Prezident İlham Əliyevin 18 mart 2004-cü il tarixdə Slovakiya Respublikasına işgüzar səfəri əhəmiyyətli dərəcədə təsir göstərmişdir. Səfər çərçivəsində ikitərəfli hərbi, mədəniyyət, diplomatik və humanitar sahələrdə mühüm sənədlər imzalanmışdır. Cənab Prezident İlham Əliyevin Slovakiya Respublikasına işgüzar səfərindən sonra 13 dekabr 2005-ci il tarixdən Azərbaycan Respublikasının Milli Məclisində Azərbaycan-Slovakiya parlamentlərarası əlaqələr üzrə işçi qrupu fəaliyyət göstərir. İkitərəfli əlaqələrin genişlənməsi çərçivəsində 01 oktyabr 2019-cu il tarixdə Slovakiya Respublikasının Azərbaycanda səfirliyi fəaliyyətə başlamışdır. Səfirliyin ölkəmizdə fəaliyyətinin nəticəsində bu gün ölkəmizdə Slovakiya şirkətləri yol tikintisi və müxtəlif layihələrin həyata keçirilməsində yaxından iştirak edirlər.

Son zamanlar Azərbaycanda qaz hasilatının artması, yeni yataqların kəşf edilməsi və istismara verilməsi xarici investorların maraqlarını ölkəmizə daha da artırmışdır.Məhz Avropa İttifaqı ilə Azərbaycan arasında qaz və enerji sahəsində imzalanmış strateji tərəfdaşlıq Bəyannaməsinin qarşılıqlı şəkildə tam icra olunması Avropa ölkələrinin etibarlı tərəfdaş kimi ölkəmizə maraqlarını artırmışdır.Slovakiya Respublikası da istər diplomatik sahədə, istərsə də ticari tərəfdaşlıqda Azərbaycanı etibarlı tərəf kimi qəbul etməkdədir. 30 illik işğaldan sonra Müzəffər Ali Baş Komanın və qalib odumuzun sayəsində işğaldan azad olunmuş ərazilərimizdə bu gün yenidənqurma işləri sürətlə aparılmaqdadır. Bu yenidənqurma işlərinin aparılmasındaəksər ölkələrin şirkətləri yaxından iştirak edirlər. Məhz Slovakiya Respublikasının şirkətləri də həm Qarabağda, həm də ölkəmizin digər ərazilərində enerji, kənd təsərrüfatı, elektrik stansiyalarının tikintisi, ətraf mühitin qorunması və inşaat sahəsində əməkdaşlıq etməkdə daha çox maraqlıdırlar.

2023-cü il iyulun 28-də Slovakiya Respublikasında Azərbaycan Respublikasının Səfirliyi təsis edilmişdir. Səfirliyimizin təsis edilməsindən qısa zaman keçməsinə baxmayaraq ölkələrimiz arasında əlaqələrin güclənməsində Səfirliyimizin böyük rolu olmuşdur. Cari ilin 7 may tarixində Slovakiya Respublikasının Baş naziri Robert Fitsonun ölkəmizə səfəri baş tutmuşdur. Robert Fitsonla görüş zamanı Cənab Prezident İlham Əliyev qeyd etmişdir ki, Azərbaycan və Slovakiya Respublikaları arasındakı qarşılıqlı əlaqələrin perspektivliyinə toxunaraq qeyd etmişdir ki, “Biz indi təkbətək görüşdə bir çox önəmli məsələləri müzakirə etdik. Slovakiya-Azərbaycan əlaqələrinin perspektivləri haqqında fikir mübadiləsi apardıq və biz bir fikirdə həmrəyik ki, bu əlaqələrin çox gözəl gələcəyi var. Həm siyasi, həm iqtisadi, enerji, sənaye istehsalı sahələrində əməkdaşlığın perspektivləri çox müsbətdir. Mən hesab edirəm ki, Sizin səfəriniz əlaqələrimizin yeni səhifəsini açacaq. Çünki bu gün müzakirə edilən məsələlərin əhatə dairəsi o qədər genişdir ki, bu məsələlərin həlli bizim münasibətlərimizi çox yüksək səviyyəyə qaldıracaqdır. Eyni zamanda, bu gün bundan bir qədər sonra biz Strateji tərəfdaşlıq haqqında Birgə Bəyannamə imzalayacağıq. Bu da çox ciddi siyasi sənəddir, faktiki olaraq münasibətlərimizi ən yüksək səviyyəyə qaldıran bir sənəddir. Sənədin özü və onun məzmunu təbii ki, bizim niyyətimizi göstərir, bir-birimizə olan hörməti, qarşılıqlı dəstəyi göstərir. İndi biz nümayəndə heyətlərinin iştirakı ilə müzakirələrimizi davam etdirəcəyik. Əminəm ki, əldə ediləcək razılaşmalar vaxtlı-vaxtında icra olunacaq və beləliklə, bizim əməkdaşlığımız daha sürətlə inkişaf edəcək”. Görüş zamanı Azərbaycan Respublikası ilə Slovakiya Respublikası arasında strateji tərəfdaşlığın yaradılması haqqında Birgə Bəyannamə, Azərbaycan Respublikasının Müdafiə Sənayesi Nazirliyi ilə Slovakiya Respublikasının Müdafiə Nazirliyi arasında hərbi-texniki əməkdaşlıq sahəsində Anlaşma Memorandumu, Azərbaycan Respublikasının Müdafiə Nazirliyi ilə Slovakiya Respublikasının Müdafiə Nazirliyi arasında müdafiə sahəsində əməkdaşlıq haqqında sazişi imzalanmışdır.

Yeni Azərbaycan Partiyası Yardımlı rayon təşkilatının sədri: Anar Alışov

Paylaş:

Baxılıb: 798 dəfə